பைக்கில் படமெடுத்த பாம்பு

மறுபிறப்பு எடுத்திருப்பதாக படபடப்போடு சொல்கிறார், பெங்களூரைச் சேர்ந்த போலீஸ்காரர் நாகேஷ்.

பெங்களூர் சிக்பேட் காவல் நிலையத்தில் கான்ஸ்டபிளாக பணியாற்றுகிறார் அவர். அன்று, ஜே.பி. நகரில் உள்ள தனது வீட்டில் இருந்து அதிகாலையில் பைக்கில் புறப்பட்ட நாகேஷ், சுமார் 2 மணி நேரம் பாதுகாப்பு பணிக்காக சுற்றிவிட்டு மெஜஸ்டிக் ஏரியா நோக்கி வந்து கொண்டிருந்தார். அப்போது அவரது பைக்கின் `ஹாண்டில் பார்' பகுதியில் இருந்து ஒரு நல்ல பாம்பு தலைநீட்டிப் படமெடுத்தது.

திடுக்கிட்டுத் தடுமாறிப்போன நாகேஷ், பைக்கை அப்படியே போட்டுவிட்டு உடனடியாக வனத் துறையினருக்கு செல்போனில் தகவல் தெரிவித்தார். விரைந்து வந்த வனத் துறையினர், பாம்பை பைக்கில் தேடினார்கள். பொதுவாக பாம்புகள் வண்டியில் ஹெட்லைட், பெட்ரோல் டாங்க் பகுதியில்தான் மறைந்திருக்கும். அவற்றைக் கழற்றிப் பார்த்தனர். அங்கே பாம்பு இல்லை. எனவே அது வண்டியை விட்டு நழுவியிருக்கக் கூடும் என்று சமாதானம் கூறினர்.

ஆனால், பாம்பு வண்டியில்தான் இருக்கிறது. அதைப் பிடிக்கும்வரை வண்டியைத் தொட மாட்டேன் என்று பதற்றத்துடன் மறுத்தார் போலீஸ்காரர், நாகேஷ். உடனே வேறு சிலர் மூலம், அருகில் உள்ள மெக்கானிக் கடைக்கு பைக் கொண்டு செல்லப்பட்டது.

அங்கு பைக் அக்கு அக்காக பிரித்துப் பார்க்கப்பட்டது. அப்போது, முன்புறமுள்ள `ஸ்பீடோமீட்டருக்குள்' நல்ல பிள்ளையாய் சுருண்டு கொண்டிருந்தது நல்ல பாம்பு.

``இது மாதிரி ஒரு சம்பவத்தை நாங்கள் இப்போதுதான் முதல்முறையாகப் பார்க்கிறோம். சில வேளைகளில் வண்டிகளில் பாம்பு தொற்றிக்கொள்ளும் என்றாலும், ஹெட்லைட் டோம், பெட்ரோல் டாங்கை கழற்றினால் அவற்றைப் பிடித்துவிடலாம். போலீஸ்காரரின் வற்புறுத்தலால்தான் வண்டியை மெக்கானிக் மூலம் முற்றிலுமாகக் கழற்றிப் பார்த்தோம். அப்போதுதான், ஸ்பீடோமீட்டருக்குள் அது இருப்பது தெரியவந்தது'' என்றார், வனத்துறை அதிகாரி. பிடிபட்ட பாம்பை, பத்திரமாக காட்டில் கொண்டுபோய் விட்டனர்.

``பாம்பை திடீரெனப் பார்த்த நான் திகிலடித்துப் போய்விட்டேன். பைக் ஓட்டும்போது திடீரென்று அது தலையை நீட்டி, இப்படியும் அப்படியுமாக ஆட்டினால் எப்படியிருக்கும்? அதை ஒரு கணம் என்னால் நம்பவே முடியவில்லை. நான் இன்னும் உயிரோடிருப்பதே அதிர்ஷ்டம்தான். சுமார் 2 மணி நேரத்துக்கு, அது என்னுடனே பயணித்திருக்கிறது. அது நினைத்திருந்தால் என்னை தீண்டியிருக்கலாம். அதன் நல்ல மனதால் நான் அதிர்ஷ்டக்காரன் ஆகிவிட்டேன்'' என்கிறார், நடுக்கம் மாறாத நாகேஷ்.

சம்பவத்துக்குச் சில நாட்கள் முன்பு ஒரு பாம்பு பிடிக்கும் வேட்டை நாகேஷ் வீட்டுப் பகுதியில் நடந்ததாம். அதிலிருந்துதான் ஒரு பாம்பு தனது பைக்கில் நுழைந்திருக்க வேண்டும் என்று அவர் சொல்கிறார்.

கடைசித் தகவல்: பாம்பு ஏறி உட்கார்ந்த பிறகு தனது `பைக்'கை தொடவே அஞ்சும் நாகேஷ், அதை வந்த விலைக்குத் `தள்ளிவிட' ஆள் தேடிக் கொண்டிருக்கிறார்.

தினத்தந்தி

அடடே ஒரு பாபினால் இந்த காவல் துறை கான்ஸ்டபிளுக்கு மாமுல் வாழ்கை பாதித்து விட்டதோ

இதே போல எனக்கு ஒரு அனுபவம் சென்னையில் வேலை செய்துகொண்டு இருக்கும்போது.
இரவு பணியில் இருந்த நேரம் , தூக்க கலக்கத்தில் அதிகாலை 4 மணிக்கு வீட்டிற்கு வந்துகொண்டு இருக்கும்போது அரனை என்று சொல்லுவார்களே (பார்ப்பதற்கு ஓணான் போலவே இருக்கும்) அது என்னுடைய splendour bike முன்புறம் தலை எட்டி பார்த்தது. அவ்வளவு தான் 2 வினாடிகளில் தூக்கம் பறந்துவிட்டது.

அடடே அந்த அரனையினால் உங்கள் தூக்கம் கலைந்து சுரணை வந்ததுனு சொல்லுங்க இல்லேனா இந்நேரம் லேட் ராஜாவா ஆகிருபிங்க அதுசரி அரனைக்கேல்லாமா பயப்புடுவிங்க

balakarthik wrote:அடடே அந்த அரனையினால் உங்கள் தூக்கம் கலைந்து சுரணை வந்ததுனு சொல்லுங்க இல்லேனா இந்நேரம் லேட் ராஜாவா ஆகிருபிங்க அதுசரி அரனைக்கேல்லாமா பயப்புடுவிங்க

அப்ப கொஞ்ச நேரத்துக்கு சுரணை வத்து நிஜம் தான் , அப்புறம் இங்க வந்த பிறகு திரும்பவும் போயிடுச்சு

ராஜா wrote:அப்ப கொஞ்ச நேரத்துக்கு சுரணை வத்து நிஜம் தான் , அப்புறம் இங்க வந்த பிறகு திரும்பவும் போயிடுச்சு

நீங்க மஸ்கட் வந்திருக்கணும் சர்வ சாதாரணமா எங்க ஆபிஸ் பக்கத்துல நிறையா விஷமுள்ள பாம்புகளை பார்க்கலாம் இங்க மலைய பேக்க பேக்க பாம்புகளாதான் வருது

balakarthik wrote:

ராஜா wrote:அப்ப கொஞ்ச நேரத்துக்கு சுரணை வத்து நிஜம் தான் , அப்புறம் இங்க வந்த பிறகு திரும்பவும் போயிடுச்சு

நீங்க மஸ்கட் வந்திருக்கணும் சர்வ சாதாரணமா எங்க ஆபிஸ் பக்கத்துல நிறையா விஷமுள்ள பாம்புகளை பார்க்கலாம் இங்க மலைய பேக்க பேக்க பாம்புகளாதான் வருது

பாலைவன பாம்புகள் அதிக விஷத்தன்மை உள்ளவை தானே கார்த்திக்? , இங்கு நான் இதுவரை பாம்பு பார்க்கவில்லை....

நான் சென்னையில ஸ்நேக் பார்க்குல பார்த்ததுத்தான் இங்க வந்து நாலு வருசத்துல இதுவரைக்கும் 600 பாம்புகளுக்குமேல பார்த்தாச்சு இப்படியே போச்சுனா கூடிய சீக்கிரமே பாம்பாட்டி சித்தரா ஆயிடுவேன் போலிருக்கு

ராஜா wrote: இதே போல எனக்கு ஒரு அனுபவம் சென்னையில் வேலை செய்துகொண்டு இருக்கும்போது.
இரவு பணியில் இருந்த நேரம் , தூக்க கலக்கத்தில் அதிகாலை 4 மணிக்கு வீட்டிற்கு வந்துகொண்டு இருக்கும்போது அரனை என்று சொல்லுவார்களே (பார்ப்பதற்கு ஓணான் போலவே இருக்கும்) அது என்னுடைய splendour bike முன்புறம் தலை எட்டி பார்த்தது. அவ்வளவு தான் 2 வினாடிகளில் தூக்கம் பறந்துவிட்டது.

அது கடிக்கலையா?

balakarthik wrote:அடடே அந்த அரனையினால் உங்கள் தூக்கம் கலைந்து சுரணை வந்ததுனு சொல்லுங்க இல்லேனா இந்நேரம் லேட் ராஜாவா ஆகிருபிங்க அதுசரி அரனைக்கேல்லாமா பயப்புடுவிங்க

இதை பாம்புராணியோ, சாம்பிராணியோன்னு சொல்லுவோம்! மறந்து போச்சு!