லஞ்சா...லாவண்யா... மாமூலினி...

(மயிலாடுதுறை காம்ப்ளக்ஸின் முதல் தளத்தில் உள்ள ஒரு டிஜிட்டல் லேப்பில்)
படியேறி வந்த பாதங்களுக்கு நன்றி

xxxxxxxxxxxxxxxxxxxxxxxxxxx
(கோவை - கணபதிபுதூரில் லாரி ஒன்றின் பின்புறத்தில்)
நட்பு என்பது பெறுவதை நினைப்பது; கொடுப்பதை மறப்பது

xxxxxxxxxxxxxxxxxxxxxxxxxxx
(குமாரபாளையம் நாராயணநகரில் போட்டோ ஸ்டுடியோ ஒன்றின் பெயர்)
இருவர் ஒளிப்படக்கூடம்

xxxxxxxxxxxxxxxxxxxxxxxxxxx
(பண்ருட்டியில் ஒரு கடிகாரக் கடையில்)
நின்றுபோன கடிகாரம் கூட
ஒருநாளில் இரண்டுமுறை
"சரியான' நேரத்தைக் காட்டும்.
அதனால்
நம்பிக்கையை மட்டும்
தளரவிடாதே.

xxxxxxxxxxxxxxxxxxxxxxxxxxxx
(காட்பாடியில் ஓர் இளைஞர்கள் அணியின் பெயர்)
கைப்புள்ள குரூப்ஸ்

xxxxxxxxxxxxxxxxxxxxxxxxxxxx
(கோவை ஆர்.எஸ்.புரத்தில் ஒரு வீதியின் பெயர்)
கவுளிபிரவுன் சாலை

xxxxxxxxxxxxxxxxxxxxxxxxxxxx.
(செல்போனில் பேசி முடித்த நண்பரிடம்)
"என்ன மச்சான் உன் ஒய்ஃப் கிட்ட இருந்து போனா?''
"எப்படி கண்டுபிடிச்சே?''
"அரைமணி நேரமா போன்ல நீ ம்...ம்....ங்கற ஒத்தைத் சொல்லைத் தவிர ஒண்ணுமே பேசலையே... அத வச்சித்தான்''

xxxxxxxxxxxxxxxxxxxxxxxxxxxxx
(கந்தர்வகோட்டை டீ கடையில் இருவர்)
"எனக்கு பெண் குழந்தை பிறந்திருக்கு... இந்தக் காலத்துக்கு ஏற்ற மாதிரி ரெண்டு மூணு பேர் சொல்லுங்களேன்''
"லஞ்சா
லாவண்யா
மாமூலினி''

xxxxxxxxxxxxxxxxxxxxxxxxxxxx
(பொத்தேரி இரயில் நிலையத்தில்)
ஒருவன்: உன்கிட்டே நாலு சமோசா இருக்கு. நான் இரண்டு வேணும்னு கேட்கிறேன். மீதி எத்தனை இருக்கும்?
மற்றவன்: நாலு
முதலாமவன்: ஓ... தரமாட்டாயோ? சரி, மிரட்டி, இரண்டு வேணும்னு கேட்கிறேன். இப்ப எத்தனை இருக்கும்?
மற்றவன்: நாலு சமோசாவும், ஒரு "டெட்' பாடியும்!

xxxxxxxxxxxxxxxxxxxxxxxxxxxxxx
(சென்னை திருவல்லிக்கேணி மேன்சனில் நண்பர்கள் இருவர்)
"மச்சி, நீ பாட்டில்ல வாங்கி வச்சிருந்த சரக்கை அடிச்சதுமே, தொண்டை எரியுது... ஆனால் போதை மட்டும் வரலையே... ஏன்டா?''
"அடப்பாவி... டூ வீலர்ல பெட்ரோல் தீர்ந்து வண்டி நின்னுடுச்சு. அதனால் பாட்டிலில் பெட்ரோல் வாங்கி வச்சிருந்தேன். அதைக் குடிச்சது நீ தானா?''

xxxxxxxxxxxxxxxxxxxxxxxxxxxxx
(ஒரு வீட்டின் சுற்றுச் சுவர் அருகே இரு பள்ளிச் சிறுவர்கள்)
"டேய் ராமு... இந்தச் சுவர்லே என்ன எழுதியிருக்குன்னு படியேன்''
"சுவற்றில் நோட்டீஸ் ஒட்டவோ, எழுதவோ கூடாது. மீறினால் தண்டிக்கப்படுவீர்''
"இதை சுவரில எழுதலாமா? ஏன் எழுதியிருக்காங்க?''
"அதான்டா... எனக்கும் தெரியலை...''

xxxxxxxxxxxxxxxxxxxxxxxxxxxxx
ஒரு குடிகாரன் ஞானி ஒருவரைத் தேடி அவர் இருக்குமிடத்துக்கு வந்தான்.
"நானொரு குடிகாரன். நான் திருந்துவதற்கு ஒரு வழி கூறுங்கள் ஐயா...'' என்று கேட்டுக் கொண்டான். அதற்கு ஞானி, ""நாளை மாலை என்னை வந்து பார் சொல்கிறேன்''. மறுநாள் மாலை குடிகாரன் ஞானியைத் தேடி வந்தான். அப்போது ஞானி ஒரு தூணைக் கட்டிப் பிடித்துக் கொண்டு நின்றார். தூணைப் பார்த்து, ""ஐயோ என்னை விட்டுவிடு... விட்டுவிடு...'' என்று கத்திக் கொண்டிருந்தார். உடனே குடிகாரன், ""நீங்கள்தானே தூணைப் பிடித்துக் கொண்டிருக்கிறீர்கள்? அதை விட்டுவிடுங்கள்'' என்றான்.உடனே ஞானி சிரித்துக் கொண்டே, "நான் தூணைப் பிடித்துக் கொண்டிருப்பது போல, நீ தான் குடியைப் பிடித்துக் கொண்டிருக்கிறாய். நீயே விட்டுவிடு'' என்றார்.

xxxxxxxxxxxxxxxxxxxxxxxxxxxxxxxxxxxxxxx
இது புதுசு
குழந்தைகளுக்கு A FOR APPLE என்று கற்றுக் கொடுப்பது பழைய முறை. இதோ புதிய முறை:
A ஆப்பிள்
B- புளூ டூத்
C- சாட்டிங்
D- டவுன்லோடு
E- ஈ மெயில்
F- பேஸ்புக்
G- கூகுள்
H- ஹெச்.பி
I- இண்டர்நெட்
J- ஜாவா
K- கிங்ஃபிசர்
L- லேப்டாப்
M- மெசஞ்ஜர்
N- நீரோ
O- ஆர்குட்
P- பிகாசா
Q- குயிக் டைம்
R- ரேம்
S- ஸ்கைப்
T- ட்விட்டர்
U- யு.எஸ்.பி
V- விஸ்டா
W- வை-ஃபை
X- ஜெராக்ஸ்
Y- யூ டியூப்
Z- ஜோர்பியா
xxxxxxxxxxxxxxxxxxxxxxxxxxx
(நன்றி கதிர் )

அனைத்தும் அருமை