வழுக்கையைக் குணமாக்கும் தைலம்!

தலைமுடியை நாம் ரொம்ப சாதாரணமாக மதிக்கிறோம், ஆனால் `முடி கிரீடம்' இழந்த வழுக்கைத் தலையர்களுக்குத்தான் அதன் மகத்துவம் தெரியும்.

அதனால்தான் அவர்கள், விளம்பரங்களில் கூறப்படும் லோஷன்கள், கிரீம்களை எல்லாம் வாங்கித் தேய்த்து, அன்றாடம் கண்ணாடி முன் நின்று தலையை ஆராய்கிறார்கள்.

இதோ, வழுக்கை மனிதர்களுக்கு வாழ்க்கை வந்துவிட்டது! வழுக்கையைக் குணமாக்கும் ஒரு `லோஷனை' கண்டுபிடித்துவிட்டதாக அறிவித்திருக்கிறார்கள் விஞ்ஞானிகள்.

வழுக்கைத் தலைக்குக் காரணமான ஒரு என்சைமை தங்கள் லோஷன் முடக்கும் என்று கூறும் விஞ்ஞானிகள், தமது தயாரிப்பு இரண்டாண்டுகளுக்குள் விற்பனைக்கு வந்துவிடும் என்கிறார்கள்.

ஆண்களின் வழுக்கைத் தலையில் ஒரு குறிப்பிட்ட என்சைம்தான் முக்கியப் பங்கு வகிக்கிறதாம். எனவே அதற்குத் `தடா' போடுவதன் மூலம் தலைமுடிக்கு வாழ்வளித்து விடலாம் என்கிறார்கள்.

இந்த ஆய்வில் ஈடுபட்ட அமெரிக்க விஞ்ஞானிகள், குறிப்பிட்ட என்சைமின் பெயர் `புரோஸ்டாகிளாண்டின் டி2' (பி.ஜி.டி.2) என்கிறார்கள். இதுதான், முடி முளைப்பதை நிறுத்துமாறு ரோம வேர்ப் பைகளுக்கு உத்தரவிடுகிறதாம். முடி இழப்புடன் தொடர்புடைய 250 ஜீன்களை ஆராய்ந்தபோது விஞ்ஞானிகள் இதைக் கண்டுபிடித்தார்கள்.

இதுதொடர்பாக பென்சில்வேனியா பல்கலைக்கழகத்தின் சரும நோயியல் துறைத் தலைவர் ஜார்ஜ் காட்சரேலிஸ் கூறுகையில், தலைமுடி இழப்பில் பி.ஜி.டி.2 முக்கியப் பங்கு வகிப்பதைக் கண்டறிந்திருப்பதாகத் தெரிவித்திருக்கிறார்.

சரி... சரி, இந்தத் தைலம் எப்போது கடைக்கு வரும் என்கிறீர்களா? இதுதொடர்பாக ஏற்கனவே மருந்து தயாரிப்பு நிறுவனங்களுடன் விஞ்ஞானிகள் பேச்சுவார்த்தையில் இருக்கிறார்கள். அதை ஜார்ஜ×ம் உறுதிப்படுத்துகிறார்.

உண்மையில் பி.ஜி.டி.2 அளவைக் கட்டுப்படுத்தும் மருந்துகள் ஏற்கனவே சந்தையில் இருக்கின்றன. ஆனால் அவை, ஆஸ்துமா போன்ற உபவிளைவுகளை ஏற்படுத்தி விடுகின்றன. ஆனால் புதிய தைலம் மோசமான `சைடு எபெக்ட்' எதையும் ஏற்படுத்தாதாம்.

இந்த தைலம் கொஞ்சம் சீக்கிரம் வந்தால் நல்லதுதான்!

உங்க பேச்சை நம்பி கண்ட தைலத்தை தடவி இருக்குற நாலு முடியும் போயிடுச்சுனா?

முரளிராஜா wrote:உங்க பேச்சை நம்பி கண்ட தைலத்தை தடவி இருக்குற நாலு முடியும் போயிடுச்சுனா?

எதுக்கு அந்த நாலு முடி! பிடுங்கிப் போட வேண்டியதுதானே!

அதுக்கு அவ்வளவு ரிஸ்க்கெல்லாம் எடுக்க வேண்டாம் தல
நான் என் தலைய கொஞ்சம் வேகமா ஆட்டுனாலே விழுந்துடும்னு நினைக்கறேன்

முரளிராஜா wrote:அதுக்கு அவ்வளவு ரிஸ்க்கெல்லாம் எடுக்க வேண்டாம் தல
நான் என் தலைய கொஞ்சம் வேகமா ஆட்டுனாலே விழுந்துடும்னு நினைக்கறேன்

முரளிராஜா wrote:உங்க பேச்சை நம்பி கண்ட தைலத்தை தடவி இருக்குற நாலு முடியும் போயிடுச்சுனா?

உங்கள் தலயில தான் ஒரு முடியும் இல்லையே...

மகா பிரபு wrote:

முரளிராஜா wrote:உங்க பேச்சை நம்பி கண்ட தைலத்தை தடவி இருக்குற நாலு முடியும் போயிடுச்சுனா?

உங்கள் தலயில தான் ஒரு முடியும் இல்லையே...

உங்களுக்கு இப்பதானே கொட்ட ஆரம்பிச்சிருக்கு

முரளிராஜா wrote:

மகா பிரபு wrote:

முரளிராஜா wrote:உங்க பேச்சை நம்பி கண்ட தைலத்தை தடவி இருக்குற நாலு முடியும் போயிடுச்சுனா?

உங்கள் தலயில தான் ஒரு முடியும் இல்லையே...

உங்களுக்கு இப்பதானே கொட்ட ஆரம்பிச்சிருக்கு

முடி இருக்குறவங்களுக்கு ஆயிரம் பிரச்சனை..
இல்லாதவனுக்கு நோ பிரச்சனை..

MINOXIDIL (HAIR REGROWTH TREATMENT) FOR MEN ONLY என்னும் தைலத்தை தலையில் பூசி வாருங்கள். இழந்த முடியை மீண்டும் பெறலாம். விலை கொஞ்சம் அதிகம், இருந்தாலும் பரவாயில்லை, நமக்கு தேவை தலையில் முடிதானே.

சீக்கிரம் இதை கொண்டு வாங்கப்பா நமக்கு உபயோகப்படும்