ரச வகைகள் (சாற்றமுது வகைகள் ) - மிளகாய் பழ ரசம் !

**krishnaamma** · **krishnaamma** Tue Dec 04, 2012 10:24 am

First topic message reminder :

ரசத்தை நாங்கள் சாற்றமுது என்று தான் சொல்வோம். நம் தென்னிந்திய சமையலில் ரசம் ஒரு முக்கியமான அம்சமாகும். உடல் நலக்குறைவு இருக்கும் போதும் நாம் பயன்படுத்துவது இந்த ரசமே ஆகும். குழந்தைகளுக்கு மிகவும் பிடித்ததும் இது தான். எனவே இந்த திரி இல் பலவகை ரசங்களை பார்க்கலாம்.

இந்த ரச வகைகள் உங்கள் உணவை ரசமாக்கட்டும். புன்னகை

**krishnaamma** · **krishnaamma** Thu Dec 13, 2012 7:29 pm

ஜாஹீதாபானு wrote:
ஆரூரன் wrote:சரவணபவனில் வைக்கப்படும் 'காரக் குழம்பு (வத்தல் குழம்பு)' செய்வது எப்படி அம்மா?

அந்த சுவை வேறு எங்கும் பார்க்க முடியவில்லை.

அம்மா சரவணா பவன் செஃப்பா....
அவுங்க கைபக்குவம் எப்படினு கேளுங்க சரவணபவனை விட டேஸ்ட் சூப்பரா இருக்கும்

நன்றி பானு புன்னகை

**krishnaamma** · **krishnaamma** Fri Sep 05, 2014 8:02 pm

பத்திய ரசம்

தேவையானவை :

1 டீ ஸ்பூன் புளி பேஸ்ட்
1 டீ ஸ்பூன் மிளகு
1 டீ ஸ்பூன் சீரகம்
2 டீ ஸ்பூன் துவரம் பருப்பு
1 டீ ஸ்பூன் கடுகு
கறிவேப்பிலை
பெருங்காயப்பொடி 1/4 ஸ்பூன்
மஞ்சள் பொடி
உப்பு
2 ஸ்பூன் நெய்

செய்முறை :

மிளகு, சீரகம் மற்றும் துவரம் பருப்பு இவைகளை பொடித்து வைக்கவும்.
வாணலி இல் நெய்விட்டு, கடுகு கறிவேப்பிலை தாளிக்கவும்.
1 டம்ளர் தண்ணீர் விட்டு, புளி பேஸ்ட் போட்டு கலக்கவும்.
பொடித்து வைத்துள்ள பொடி பெருங்காயப்பொடி, மஞ்சள் பொடி மற்றும் உப்பு போடவும்.
நன்கு கொதித்ததும் இன்னும் 1/2 கப் தண்ணீர் விட்டு விலாவி, ஒருகொதி வந்ததும் இறக்கவும்.
சுடு சாதத்துடன் நெய்விட்டு பரிமாறவும்.

**krishnaamma** · **krishnaamma** Fri Sep 05, 2014 8:17 pm

தேவையானவை :

2 டீ ஸ்பூன் புளி பேஸ்ட்
1/2 டீ ஸ்பூன் கடுகு
8 - 10 மிளகாய் வற்றல்
1/4 ஸ்பூன் பெருங்காயப்பொடி
உப்பு
2 டேபிள் ஸ்பூன் வேப்பம் பூ ( புது பூ அல்லது காய்ந்த பூ )
2 டீ ஸ்பூன் நெய்
கறிவேப்பிலை

செய்முறை :

வாணலி இல் 1 டீ ஸ்பூன் நெய்விட்டு முதலில் வேப்பம் பூவை வைத்து தனியே எதுத்து வைத்துக்கொள்ளணும் .
மீண்டும் 1 டீ ஸ்பூன் நெய்விட்டு கடுகு கறிவேப்பிலை மிளகாய் வற்றல் தாளித்து, 2 டம்ளர் தண்ணீர் விடவும்.
புளி பேஸ்ட் போட்டு நன்கு கலக்கவும்.
உப்பு பெருங்காயம் போடவும்.
நன்கு கொதிக்க விடுங்கோ.
வாசனை போனதும் மீண்டும் 1/2 கப் தண்ணீர் விட்டு விளாவவும்.
வறுத்து வைத்துள்ள வேப்பம் பூவை போடவும்.
ஒரு கொதி வந்ததும் அடுப்பை அணைத்து விடவும்.
சீக்கிரம் செய்யக்கூடிய சுவையான ரசம் இது புன்னகை

முக்கியமான குறிப்பு : எங்க பாட்டி சொல்வா, இந்த ரசம் ஞாயிறு, செவ்வாய் மற்றும் வெள்ளிக்கிழமைகளில் பண்ணக் கூடாது என்று. எனவே இதை நினைவில் வைத்துக்கொள்ளுங்கள்

**தமிழ்நேசன்1981** · 21/11/2010

பத்த்திய ரசக்குறிப்புக்கு நன்றிகள்.. ரச வகைகள் (சாற்றமுது வகைகள் ) - மிளகாய் பழ ரசம் ! - Page 5 1571444738

**krishnaamma** · **krishnaamma** Fri Sep 05, 2014 8:19 pm

தமிழ்நேசன்1981 wrote:பத்திய ரசக்குறிப்புக்கு நன்றிகள்..

மேற்கோள் செய்த பதிவு: 1085262

நன்றி நேசன் புன்னகை

**krishnaamma** · **krishnaamma** Fri Sep 05, 2014 9:17 pm

தேவையானவை :

1/2 கப் வேகவைத்த பயத்தம் பருப்பு
2 - 4 பச்சை மிளகாய்களை பருப்புடன் வேகப்போடுங்கள்
2 இன்ச் இஞ்சி தோல் சீவி துருவி பார்ப்புடன் வேகப்போடுங்கள்.
1 எலுமிச்சை இன் சாறு எடுத்து வைத்துக்கொள்ளுங்கள்
1/4 மஞ்சள் பொடி
உப்பு
நெய்
1/2 ஸ்பூன் கடுகு
1/2 ஸ்பூன் சீரகம்
1/4 ஸ்பூன் பெருங்காயப்பொடி
கறிவேப்பிலை / கொத்துமல்லி

செய்முறை :

குக்கரில் பயத்தம்பருப்பு வைக்கும்போதே, அதில் துருவின இஞ்சி மற்றும் பச்சைமிளகாயை போட்டுவிடவும்.
வாணலி இல் நெய் விட்டு கடுகு சீரகம் கறிவேப்பிலை போட்டு தாளிக்கவும்.
அதில் பருப்பு கலவையை கொட்டவும்.
அதில் மஞ்சள் பொடி, பெருங்காயப்பொடி, உப்பு எல்லாம் போடவும்.
கொஞ்சநேரம் அது கொதிக்கட்டும்.
1/2 டம்ளர் தண்ணீர் விட்டு விளாவணும்.
அது கொதித்ததும் இறக்கிடணும்.
பிறகு எலுமிச்சை சாறு விட்டு கலக்கணும்.
ரொம்ப சாதுவான ரசம் இது புன்னகை

**krishnaamma** · **krishnaamma** Fri Sep 05, 2014 9:36 pm

தேவையானவை :

இஞ்சி 2 இன்ச்
தக்காளி 1
புளி பேஸ்ட் 1 டீ ஸ்பூன்
ரசப்பொடி 1 ஸ்பூன்
உப்பு
கறிவேப்பிலை
நெய் 1 ஸ்பூன்
கடுகு 1/2 ஸ்பூன்
சீரகம் 1/2 ஸ்பூன்
மஞ்சள் பொடி
பெருங்காயப்பொடி

செய்முறை :

வாணலி இல் நெய்விட்டு கறிவேப்பிலை, கடுகு, சீரகம் போட்டு தாளிக்கணும்.
2 டம்ளர் தண்ணீர் விட்டு புளி பேஸ்ட் போட்டு கலக்கவும்.
உப்பு மஞ்சள் பொடி , பெருங்காயப்பொடி, ரசப்பொடி, துண்டாக்கப்பட்ட தக்காளி, துருவின இஞ்சி எல்லாம் போட்டு கொதிக்கவிடவும்.
மீண்டும் 1/2 டம்ளர் தண்ணீர் விட்டு விளாவணும்.
அது கொதித்ததும் இறக்கிடணும்.
அவ்வளவு தான் 'டேஸ்டி ரசம் ' ரெடி புன்னகை

**krishnaamma** · **krishnaamma** Mon Dec 29, 2014 10:29 am

தேவையானவை :

1 கப் வெந்த துவரம் பருப்பு
2 - 3 துண்டுகள் painaapple - அன்னாசிப்பழ துண்டுகள்
1 டீ ஸ்பூன் புளி பேஸ்ட்
1 - 2 டீ ஸ்பூன் ரசப்பொடி
உப்பு - தேவையான அளவு
2 டீ ஸ்பூன் நெய்
1 டீ ஸ்பூன் கொத்துமல்லி இலைகள் நறுக்கியது
2 பச்சை மிளகாய் ( தேவையானால் )
1டீ ஸ்பூன் கடுகு
1 டீ ஸ்பூன்சீரகம்
1/2 டீ ஸ்பூன் மஞ்சள் பொடி
1/2 டீ ஸ்பூன் பெருங்காயப் பொடி

செய்முறை :

வாணலி இல் நெய்விட்டு கடுகு சீரகம் தாளிக்கவும்.
நறுக்கி வைத்துள்ள பச்சைமிளகாயை போட்டு வதக்கவும்.
உப்பு போடவும்.
மஞ்சள் பொடி , பெருங்காயப்பொடி மற்றும் ரசப்பொடி போடவும்.
1 டம்பளர் தண்ணீர்விட்டு புளி பேஸ்ட் ஐ போட்டு கரைக்கவும்.
வெந்த பருப்பையும் கரைத்து இதில் விடவும்.
நன்கு கொதிக்கும் வரை பொறுக்கவும்.
ஒரு 7 -8 நிமிஷம் கொதித்ததும் நறுக்கி வைத்துள்ள அன்னசிப்பழ துண்டுகளை போடவும்.
ஒரு 2 நிமிடங்கள் கொதித்ததும் அடுப்பை அணைக்கவும் .
கொத்துமல்லி தூவவும்.
வேண்டுமானால் கறிவேப்பிலையும் போடலாம் புன்னகை

சுவையான , மணமான பைன் ஆப்பிள் ரசம் தயார் புன்னகை

**krishnaamma** · **krishnaamma** Mon Dec 29, 2014 10:48 am

தக்காளி ரசம்

தேவையானவை:

ரசப்பொடி 1 - 1 1/2 ஸ்பூன்
கடுகு 1/2 ஸ்பூன்
சீரகம் 1 ஸ்பூன்
தக்காளி 2 ( விதைகள் நீக்கவும்)
மஞ்சள் பொடி 1/4 ஸ்பூன்
பொருங்காய பொடி 1/4 ஸ்பூன்
உப்பு
கறிவேப்பிலை மற்றும் கொத்துமல்லி 1 கை
2 டீ ஸ்பூன் மிளகு சீரகம் உடைத்து
நெய் 2 ஸ்பூன்

செய்முறை :

வாணலி il நெய்விட்டு கடுகு சீரகம் தாளிக்கவும்.
நறுக்கி வைத்துள்ள தக்காளி + கறிவேப்பிலை போடவும், நன்கு வதக்கவும்.
உப்பு போடவும், 1 டம்பளர் தண்ணீர் விடவும்.
நன்கு கொதிக்கும் வரை பொறுக்கவும்.
ஒரு 7 -8 நிமிஷம் கொதித்ததும் உடைத்து வைத்துள்ள மிளகு மற்றும் சீரகம் போடவும்.
மீண்டும் அது கொதிக்கட்டும், ஒரு 4 -5 நிமிடம் கழித்து 1 டம்ப்லர் தண்ணீர் விடவும்
அது ஒரு கொதி வந்த தும் அடுப்பை அணைக்கவும் .
கறிவேப்பிலை மற்றும் கொத்துமல்லி தூவவும்.
உங்களது தக்காளி ரசம் தயார்.
சூடு சாதத்தில் நெய் விட்டு ரசம் விட்டு சாப்பிடவும்.
வேண்டுமானால் சூப் போல ஒரு கப் குடிக்கலாம்.
'புளியே' இல்லாத ரசம் இது புன்னகை

**krishnaamma** · **krishnaamma** Mon Dec 29, 2014 10:51 am

தக்காளி + பூண்டு ரசம்

தேவையானவை:

ரசப்பொடி 1 - 1 1/2 ஸ்பூன்
கடுகு 1/2 ஸ்பூன்
சீரகம் 1 ஸ்பூன்
தக்காளி 2 ( விதைகள் நீக்கவும்) - நறுக்கி வைக்கவும்
பூண்டு 10 - 12 பற்கள் - நறுக்கவும்
மஞ்சள் பொடி 1/4 ஸ்பூன்
பொருங்காய பொடி 1/4 ஸ்பூன்
உப்பு
கறிவேப்பிலை மற்றும் கொத்துமல்லி 1 கை
2 டீ ஸ்பூன் மிளகு சீரகம் உடைத்து
நெய் 2 ஸ்பூன்

செய்முறை :

வாணலி il நெய்விட்டு கடுகு சீரகம் தாளிக்கவும்.
நறுக்கி வைத்துள்ள தக்காளி, பூண்டு, கறிவேப்பிலை போடவும், நன்கு வதக்கவும்.
உப்பு போடவும், 1 டம்பளர் தண்ணீர் விடவும்.
நன்கு கொதிக்கும் வரை பொறுக்கவும்.
ஒரு 7 -8 நிமிஷம் கொதித்ததும் உடைத்து வைத்துள்ள மிளகு மற்றும் சீரகம் போடவும்.
மீண்டும் அது கொதிக்கட்டும், ஒரு 4 -5 நிமிடம் கழித்து 1 டம்ப்லர் தண்ணீர் விடவும்
அது ஒரு கொதி வந்த தும் அடுப்பை அணைக்கவும் .
கறிவேப்பிலை மற்றும் கொத்துமல்லி தூவவும்.
உங்களது தக்காளி + பூண்டு ரசம் தயார், ரொம்ப அருமையாக இருக்கும்.
என்காத்தில் எப்பவும் இது தான் புன்னகை

சூடு சாதத்தில் நெய் விட்டு ரசம் விட்டு சாப்பிடவும்.
வேண்டுமானால் சூப் போல ஒரு கப் குடிக்கலாம்.
'புளியே' இல்லாத ரசம் இது புன்னகை

Sponsored content · Sponsored content

ரச வகைகள் (சாற்றமுது வகைகள் ) - மிளகாய் பழ ரசம் !

ரச வகைகள் (சாற்றமுது வகைகள் ) - மிளகாய் பழ ரசம் !

Re: ரச வகைகள் (சாற்றமுது வகைகள் ) - மிளகாய் பழ ரசம் !

பத்திய ரசம்

வேப்பம் பூ ரசம்

Re: ரச வகைகள் (சாற்றமுது வகைகள் ) - மிளகாய் பழ ரசம் !

Re: ரச வகைகள் (சாற்றமுது வகைகள் ) - மிளகாய் பழ ரசம் !

எலுமிச்சம்பழ ரசம்

டேஸ்டி ரசம்

பைன் ஆப்பிள் ரசம்

தக்காளி ரசம்

தக்காளி + பூண்டு ரசம் ரசம்

Re: ரச வகைகள் (சாற்றமுது வகைகள் ) - மிளகாய் பழ ரசம் !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக