கவியருவி ம. ரமேஷ் கஸல்கள்

**முனைவர் ம.ரமேஷ்** · 21/08/2011

First topic message reminder :

என்
கண்ணில் கொட்டுவது
கண்ணீரல்ல
நீ பேசிய
ஆசை வார்த்தைகள்

நீ
என்னை
மறந்துபோய் நினைத்திருக்கலாம்
துன்பத்தில் நினைக்கும்
பக்தன்போல

வா, வேண்டுமானால்
காதல்
செத்துப் போகட்டும்
நாம் வாழலாம்

**ஜாஹீதாபானு** · **ஜாஹீதாபானு** Sat Feb 02, 2013 5:05 pm

அனைத்துமே அருமை சூப்பருங்க

முகம்மது ஃபரீத் · 07/07/2011

அருமை அருமை அனைத்தும் அருமை உங்களது கவிதைகள் அனைத்தையும் புத்தகம் போடலாம்............ புன்னகை

வாழ்த்துக்கள்... மகிழ்ச்சி

**முனைவர் ம.ரமேஷ்** · 21/08/2011

நன்றி நண்பர்களே... புத்தமாக்கும் பணிகள் நடந்துகொண்டுள்ளன...

விரைவில் தெரியப்படுத்துகிறேன்...

**முனைவர் ம.ரமேஷ்** · 21/08/2011

என் காதல்
கை நழுவிப்போனது
மாராப்பை விட்டு
விலகிய சேலையாய்

மனம்
சோர்ந்து படுத்து விட்டது
சுவற்று நிழல்
தளராமல்
உன்னை நினைக்கிறது

உனக்கு என்னையும்
எனக்கு உன்னையும்
அறிமுகம் செய்த நண்பன்
இன்று
பகைவன்

**முனைவர் ம.ரமேஷ்** · 21/08/2011

உன்
நினைவுகள்
கனவுகளையும்
தூங்க விடுவதில்லை

நவீன விட்டில்
விளக்கை அணைத்துவிட்டு
சூரியனில் பாய்கிறது

மொட்டுக்கள்
அழுது சேர்த்தக்
கண்ணீர்தான்
தேன் துளிகள்

**முனைவர் ம.ரமேஷ்** · 21/08/2011

நாம்
கையும் களவுமாக
பிடிபட்டு விட்டோம்
இறைவனிடம்

என் காதல்
கருச்சிதைவாகிவிட்டது

இறைவா!
உனக்குப் பசிக்கும்போது
என்னை
பறிமாறிக்கொள்

**முனைவர் ம.ரமேஷ்** · 21/08/2011

நீ
துப்பிய எச்சிலாள்
கிருமியாய் வளருகின்றது
என் காதல்

காதல் கவிதைகளைக்
கிறுக்கியவன் இறைவன்
அதன் அர்த்தம் புரியாததால்
கல்லறையில்
காதலர்கள்

இறைவா!
உன் சந்நிதியில் என்ன
எல்லைப் பிரச்சினை?

**முனைவர் ம.ரமேஷ்** · 21/08/2011

நடத்துநரிடம்
தங்கிப் போன
ஐம்பது பைசாவாய்க்
காதலியிடம்
தங்கிப் போனது
என் காதல்

திருமணத்திற்கு முன்னரே
என் காதல்
விவாகரத்தாகிவிட்டது

பிரிவுகள்
சோகமானபோதும்
கவிதைகள்
அழகாய் இருக்கின்றன

**முனைவர் ம.ரமேஷ்** · 21/08/2011

இறைவன்
பேன் பார்க்கும் சாக்கில்
மறந்து போன
என்
தலையெழுத்தைப் பார்க்கிறான்

வாழ்க்கை வியாபாரத்தில்
லாபம் பார்த்தவர்கள்
பெற்றோர்கள்
நஷ்டப்பட்டவர்கள்
காதலர்கள்

இறைவன்
அழைத்தபோது
திரும்பிப் பார்க்காதவர்கள்
காதலர்கள்

**முனைவர் ம.ரமேஷ்** · 21/08/2011

உன்னை மட்டுமல்ல
உலகத்தையே
மறக்கச் செய்யத்தான்
காதல்
படைக்கப்பட்டுள்ளது

நம்மைக் கடந்துச்
சென்ற காற்று
பூக்களுக்குச் சொல்லிக் கொடுக்கும்
வண்டுகளிடம்
எப்படிப் பேச வேண்டுமென்று

இக்கவிதைகள்
காதலுக்கானக்
கண்ணீர் மாலை

--
வணக்கம் அன்பு உறவுகளே... நண்பர்களே...

தமிழ் டாக்டர் (முனைவர்) பட்ட ஆய்வுக்காகத் தங்களின் கவிதை புத்தகங்கள் வரவேற்கப்படுகின்றன.

21ஆம் நூற்றாண்டுத் தமிழ் கவிதைகளின் போக்குகள் என்பது ஆய்வுத் தலைப்பாகும். எனவே தங்களின் படைப்புகள் 2000 - 2012 அல்லது 2013 இறுதிவரை வெளியாகும் - வெளியிடப்பட்ட கவிதைப் புத்தகங்கள் எந்த வகையினதாக இருந்தாலும் (புதுக்கவிதை, ஹைக்கூ, சென்ரியூ, ஹைபுன், கஸல் என்று புதிய வடிவங்களைத் தாங்கிய படைப்புகளை) தெரியப்படுத்தவும். எத்தனைப் புத்தகங்களாக இருந்தாலும் ஆய்வுக்கு ஏற்றுக் கொள்ளப்பெறும். தங்களின் புத்தகங்களோ அல்லது தங்களின் நண்பர்களின் புத்தகங்களோ அனுப்ப வேண்டுகிறேன். அல்லது தாங்கள் படித்த நல்ல கவிதைப் புத்தகங்களையும் பரிந்துரை செய்யலாம்.

வேலூர் மாவட்டத்தில் நியூ செஞ்சுரி புக் ஹவுஸ் - புத்தக நிலையத்தில் கிடைக்குமானால் தெரியப்படுத்தவும். நான் இங்கேயே வாங்கிக் கொள்கிறேன்.

புத்தகம் வீட்டிற்கு வந்து சேர்ந்த மறுநாள் புத்தகத்திற்கான பணம் அனுப்பி வைக்கப்படும்.

தாங்கள் புத்தகம் அனுப்புவதாக இருப்பின் தனி மடலில் தகவலைத் தெரிவிக்கவும். வீட்டு முகவரி கொடுக்கப்படும்.

என் தொடர்பு எண்கள்.
9865224292 - ஏர்செல்
8144818481 - ரிலையன்ஸ்
8438921372 - டாடா டொகமா
8680963972 - ஐடியா

நன்றி.

Sponsored content · Sponsored content

கவியருவி ம. ரமேஷ் கஸல்கள்

கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

Re: கவியருவி ம. ரமேஷ் கஸல்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக