ஐ .பி .எல் - 6 மகுடம் யாருக்கு ?

சென்னைக்கு ஈஸி வெற்றி! சன் ரைசர்ஸ் அணியை 77 ரன்கள் வித்தியாசத்தில் வீழ்த்தியது!


ஹைதராபாத்: ஐபிஎல் 6வது தொடரில் ஹைதராபாத்தில் இன்று நடைபெற்ற போட்டியில் சென்னை சூப்பர் கிங்ஸ் அணி 77 ரன்கள் வித்தியாசத்தில் சன் ரைசர்ஸ் ஹைதராபாத் அணியை சொந்த மண்ணில் வீழ்த்தி அபார வெற்றி பெற்றது.

முரளி விஜய் கேட்ச்

இன்றைய போட்டியில் முதலல் ஆடிய சென்ன்னை சூப்பர்கிங்ஸ் அணியின் தொடக்க வீரர் முரளி விஜய் முதலில் தடுமாறினாலும் போகப் போக பிக்கப் ஆனார். குறிப்பாக 4வது ஓவரில் இஷாந்த் சர்மா பந்து வீச்சை அடித்து நொறுக்கிய அவர் தொடர்ந்து 3 சிக்ஸர்களை விளாசினார். ஆனால் அடுத்த ஓவரிலேயே அவர் ஆட்டமிழந்து வெளியேறினார். 20 பந்துகளைச் சந்தித்த விஜய் 29 ரன்களைக் குவித்தார்.

ஹஸ்ஸியின் திடீர் அவுட்

சிறப்பாக ஆடி வந்த ன்னொரு தொடக்க ஆட்டக்காரரான மைக் ஹஸ்ஸி 67 ரன்கள் எடுத்திருந்த நிலையில் பெரைராவின் பந்தில் போல்ட் ஆனார். இவர் 5 பவுண்டரிகள், 4 சிக்சர்களை விளாசினார்.

கேப்டன் டோணியின் அதி வேக அவுட்

ஹஸ்ஸிக்குப் பிறகு களம் இறங்கிய கேப்டன் டோணி வந்த வேகத்தி்ல 4 ரன்களில் பெவிலியன் திரும்பினார். இவரும் பெரைரா பந்தில் கரன் சர்மாவிடம் கேட்ச் ஆனார்.

ஆட்டமிழக்காத ரெய்னா

கடைசி வரை ஆட்டமழக்காமல் அதிரடியாக ஆடிய சுரேஷ் ரெய்னா 99 ரன்களுடன் களத்தில் இருந்தார். 20வது ஓவரின் கடைசிப் பந்தை அடித்து விட்டு ரன் எடுக்க ஓடிய அவர் ரன் அவுட் செய்யப்பட்டார். இருப்பினும் நடுவர் அதை நோ பால் என்று அறிவித்தார். இருப்பினும் மூன்றாவது நடுவரிடம் தீர்ப்பு விடப்பட்டது. 3வது நடுவர் நாட் அவுட் என்று அறிவிக்க ப்ரீஹிட் கிடைத்து அதை பவுண்டரிக்கு விரட்டினார் ரெய்னா. ரவீந்திர ஜடேஜாவும் ஆட்டமிவக்கால் 14 ரன்களை எடுத்து களத்தில் இருந்தார். 20 ஓவர் முடிவில் சென்னை சூப்பர் கிங்ஸ் அணி 223 ரன்களைக் குவித்தது.

தடுமாறிய ஹைதராபாத்

இதைத் தொடர்ந்து 224 ரன்கள் எடுத்தால் வெற்றி என்ற கடினமாக இல்லை நோக்கி சேஸிங் செய்ய களமிறங்கியது சன் ரைசர்ஸ் அணி. அந்த அணியின் தொடக்க வீரரான பார்த்திவ் படேல் மட்டுமே நிலைத்து ஆடினார். மற்ற அனைவருமே மிக மிக சொற்ப ரன்களிலேயே அடுததடுத்து அவுட் ஆகினர். குறிப்பாக அந்த அணி 46 ரன்களை எடுத்திருந்த போது சங்ககாரா 3 ரன்கள் எடுத்த நிலையில் 2வது விக்கெட்டாக வீழ்ந்தார். அதற்குப் பின்னர் விஹாரி 3 ரன்களிலும் அதிரடி காட்டிய சம்மி 7 ரன்களிலும் ஆவுட் ஆனார். 11ஓவர் முடிவில் சன் ரைசர்ஸ் ஹைதராபாத் அணி 5 விக்கெட் இழப்புக்கு 87 ரன்களையே எடுத்திருந்தது.

தோல்வியை நோக்கி

ஹைதராபாத் அணியின் திசரா பெரைரா- கரன் ஷர்மா ஜோடி சற்றே நிலைத்து ஆடியது. 13 பந்துகளில் 23 ரன்களை எடுத்திருந்த நிலையில் பெரைரா அவுட் ஆனார். பின்னர் கரன் ஷர்மாவுடன் அமித் மிஸ்ரா இணைந்து கொண்டார். 15 ஓவர் முடிவில் ஹைதராபாத் அணி 6 விக்கெட் இழப்புக்கு 109 ரன்களை மட்டுமே எடுக்க முடிந்தது.16வது ஓவரின் 2வது பந்தில் அமித் மிஸ்ரா ரன் அவுட் ஆனார். அப்போது 7 விக்கெட் இழப்புக்கு 110 ரன்களை எடுத்து தோல்வியை நோக்கி சன் ரைசர்ஸ் அணி பயணித்துக் கொண்டிருந்தது. 16 வது ஓவரின் முடிவில் 24 பந்துகளில் 113 ரன்கள் என்ற சாத்தியமற்ற ஒரு நிலையில் ஹைதராபாத் தவிக்க, சென்னை சூப்பர் கிங்ஸ் அணி வீரர்களும் ரன் ஏதும் அடிக்கவிடாமல் பந்து வீசவும் பீல்டிங் செய்யவும் ரொம்பவுமே மெனக்கெட்டனர்.

ஆனால் 18வது ஓவரை வீசிய ஜடேஜேவின் பந்துகளை கரன் ஷர்மா சிக்சருக்கும் பவுண்டரிக்கும் பறக்கவிட்டார். இந்த ஓவரில் மட்டும் 12 ரன்களை கூடுதலாக எடுத்ு 127 ரன்களை எட்டியது ஹைதராபாத். 12 பந்தில் 97 ரன்களை எடுக்க வேண்டும் என்ற எட்ட முடியாத நிலையில் 19வது ஓவரை சென்னை அணியின் பிராவோ வீசினார். இந்த ஓவரில் மேலும் 7 ரன்கள் மட்டுமே எடுத்து தோல்வியை உறுதி செய்து கொண்டது ஹைதராபாத் அணி. கடைசி 6 பந்தில் 90 என்பது சாத்தியம் இல்லாத நிலையில் தோல்வி வித்தியாசத்தைக் குறைத்துக் கொண்டு ஆறுதல் அடைவதற்காக கடைசி ஓவரை அந்த அணி எதிர்கொண்டது. சென்ையின் மோரிஸ் வீசிய இந்த ஓவரின் 4வது பந்தில் ஒரு அற்புதமான சிக்சர் அடித்தார் ஸ்டெயின். அடுத்த பந்தில் அவர் ஹோல்டரிடம் கேட்ச் கொடுத்து அவுட் ஆக 8 விக்கெட் இழப்புக்கு 143 ரன்கள் என்ற நிலையில் கடைசி பந்தை எதிர்கொள்ள இஷாந்த் சர்மா வந்தார். ஒருவழியாக 20 ஓவர் முடிவில் சன் ரைசர்ஸ் ஹைதராபாத் அணி 8 விக்கெட் இழப்புக்கு146 ரன்களை மட்டுமே எடுத்திருந்தது. அந்த அணியின் கரன் ஷர்மா 33 பந்துகில் 39 ரன்களுடனும் இஷாந்த் ஷர்மா ரன் ஏதும் எடுக்காமலும் அவுட் ஆகாமல் இருந்தனர்.

இதனால் சென்னை சூப்பர் கிங்ஸ் அணி 77 ரன்கள் வித்தியாசத்தில் அபார வெற்றி பெற்றது.