எச்சரித்தது சீனா! அடி பணிந்தது சிறிலங்கா.

**அகிலன்** · **அகிலன்** Sun Dec 30, 2012 11:47 pm

அண்மையில் சிறிலங்காவிலிருந்து, சர்வதேச இணைய வலையமைப்பின் ஊடாக பாரிய நிதி மோசடிகளில் ஈடுபட்டு வந்த சீன நாட்டைச் சேர்ந்தவர்கள் கைது செய்யப்பட்டனர். இதில் 24 பெண்கள் உட்பட 100 பேர் கைது செய்யப்பட்டனர்.

இவர்கள் நீதிமன்ற உத்தரவுக்கு அமைய விளக்கமறியலில் வைக்கப்பட்டுள்ளனர்.

தற்போது, குறிந்த நபர்களை விடுதலை செய்து சீனாவுக்கு அனுப்ப வேண்டிய நிர்ப்பந்தத்துக்கு சிறிலங்கா தள்ளப்பட்டுள்ளதாக கொழும்புத் தகவல்கள் தெரிவிக்கின்றன.

கைது செய்யப்பட்டுள்ள தனது நாட்டுப் பிரஜைகளை உடனடியாக விடுதலை செய்து, அவர்களைத் திருப்பி அனுப்புமாறு சீனா கடுந்தொனியில் சிறிலங்காவை எச்சரித்துள்ளமையை அடுத்தே இந்த நிலை ஏற்பட்டுள்ளதாக தெரிவிக்கப்படுகிறது.

சீனாவின் எச்சரிக்கைக்கு அடிபணிந்த சிறிலங்கா அரசு, சாதகமான பதிலை வெளிப்படுத்தியிருப்பதாக குறிப்பிடப்பட்டுள்ளது.

பாரிஸ் தமிழ்