இந்தியாவுக்கு வெற்றி இலக்கு 250 ரன்

**Powenraj** · **Powenraj** Thu Jan 03, 2013 3:53 pm

கோல்கட்டா: இந்தியா மற்றும் பாகிஸ்தான் அணிகளுக்கிடையேயான 2வது ஒருநாள் போட்டி, கோல்கட்டாஈடன் கார்டன் மைதானத்தில் நடந்து வருகிறது. இப்போட்டியில் டாஸ் வென்ற இந்திய அணி கேப்டன் தோனி, முதலில் பந்துவீச தீர்மானித்தார். இதையடுத்து களமிறங்கிய பாகிஸ்தான் அணி, 48.3 ஓவரில் 250 ரன்களுக்கு அனைத்து விக்கெட்டுகளையும் இழந்தது. பாகிஸ்தான் தரப்பில் ஜாம்ஷெட் 106 ரன்களும், ஹபீஸ் 76 ரன்களும் எடுத்தனர். சிறப்பாக பந்து வீசிய இஷாந்த் சர்மா மற்றும் ரவீந்திர ஜடேஜா ஆகியோர் தலா 3 விக்கெட்டுகளை வீழ்த்தினர். இதையடுத்து 251 ரன்கள் எடுத்தால் வெற்றி என்ற இலக்குடன் இந்திய அணி களமிறங்கவுள்ளது.