இன்றைய கோபுர தரிசனம்

**ayyasamy ram** · **ayyasamy ram** Thu May 16, 2024 1:53 pm

--
அருள்மிகு இராமேஸ்வரம் இராமநாதசுவாமி திருக்கோயில்
பெயர்: இராமநாதசாமி திருக்கோயில்
அமைவு: இராமேசுவரம்
மூலவர்: இராமநாதசுவாமி: (சிவபெருமான்) – சீதையால்
உருவாக்பப்பட்ட மணல் சிவலிங்கம்
கட்டப்பட்ட நாள்: ஏறத்தாழ 2100 -2600 ஆண்டுகளுக்கு முன்
அமைத்தவர்:
முற்கால பாண்டியர்களின் மூதாதையர்கள்
இராமேசுவரம்
-
தல வரலாறு:
--
இராவணனிடமிருந்து சீதையை மீட்க, இராவணனிடம் போர் புரிந்து
அவனை கொன்றார் ராமன். ராவணன் பிராமணன் ஆதலால்
ராமனுக்கு பிரம்மஹத்தி தோஷம் வரக்கூடாது என்பதற்காகவும்
இராவணனைக் கொன்ற பாவத்தினை நீங்க ராமன் மணலால் ஆன
லிங்கத்தை வைத்து பிரதிசுடை செய்தார்.
எனவே ராமனே ஈசுவரனை வணங்கியதால் இக்கோயில் மூலவர்
சிவபெருமானுக்கு இராம நாத சுவாமி என்றும் ராமேசுவரம் அதாவது
இராம ஈசுவரம் என்றும் பெயர் பெற்றது.
-
இங்குள்ள அக்னி தீர்த்தத்தில் நீராடி ராமநாதரை வழிபட்டால்
பாவங்கள் நீங்கி வாழ்வு வளம்பெருகும் என்பது
இந்து தர்ம நம்பிக்கை.
--
நன்றி- ரத்தினம் வடிவேல் சேகர்- தமிழ் கோரா

**T.N.Balasubramanian** · **T.N.Balasubramanian** Thu May 16, 2024 6:12 pm

கோபுர தரிசனம் கோடி புண்யம்.

1973 ராமேஷ்வரம் புனித யாத்திரை நினைவுக்கு வருகிறது.
அலைகள் இல்லா கடல் ஸ்நானம்.

@ayyasamy ram

இந்த பதிவைத் துவங்கியவர் நன்றி கூறியுள்ளார் T.N.Balasubramanian

**ayyasamy ram** · **ayyasamy ram** Mon May 20, 2024 7:11 pm

இன்றைய கோபுர தரிசனம் Main-qimg-f565142abbab399142b96e202166567d

கோபுர தரிசனம் என்றும் கோடி புண்ணியம் தருமே...!
இன்று வெள்ளிக் கிழமை..
-
அருள்மிகு ஸ்ரீ காமாட்சியம்மன் உடனுறை ஸ்ரீ வெள்ளீசுவரர்
திருக்கோவில்.
-
மயிலாப்பூரில் உள்ள சப்த சிவத்தலங்களில் இதுவும் ஒன்றாகும்.
-
மயிலாப்பூர் காரணீசுவரர் கோயில், திருவல்லிக்கேணி
தீர்த்தபாலீசுவரர் கோயில், மயிலாப்பூர் வெள்ளீசுவரர் கோயில்,
மயிலாப்பூர் விருபாட்சீசுவரர் கோயில், மயிலாப்பூர் வாலீசுவரர்
கோயில், மயிலாப்பூர் மல்லீசுவரர் கோயில். மயிலாப்பூர்
கபாலீசுவரர் கோயில் எனப்படுகின்ற சப்த சிவத்தலங்கள்
அமைந்துள்ளன.

இவற்றை ஒரே நாளில் மூன்று மணி நேரத்தில் தரிசிக்கலாம் என்பர்.
இவை ஒன்றுக்கொன்று அருகாமையில் அமைந்துள்ளன.

இவற்றைச் சப்த ரிஷிகளான விசுவாமித்திரர், காசிபர், வசிஷ்டர்,
கௌதமர், அகத்தியர், அத்ரி, பிருகு ஆகியோர் வழிபட்டுள்ளனர்.
-
இக்கோயில் மயிலாப்பூரில் பஜார் சாலையில் உள்ளது.
காலை 6.00 மணி முதல் பகல் 11.30 மணி வரையிலும் மாலை 4.00
மணி முதல் இரவு 9.00 மணி வரையிலும் இக்கோயில் திறந்திருக்கும்
-
-ரத்தினம் வடிவேல் சேகர் - தமிழ் கோரா

Sponsored content · Sponsored content

இன்றைய கோபுர தரிசனம்

இன்றைய கோபுர தரிசனம்

Re: இன்றைய கோபுர தரிசனம்

Re: இன்றைய கோபுர தரிசனம்

Re: இன்றைய கோபுர தரிசனம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக