புரவலரும் புலவரும்!

**சாமி** · **சாமி** Thu Mar 07, 2013 1:20 pm

சங்க காலத்தில் அன்றைய வேந்தர்கள் புலவர்களை ஆதரித்து சங்கப் பாக்கள் படைத்ததோடு, பாண்டியன் நெடுஞ்செழியன் போன்ற ஒருசில புரவலர்கள் புலவர்களாக இருந்ததை சங்கப் பாடல்கள் வழி அறியலாம். சங்கப் பாடல்களை வளர்த்தெடுக்க பண்டு துணை நின்றவர்கள் சங்க அரசர்கள். அதே போல சிற்றிலக்கியங்களை வளம்பெறச் செய்தவர்கள் என்ற புகழ் சேது மன்னர்களைச் சாரும். அவர்களுள் துரைராஜா என்ற முத்துராமலிங்க சேதுபதி (1841-73), தான் புலவர்களை ஆதரித்ததோடு மட்டுமல்லாது, தானே சிற்றிலக்கியப் பாடல்களும் இயற்றியுள்ளார்.

நிமிட நேரங்களில் சிறந்த தமிழ்க் கவிதை எழுதி முடிப்பதால் இவருக்கு "நிமிசகவி' என்ற பட்டம் தமிழ்ப் புலவர்களால் வழங்கப்பட்டது. இவர் வள்ளிமண மாலை, நீதிபோத வெண்பா, சரச்சல்லாப மாலை, மரபாகர மாலை, பாலயோகம், சடாக்கரசாரப் பதிகம், முருகரனுபூதி ஆகிய ஏழு சிற்றிலக்கியங்களை இயற்றியுள்ளார். வள்ளிமலை மாலை, சரச்சல்லாப மாலை, சடாக்கரசாரப் பதிகம் இவை முருகனைப் பற்றியவை. பாலபேதம், நீதிபோதம் இவரது பிற படைப்புகள். ஆயிரம் பாடல்கள் இவர் இயற்றியதாகக் கூறப்படுகிறது.

மேலும், தமிழ்ப் பாடல்களையும், பிறமொழிப் பாடல்களையும் இவர் இயற்றியுள்ளார். இவை காயகப்பிரியா, இரசிகரஞ்சனம் என்னும் தலைப்புகளில் 1840-இல் வெளிவந்துள்ளன. அன்று (சங்க காலம்) சங்கப்பலகை கண்டது போல் இன்றைய இராமநாதபுர மாவட்டம் அன்று சிற்றிலக்கியப் பனுவலைக் கண்டது எனலாம். இங்ஙனம் பல அரசர்கள் 15 முதல் 18-ஆம் நூற்றாண்டுகளில் இருந்த போதிலும், தமிழ்ச் சிற்றிலக்கியங்களையும் மற்றைய தமிழ் நூல்களையும் பாதுகாத்த சிறந்த திருமகனார்கள் சேது கண்ட சேதுபதிகள் என்பதனை அறியலாம்.
(நன்றி-தினமணி)

யினியவன் · யினியவன் Mon Apr 29, 2013 12:34 am

நல்ல பகிர்வு சாமி.

றினா · றினா Mon Apr 29, 2013 12:27 pm

நல்லது.

Sponsored content · Sponsored content

புரவலரும் புலவரும்!

புரவலரும் புலவரும்!

Re: புரவலரும் புலவரும்!

Re: புரவலரும் புலவரும்!

Re: புரவலரும் புலவரும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக