"சொத்து இருந்தால் தான் சொந்தமும், பந்தமும்'

**Powenraj** · **Powenraj** Sun Mar 03, 2013 11:51 am

http://img.dinamalar.com/data/large/Tamil_News_large_658800.jpg
சென்னை: "சொத்துகளுடன் இருந்தால் சோறு, இல்லையேல், வீட்டை விட்டு வெளியேறு' என்பதாக தான், இன்றைய நடுத்தர மற்றும் ஏழை குடும்பங்களில் வசிக்கும் முதியோரின் நிலை உள்ளது.
எழும்பூர் ஹால்ஸ் சாலை சந்திப்பில், ஒரு தம்பதியர், வாழ்வதற்கு பணம் மற்றும் வசதி இல்லாமல், நடைபாதையில் காலத்தை கடத்தி வருகின்றனர். அவரது பெயர் ராமதாஸ், 85. அவரது மனைவி கஸ்தூரி, 78. இவர்களின் ஒரேமகள் திருமணமாகி, பொழிச்சலூரில் வசிப்பதாக கூறப்படுகிறது. தச்சராக வேலை பார்த்து வந்த ராமதாஸ், செய்ய வேண்டிய கடமையான, மகளின் திருமணத்தை முடித்துவிட்டார். தனக்கென, எந்த சொத்தும் சேர்க்கவில்லை. தற்போதைய ஒரே சொத்து, மனைவியும், முதுகு வலியும் தான். மனைவிக்கு காது கேட்காது. மனைவியின் பேச்சு கணவருக்கு மட்டுமே புரிகிறது. கணவரின் செய்கை, மனைவிக்கு மட்டுமேபுரிகிறது. மகளுக்கு தொந்தரவு தர கூடாது என்ற நினைப்போடு, முன் வேலை பார்த்த எழும்பூர் பகுதியில், தனக்கென யாராவது உதவுவர் என்ற நம்பிக்கையில், எழும்பூர் ஹால்ஸ் சாலை நடைபாதையில், ஒரு பாய், சில துணிமணிகளோடு வசித்து வருகின்றனர். பரிதாபப்பட்டு யாராவது தரும் உணவை சாப்பிட்டு விட்டு, வாழ்ந்து வரும் இவர்களுக்கு உள்ள ஒரே ஆறுதல், கணவனுக்கு மனைவியும், மனைவிக்கு கணவரும் இருப்பது தான்.
-
தினமலர்

ஆரூரன் · ஆரூரன் Sun Mar 03, 2013 1:25 pm

மேற்கத்திய கலாசாரம் தந்த பரிசு இது!
கூட்டுக் குடித்தனம் போச்சே ... வேறு என்ன நடக்கும்!
நமக்கும் இப்படித்தான்.

**Muthumohamed** · **Muthumohamed** Sun Mar 03, 2013 1:39 pm

என்ன செய்வது காலத்தின் கட்டாயம் இது

நமக்கும் இந்த நிலை வரும் என்று யாரும் நினைப்பதில்லையே

உதயசுதா · உதயசுதா Sun Mar 03, 2013 1:52 pm

பாவம் இவரு பொண்ணுக்கு என்ன பிரச்சினையோ. அவங்க கணவர் அனுமதித்தால்தானே அவராலும் பெற்றோரை பார்த்து கொள்ள முடியும்.

நம்ம நாட்டுல தான் மருமகன்கள் தன்னை பெற்றவர்களை மட்டும் தன் மனைவி பார்த்து கொண்டால் போதும் என்று நினைக்கிறாங்களே. அவளை பெற்றவர்களும் மனிதர்கள் தான் என்று நினைக்க மாட்டேங்குறாங்களே. மாமனார் மாமியார் நல்லா இருந்தா அவங்க கிட்ட பணம் கறக்குரதை மட்டும் தானே செய்யறாங்க.