ஜப்பான் நகைக்கடையில் 40 கிலோ தங்கத்தில் கிறிஸ்துமஸ் மரம் விற்பனை

ஈகரை தமிழ் களஞ்சியம் :: செய்திக் களஞ்சியம் :: தினசரி செய்திகள்

Page 1 of 1 •

ஜப்பான் நகைக்கடையில் 40 கிலோ தங்கத்தில் கிறிஸ்துமஸ் மரம் விற்பனை

#875410

Muthumohamed
சிறப்புப் பதிவாளர்: பதிவுகள் : 15768
இணைந்தது : 04/10/2012

Post Muthumohamed Mon Nov 26, 2012 5:36 pm

டோக்கியோ : இந்த ஆண்டு கிறிஸ்துமஸ் விழாவை அதிகமாக செலவு செய்து கொண்டாட ஆசைப்படுகிறீர்களா? உங்களின் ஆசையை பூர்த்தி செய்வதற்காக, ஜப்பான் நகைக்கடையில் தங்க கிறிஸ்துமஸ் மரம் விற்பனைக்கு உள்ளது. ஜப்பானின் டவ்ன்டவுன் பகுதியில் உள்ள தனாகா கிகின்ஜோகு ஜுவல்லரி என்ற நகைக்கடை உள்ளது. இங்கு சுத்தத் தங்கத்தாலான 40 கிலோ எடை கொண்ட கிறிஸ்துமஸ் மரம் செய்யப்பட்டு விற்பனைக்காக காட்சிக்கு வைக்கப்பட்டுள்ளது.

2.4 மீட்டர் உயரம், 1.2 மீட்டர் விட்டம் கொண்ட இந்த மரத்தில் மிக்கி மவுஸ், சின்ட்ரல்லா, டிங்கர் பெல் போன்ற 50 டிஸ்னி கதாபாத்திரங்களின் உருவங்கள் செதுக்கப்பட்டுள்ளன. மேலும் சுற்றிலும் தங்கத்தால் செய்யப்பட்ட இலைகள் தொங்க விடப்பட்டுள்ளன. தானாகவே சுற்றும் வகையிலும் இது அமைக்கப்பட்டுள்ளது. இதன் மதிப்பு ஸி23 கோடி என்று நகைக்கடையின் விற்பனை அதிகாரி ஒருவர் தெரிவித்தார்.

இவ்வளவு பணம் கொடுத்து வாங்க முடியாது, குறைந்த விலையில் வேண்டும் என நினைப்பவர்களுக்காக 25 செ.மீ. உயரத்தில் 20 டிஸ்னி உருவங்கள் பொறிக்கப்பட்ட ஸி1.34 கோடி மதிப்பிலான மினி கிறிஸ்துமஸ் மரங்களையும் இந்த கடையில் வைத்துள்ளனர். பெரிய மரத்தை வாங்க இதுவரை யாரும் வரவில்லையாம். ஆனால், சிறிய மரத்தை வாங்க சிலர் முன்வந்துள்ளனர் என்று கடை அதிகாரி தெரிவித்தார்.