வெட்டை நோய்

வெள்ளை நோய் என்றழைக்கப்படும் இந்த வெட்டை நோயில் பல விதங்கள் உண்டு. மஞ்சள் நிறமுள்ள வெள்ளை கஞ்சி போல, பாலின் வெண்மையைப் போல, சீழ் போன்ற வெள்ளை நிறமுள்ள என பல வெள்ளைப்படுதல் உண்டு. இந்த நோய் குழந்தை முதல் வயது முதிர்ந்த கிழவி வரையும், குமரிக்கும் ஏற்படலாம்.

இந்நோய் 25% ஆண்களுக்கும், பெண்களுக்கும் இருக்கிறது. ஒரு பரிசுத்தமான ஆணும், பரிசுத்தமான பெண்ணும் புணர்ச்சியில் பட்டுக் கொண்டிருந்தால் இந்நோய் வருவதில்லை. இவ்வாறு இருக்கையில், ஆணோ, பெண்ணோ தவறாக பிறருடன் புணர்ச்சியில் பட்டால் இந்நோய் எளிதில் பற்றும்.

அப்படியானால் நாட்டில் 25% வெள்ளை நோய் இருக்கிறது. நமது மனைவிக்கும் இருக்கிறது. எனவே நமது மனைவி நடத்தை கெட்டவள் என்று சந்தேகப்படலாகாது. இந்நோய் தவறான நடத்தையில் படுவதால் மட்டுமே வரக்கூடியது என்று நாம் சொல்லிவிட முடியாது.

மூக்கில் ஜலதோஷம் ஏற்படுவது போல், யோனியில் இந்நோய் பற்றுவது உண்டு.

தீய பெண்ணை ஒரு மனிதன் தீண்டிய மூன்றாவது தினமே இந்நோய் அவனைப் பற்றும். மேகவெட்டையின் காரணமாக அவனுக்குப் பின்னால் இதயம் பாதிக்கப்படலாம். மேலும் கண்பார்வை மங்கல், எலும்பு குண்டிக்காய்களின் பாதிப்பு ஆகியவை ஏற்படலாம்.

நோயின் அறிகுறிகள்:

முதலில் சிறுநீர் துவாரத்தில் அரிப்பு ஏற்படும். சிறுநீர் துவாரத்தில் எரிச்சலும், குத்தலுடன் வலியும் ஏற்படும். இந்நோய் உள்ளவன் சிறுநீர் கழிக்க அதிக நேரம் அவதிப்படுவான். ஒரு துளி சிறுநீர் வருவதற்குள் அவன் உயிர் போகும் அவதியினைப் பெற்று விடுவான். சிறுநீர் பாதையில் அரிப்பு ஏற்பட்டு வெள்ளைப்போக்கு ஏற்படும். அல்லது துர்நாற்றமுள்ள மஞ்சள் நிறப்போக்கு ஏற்படும். இந்நோய்க்கு உடனே மருத்துவம் செய்யத் தவறினால் அது அவனை மரணப்பாதைக்கு அழைத்துச் செல்லும்.

வெட்டை நோய்க்கு மருந்து:

(1) புங்கன் கொழுந்தை நன்கு அரைத்து நல்லெண்ணெயுடன் கலந்து காலையும், மாலையும் கொடுக்க வெட்டை நோய் குணமாகும்.
உணவுடன் வறுத்த உப்பைக் கூட்டுவதுடன் போகத்தையும் தவிர்க்க வேண்டும்.

(2) பதினைந்து சோவியை இடித்து வஸ்திரகாயம் செய்து, பீங்கானிலிட்டு, பொடி மூழ்கும் அளவு எலுமிச்சம் பழச்சாறு விட வேண்டும். இதனைப் பீங்கானோடு ஒரு இரவு முழுவதும் பனியில் வைத்திருக்க வேண்டும்.

வெட்டை நோயாளியை காலை வேளையில் அமரச்செய்து, தலையில் தேய்த்து இரு குடம் குளிர்ந்த நீர் விட்டுக் குளிப்பாட்டி தலையை நன்றாகத் துவட்டியவுடன் எலுமிச்சம் பழச்சாறு தெளிய வைக்கப்பட்டதை இறுத்து உட்கொள்ளச் செய்ய வேண்டும். மூன்று நாட்கள் உட்கொண்டால் வெள்ளை நோய் நீங்கும்.

(3) ஆனை நெருஞ்சில் தழையை சுத்தம் செய்து நீராகாரத்தில் நன்றாக அடிக்க ஒருவித வழவழப்பு ஏற்படும். இதை ஒரு வாரம் குடித்து வந்தால் வெள்ளை வெட்டை நீங்கும்.

(4) வெள்ளைப் பூண்டுடன் சிறிது வெள்ளருகு வேரும், மிளகும் சேர்த்தரைத்து பாலில் கலந்து குடித்துவர நோய் தீரும்.