சா ன்றோர்கள் பாதையில்

• 
  
  '' ''ராமகிருஷ்ண பரமஹம்சரின்யோசனை''
  

ராமகிருஷ்ண பரமஹம்சரின் மடத்தில் ஒரு விழா நடக்க
இருந்தது. அதற்காக நிறைய லட்டுகள் தயாரித்து வைத்திருந்தனர். அவற்றை
எறும்புகளிடமிருந்து பாதுகாக்க என்ன செய்யலாம் என்று ராமகிருஷ்ணரிடம் யோசனை
கேட்டனர்.

அவரோ, லட்டு இருக்கும் பாத்திரத்தைச் சுற்றிச் சர்க்கரையால் ஒரு வட்டம்
போட்டார். இரவில் வந்த எறும்புகள் சர்க்கரையை எடுத்துக் கொண்டு
சென்றுவிட்டன. அவை லட்டு இருந்த பாத்திரத்தின் அருகே கூட செல்லவில்லை.

காலையில் இதைப் பார்த்தவர்கள் ராமகிருஷ்ணரிடம் கூறினர்.

அவர் சொன்னார்: ""இந்த எறும்புகள் முன்னேறிச் சென்றிருந்தால் இவற்றுக்கு
லட்டுகளே கிடைத்திருக்கும். இந்த எறும்புகளைப் போலத்தான் மனிதர்கள் பலரும்
உள்ளனர். சிறு வெற்றியே போதும் எனப் பெரும் வெற்றியைக் கோட்டை
விட்டுவிடுகின்றனர்!'

--------------------------------------------------------------------------------------------------
நோபல் பரிசு வென்ற விஞ்ஞானி சர்.சி.வி.ராமன்!''-தமிழில்கையெழுத்து

• 
  
  
  

நோபல் பரிசு பெற்ற மகாகவி தாகூருக்கு, கொல்கத்தாவில் பாராட்டுக்கூட்டம் ஒன்று நடைபெற்றது.

விழாவுக்குத் தலைவராக டாக்டர் ராதாகிருஷ்ணன் பங்கேற்றார். பல பெரிய மனிதர்களும் விழாவில் கலந்து கொண்டனர்.

கூட்டம் நடந்த மண்டப வாயிலில் வைக்கப்பட்டிருந்த வருகைப் பதிவேட்டில் அனைவரும் ஆங்கிலத்தில் கையெழுத்து இட்டிருந்தனர்.



ஒரே ஒருவர் மட்டும் தமிழில் கையெழுத்திட்டிருந்தார். அவர் யார் தெரியுமா?

நோபல் பரிசு வென்ற விஞ்ஞானி சர்.சி.வி.ராமன்!
----------------------------------------------------------------------------------------------------

• 
  
  ' அன்னைஅன்னைஸ்ரீசாரதாதேவியின் ஆன்மிகபலம் பலம்
  

ஒருமுறை அன்னை ஸ்ரீசாரதா தேவி கல்கத்தாவுக்குப்
பயணம் செய்துகொண்டிருக்கும்போது, அன்னையால் வேகமாக நடக்க முடியாததால்
அவருடன் வந்த கூட்டம் முன்னால் சென்றுவிட்டது. இருட்டு நேரமாதலால் மனிதர்
எவரும் இல்லாத நடுக்காட்டில் அன்னை தனியே சென்று கொண்டிருந்தார்.

அப்பொழுது ஒரு கொள்ளைக்காரனும் அவனுடைய மனைவியும் அன்னையின் முன்பு
வந்து அவரைத் தடுத்தி நிறுத்தினர். அன்னை மிகவும் இளவயதுக்காரராக இருந்த
போதிலும் மன தைரியத்தை இழக்கவில்லை.

அந்த இருவரையும் பார்த்து "அப்பா, அம்மா' என்று அன்பொழுக அழைத்தார்.
அன்னையின் குரல் அந்தக் கொள்ளைக்காரர்களிடமிருந்த தாய்மை உணர்வைத் தட்டி
எழுப்பியது.

தான் தனித்து விடப்பட்ட சூழ்நிலையை அவர்களிடம் அன்னை தெரிவித்தார். இளம்
பெண் ஒருத்தி தங்களிடம் பூரண நம்பிக்கை வைத்துப் பேசுவதைக் கண்ட அவர்கள்,
அன்னையிடம் மிகவும் அன்பாகவும் மென்மையாகவும் நடந்து கொண்டனர்.

அவரை நன்கு கவனித்துக் கொண்டதுடன், அன்னையின் கூட்டத்தாருடன் அவரைச் சேர்த்தும் விட்டனர்.

அன்னையின் ஆன்மிக பலம் கொள்ளையரின் மனத்தில் ஓர் மாற்றத்தை ஏற்படுத்தியது.


நன்றி 'தினமணி ;சிறுவர்மணி



------------------------------------------------------------------------------------------------------