கொஞ்சம் கிறுக்கு...

**ரா.ரா3275** · **ரா.ரா3275** Sat Nov 17, 2012 5:33 pm

First topic message reminder :

அப்படி ஒன்றும் புதிதில்லைதான்-புதிரில்லைதான் இது.எல்லோரும் வியந்தேத்திப் பார்த்து விழிகள் விரிக்க.

ஜன்னலோரப் பயணம்-ஜன்னல் கம்பிகளில் தொங்கும் மழைத்துளிகள்-
தூங்கும் அணில் குஞ்சு-துவாரத்தில் இருந்து எட்டிப் பார்க்கும் எலி-
தூங்கும் குழந்தையின் சிரிப்பு-சிணுங்கல்கள் என இப்படி இவை எதுவும் புதிதில்லைதான்-புதிரில்லைதான்.

ஆனால்…

இவற்றுள் எதைப் பார்த்தாலும் இருதயமும் மனசும் கண்களும் மூளைவரை முட்டி மோதித் துள்ளிக்குதித்து இயல்பை மீறி இருமடங்கு-மும்மடங்கு என விரிந்து விரிந்து வியப்பை அள்ளி அள்ளி அடைகாக்குமே…அது எப்போதும் புதிதுதானே-புதிர்தானே?!

கொஞ்சம் கிறுக்கும் கொஞ்சம் மெல்லிய ராட்சதமும் கலந்த மழை ரசிப்புணர்ச்சிகூட என்னைப்பொறுத்தவரை எப்போதும் வியப்புதான்-வித்தியாசம்தான்.அது எத்தனைப் பழசு என்றாலும்.

மனசுக்கு மட்டும் எத்துணை முறை சொன்னாலும் கேட்டும் கேட்காத
காதுகளை எவன் கொடுத்தானோ?.அவன் மீது குற்றம் சாட்டிக் கூண்டிலேற்றாமல், குடிவெறியில் தலைக்குமேல் தூக்கித் தள்ளாடிக்கொண்டே கொண்டாடும் ஓர் கொலைவெறி அன்பைக் கொட்டியே ஆக வேண்டும் ஆசை தீர.

அருவம்தான் இதுவரை மனசென்பது.அப்படித்தான் எண்ணிக்கொண்டிருக்கிறோம் எல்லோரும்.அதுதான் நிஜமெனில் அதில் எப்படி இத்துணை உணர்வுகள்-உணர்ச்சிகள்-உன்மத்தம் உயிரோடு அடைகாக்கப்படுகின்றன?.இப்படி ஒரு கேள்வியைக் கேட்டால் எல்லாமே செத்துப்போகும் தன்னால்.

ஆகவே நண்பர்களே…

இங்கு மனசையும் அதைப் பற்றிப் படரும் உணர்வுகள்-உணர்ச்சிகள்-உன்மத்தம் என உயிரோடு உலாவரும் அத்துணைக் கிறுக்குத் தனங்களையும் ஆசையோடு பகிரவே இந்தத் திரி.

இந்தத் திரியில் எதைத் தொடங்குவது முதலில்?
கொஞ்சம் இருங்கள்…மனசிடம் மனு போட்டுக் கேட்டுவிட்டு வருகிறேன்…

jenisiva · jenisiva Mon Nov 19, 2012 2:00 pm

கிறுக்குங்கள் கிறுக்குங்கள் நன்றாக கிறுக்குங்கள்
முடிந்தவரை கிறுக்குங்கள்
முடியும்வரை கிறுக்குங்கள்
கிறுக்கு பிடிக்கும் வரை கிறுக்குங்கள்
பூவனும் கவியும்
கிறுக்கு பிடிக்கும் வரை கிறுக்குங்கள்

**கரூர் கவியன்பன்** · 23/09/2012

jenisiva wrote:கிறுக்குங்கள் கிறுக்குங்கள் நன்றாக கிறுக்குங்கள்
முடிந்தவரை கிறுக்குங்கள்
முடியும்வரை கிறுக்குங்கள்
கிறுக்கு பிடிக்கும் வரை கிறுக்குங்கள்
பூவனும் கவியும்
கிறுக்கு பிடிக்கும் வரை கிறுக்குங்கள்

கிறுக்கு கிறுக்கு என
கிறுக்கு பிடித்து கிறுக்கியபோது
கிறுக்குப் பிடித்த கிறுக்கன்
கிழக்கே நின்று சொன்னான்
அட கிறுக்கனே ...
கிறுக்குப் பிடித்து
கிறுக்கு கிறுக்குவேன
கிறுக்குகிராயே
நீ என்ன கிறுக்கா என்று

எப்படி சொல்வேன் கிறுக்கனுக்கு
இந்த கிறுக்கு தனத்தை
கிறுக்கு கிறுக்கு என
கிறுக்க வைத்தது
தாங்கள் தான் என்று

பூவன் · பூவன் Mon Nov 19, 2012 3:09 pm

கிறுக்கு தான்
சிறுக்கி அவள் சிரிப்பிலே ..
கிறுக்கு தான்
சிறுக்கி அவள் பார்வையிலே ..
கிறுக்கு தான்
சிறுக்கி அவள் சிந்தையில் சறுக்கி ...
கிறுக்கு தான்
சிறுக்கி அவள் நொறுக்கிய இதயத்தை ...
கிறுக்கு தான்
சிறுக்கி நறுக்கிய வார்த்தைகளில் ..
கிறுக்கு தான்
சிறுக்கி அவள் சீண்டலிலே ...
கிறுக்கு தான்
சிறுக்கி அவளால் என்றுமே
என் சிந்தை கிறுக்கு தான் .....

**ரா.ரா3275** · **ரா.ரா3275** Mon Nov 19, 2012 3:20 pm

உங்க தொல்ல தாங்கலப்பா... என்ன கொடுமை சார் இது

பூவன் · பூவன் Mon Nov 19, 2012 3:22 pm

ரா.ரா3275 wrote:உங்க தொல்ல தாங்கலப்பா...

நான் எங்கேயும் போகலா >??? இங்க தான் இருக்கேன் ...

**பார்த்திபன்** · 24/07/2011

அளவாக எரியும் நெருப்பை அளவில்லாமல் நேசிக்கிறது மனம். திணறி எரியும் தீயைப் பார்க்கையில் ஆடத் தெரியாதவளின் அரங்கேற்றம் போலவே தோன்றுகிறது. குளிர்காய ஏற்றிய நெருப்பைக் குளிர் அடங்கியபின்னும் அணைக்க மனம் வருவதில்லை எனக்கு. தீமையை எவ்வளவு வெறுக்கிறதோ, அதேயளவு தீயை நேசிக்கிறது மனது. அணையப்போகும் அந்த நொடிவரை அடுத்த திசை நோக்கி அசைய மறுக்கின்றன விழிகள். சிவப்பு நிறம் பிடித்துப் போனதற்கு காரல் மார்க்ஸ் மட்டுமல்ல கனன்று எரியும் இந்த தீயும் ஒரு காரணம். நெருப்பின் மீதான காதல் எப்போதும் குறைவதில்லை எனக்கு, அது நம் தேவைக்காக நாமே ஏற்றிய நெருப்பாக இருக்கும்வரை.

**ரா.ரா3275** · **ரா.ரா3275** Thu Nov 22, 2012 1:44 pm

பார்த்திபன் wrote:அளவாக எரியும் நெருப்பை அளவில்லாமல் நேசிக்கிறது மனம். திணறி எரியும் தீயைப் பார்க்கையில் ஆடத் தெரியாதவளின் அரங்கேற்றம் போலவே தோன்றுகிறது. குளிர்காய ஏற்றிய நெருப்பைக் குளிர் அடங்கியபின்னும் அணைக்க மனம் வருவதில்லை எனக்கு. தீமையை எவ்வளவு வெறுக்கிறதோ, அதேயளவு தீயை நேசிக்கிறது மனது. அணையப்போகும் அந்த நொடிவரை அடுத்த திசை நோக்கி அசைய மறுக்கின்றன விழிகள். சிவப்பு நிறம் பிடித்துப் போனதற்கு காரல் மார்க்ஸ் மட்டுமல்ல கனன்று எரியும் இந்த தீயும் ஒரு காரணம். நெருப்பின் மீதான காதல் எப்போதும் குறைவதில்லை எனக்கு, அது நம் தேவைக்காக நாமே ஏற்றிய நெருப்பாக இருக்கும்வரை.

இது என்ன பார்த்திபன்?...புரியல...

jenisiva · jenisiva Thu Nov 22, 2012 1:47 pm

"இது என்ன பார்த்திபன்?...புரியல..."

கிறுக்கல்கள் புரிவதில்லை
புரிந்துவிட்டால் அது கிறுக்கல் இல்லை

**ரா.ரா3275** · **ரா.ரா3275** Thu Nov 22, 2012 1:58 pm

jenisiva wrote:"இது என்ன பார்த்திபன்?...புரியல..."

கிறுக்கல்கள் புரிவதில்லை
புரிந்துவிட்டால் அது கிறுக்கல் இல்லை

இதுவே பெரிய கிறுக்கலா இருக்கே ...

**கே. பாலா** · **கே. பாலா** Thu Nov 22, 2012 2:32 pm

கிறுக்கு
கிறுக்கியது
ஒரு
கிறுக்கு
....
கிறுக்கு
கிறுக்கியத
படிச்சு
படிச்சு
எனக்கு
கிறு
கிறு
கிறுகிருனும்
வருதே
கிறுக்கு
புடிச்சுட்டா
எனக்கு

Sponsored content · Sponsored content

கொஞ்சம் கிறுக்கு...

கொஞ்சம் கிறுக்கு...

Re: கொஞ்சம் கிறுக்கு...

Re: கொஞ்சம் கிறுக்கு...

www.karurkaviyanban.blogspot.in

Re: கொஞ்சம் கிறுக்கு...

Re: கொஞ்சம் கிறுக்கு...

Re: கொஞ்சம் கிறுக்கு...

Re: கொஞ்சம் கிறுக்கு...

Re: கொஞ்சம் கிறுக்கு...

Re: கொஞ்சம் கிறுக்கு...

Re: கொஞ்சம் கிறுக்கு...

Re: கொஞ்சம் கிறுக்கு...

Re: கொஞ்சம் கிறுக்கு...

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக