முதியவர்களின் மூளையும், சில ரகசியங்களும்!

**சிவா** · **சிவா** Fri Sep 07, 2012 4:44 pm

முதுமை என்றாலே எல்லா வகையிலும் தளர்ச்சிதான் என்பது பொதுவான நம்பிக்கை. இந்த நம்பிக்கையைத் தவிடுபொடியாக்கிடும் சில பல முதியவர்களும் நம்மிடையே இருக்கத்தான் செய்கிறார்கள். முதிய வயதிலும் இளைஞர்களைப் போன்ற, சிலசமயங்களில் இளைஞர்களைவிட அதிகமான நினைவுத் திறன், புத்திக்கூர்மை, சிந்தனைத் திறன் என எல்லாவற்றிலும் கலக்கும் ஆச்சரிய மனிதர்கள்தான் அவர்கள்.

நினைவுத் திறன் கோளாறான டிமென்ஷியா மற்றும் இதுபோன்ற இதர மூளைக் கோளாறுகளால் பாதிக்கப்படும் முதியவர்களின் மூளைகளில் என்ன பிரச்சினை என்றுதான் பெரும்பாலான நரம்பியல் விஞ்ஞானிகள் தேடிக்கொண்டு இருக்கிறார்கள். இது பழைய செய்தி.

ஆனால், அட்டகாசமான நினைவுத் திறன் உள்ள சில முதியவர்களின் மூளைகளில் அப்படி என்னதான் ரகசியம் இருக்கிறது என்று கொஞ்சம் மாற்றி யோசித்திருக்கிறார் அமெரிக்காவின் நார்த் வெஸ்டன் பல்கலைக்கழக நரம்பியல் ஆய்வாளர் ரோகால்ஸ்கி.

80 வயது மற்றும் அதற்கும் மேற்பட்ட வயதுடைய, தேர்ந்தெடுக்கப்பட்ட சில முதியவர்கள் மீதான ரோகால்ஸ்கியின் ஆய்வு முடிவுகள் சமீபத்தில் வெளியாகியுள்ளன. இதில், 80 வயதுக்கும் மேற்பட்ட முதியவர்களின் நினைவுத் திறன் சுமார் 50 முதல் 60 வயதுள்ளவர்களின் நினைவுத் திறனைப் போல கூர்மையாக இருந்தது என்று தெரியவந்துள்ளது. இதுதான் தற்போதைய `ஹாட்' செய்தி.

தங்களை விட சுமார் 20 முதல் 30 வயது வரை இளையவர்களுக்கு நிகரான நினைவுத் திறன் உள்ள 80 வயதுக்கும் மேற்பட்ட முதியவர்களை, `சூப்பர் முதியவர்கள்' என்றழைக்கும் ரோகால்ஸ்கியின் ஆய்வில் மற்றுமொரு ஆச்சரியத் தகவலும் கிடைத்திருக்கிறது. இந்த சூப்பர் முதியவர்களின் ஒரு குறிப்பிட்ட மூளைப் பகுதி, நடுத்தர வயதுடையவர்களின் மூளைப்பகுதியை விட பெரியதாக இருந்தது என்பதுதான் அந்த தகவல்.

சூப்பர் முதியவர்களின் மூளை ரகசியங்கள்

3டி எம்.ஆர்.ஐ. ஸ்கேன் பதிவுகளில், இளமை யாகத் தெரியும் சூப்பர் முதியவர்களின் மூளை யிலுள்ள `கார்டெக்ஸ்' எனும் பகுதியின் வலிமையைப் பார்த்துப் பிரமித்துப் போய்விட்டாராம் ஆய்வாளர் ரோகால்ஸ்கி.

பிரமிக்க வைக்கும் அளவுக்கு அப்படி என்ன இருக்கிறது அந்த கார்டெக்ஸ் பகுதியில்?

கார்டெக்ஸ் என்பது நமது மூளையின் வெளிப் புறப் படலம். நினைவுத் திறன், கவனம் மற்றும் இதர சிந்தனைத் திறன்கள் ஆகியவற்றுக்கு மிகவும் முக்கியமான பகுதி இது. சாதாரணமான, 80 வயதுக்கும் மேற்பட்ட முதியவர்களின் கார்டெக்ஸ் பகுதியுடன் ஒப்பிடுகையில், சூப்பர் முதியவர்களின் கார்டெக்ஸ் பகுதியானது மிகவும் தடிமனாக இருந்தது குறிப்பிடத்தக்கது. மேலும், இவர் களின் கார்டெக்ஸ் பகுதியானது 50-65 வயதுடையவர்களின் கார்டெக்ஸ் பகுதி போன்று இருந்தது என்பதும் கவனிக்கத்தக்கது.

சாதாரணமான மூப்படைதலில், மூளையின் உயிரணு அல்லது `கிரே மேட்டர்' இழப்பு என்பது பொதுவானது. அப்படி இருக்கையில், 80 வயதுக்கும் மேற்பட்டவர்களின் மூளையின் கார்டெக்ஸ் பகுதி தடிமனாக இருக்கிறதென்றால் அது மிகவும் ஆச்சரியமானது என்கிறார் ரோகால்ஸ்கி. மேலும், மூளையின் ஒரு பகுதி தடிமனாகிறது என்றால் அதில் நிïரான் அல்லது நரம்புகள் அதிகமாக இருக்கின்றன என்பது பொருள்.

மூப்படைதலுடன் தொடர்புடைய நினைவுத் திறன் பாதிப்பு மற்றும் மூளை உயிரணுக்களின் செயல்திறன் இழப்பு ஆகியவற்றிலிருந்து தனித்துவமாகப் பாதுகாக்கப்பட்டவர்கள் போல காணப் படுபவர்கள் சூப்பர் முதியவர்கள். இவர்களை இனம் கண்டறிந்து ஆய்வு செய்வதன் மூலம், அவர்களுடைய இளமையான மூளைகளின் ரகசியங்களைக் கண்டறிய முடியும் என்று நம்புகிறார் ரோகால்ஸ்கி.

மிகவும் ஆரோக்கியமான முதிய மூளைகளை ஆய்வு செய்வதன் மூலம், சூப்பர் முதியவர்களால் மட்டும் எப்படி நல்ல நினைவுத் திறனை பராமரிக்க முடிகிறது என்பதை கண்டறிந்துவிட முடியும். பெரும்பாலான விஞ்ஞானிகள் மூளையில் எது தவறாக இருக்கிறது என்பதையே கண்டறிய முயல்கிறார்கள். மாறாக, சூப்பர் முதியவர்களின் மூளையில் எது சரியாக இருக்கிறது என்பதை கண்டறிவதன் மூலம், நினைவுத் திறன் குறைபாடான அல்சைமரால் பாதிக்கப் படும் நோயாளிகளுக்கு உதவ முடியும் என்கிறார் ரோகால்ஸ்கி.

இது தவிர, மூளையின் ஆழமான பகுதியில் இருக்கும் `ஆன்டீரியர் சிங்குலேட்' எனும் மற்றொரு பகுதியும் சூப்பர் முதியவர்களில் மிகவும் தடிமனாக இருக்கிறது. சுவாரசியமாக, 50-65 வயதானவர்களின் ஆன்டீரியர் சிங்குலேட் பகுதியைவிட இது மிகவும் தடிமனாக இருக்கிறதாம். இந்தப் பகுதி, கவனத்துக்கு முக்கியமானது. கவனம் நினைவுத் திறனுக்கு அவசியமானது என்பது கவனிக்கத்தக்கது.

அதிர்ஷ்டவசமாக, இந்த ஆய்வில் பங்கு பெற்ற பெரும்பாலான சூப்பர் முதியவர்கள் தங்களின் மூளைகளை ஆய்வுக்காகத் தானம் செய்வதாக உறுதி அளித்திருக்கின்றனர். இவர்களின் மூளைகளை ஆய்வு செய்வதன் மூலம், மூளைக் கோளாறுகளால் பாதிக்கப்படும் முதியவர்களுக்கு உதவ முடியும் என்கிறார் ஆய்வாளர் ரோகால்ஸ்கி.

முனைவர் பத்மஹரி!

முரளிராஜா · முரளிராஜா Fri Sep 07, 2012 4:55 pm

நம்ம சிவாவுக்கு வயசாகிட்டதால அவருக்கு சாதகமான பதிவா எடுத்து போட ஆரம்பிச்சுட்டாரு ஜாலி

http://www.eegarai.net/t89034-topic#௮௪௪௪௪௯

பகிர்வுக்கு நன்றி சிவா

**சிவா** · **சிவா** Fri Sep 07, 2012 4:58 pm

உண்மைதான் முரளி! நமக்குத் தேவையான பதிவுகள் தான் இவை!

முரளிராஜா · முரளிராஜா Fri Sep 07, 2012 5:01 pm

சிவா wrote:உண்மைதான் முரளி! நமக்குத் தேவையான பதிவுகள் தான் இவை!

இதுக்குதான் பெருசுகளோடு பழக்கம் வச்சுக்க கூடாதுனு சொல்லுவாங்க போல அழுகை

**சிவா** · **சிவா** Fri Sep 07, 2012 5:02 pm

முரளிராஜா wrote:
சிவா wrote:உண்மைதான் முரளி! நமக்குத் தேவையான பதிவுகள் தான் இவை!
இதுக்குதான் பெருசுகளோடு பழக்கம் வச்சுக்க கூடாதுனு சொல்லுவாங்க போல

ஆமா, ஆமா! இனிமேல் அசுரன், ராஜா கூடவெல்லாம் நாம் சேரக் கூடாது!

முரளிராஜா · முரளிராஜா Fri Sep 07, 2012 5:04 pm

சிவா wrote:

ஆமா, ஆமா! இனிமேல் அசுரன், ராஜா கூடவெல்லாம் நாம் சேரக் கூடாது!

ஆமாம் தல அவங்களோட பழகி நமக்கும் ரொம்ப வயசான மாதிரி ஒரு நினைப்பு வந்துடுது ரிலாக்ஸ்

**சிவா** · **சிவா** Fri Sep 07, 2012 5:06 pm

முரளிராஜா wrote:
சிவா wrote:

ஆமா, ஆமா! இனிமேல் அசுரன், ராஜா கூடவெல்லாம் நாம் சேரக் கூடாது!

ஆமாம் தல அவங்களோட பழகி நமக்கும் ரொம்ப வயசான மாதிரி ஒரு நினைப்பு வந்துடுது

எனக்கு ஹோம் வொர்க் நிறைய இருக்கு! செய்யலைன்னா டீச்சர் அடிப்பாங்க! அப்புறம் பார்ப்போம்!

முரளிராஜா · முரளிராஜா Fri Sep 07, 2012 5:09 pm

சிவா wrote:

எனக்கு ஹோம் வொர்க் நிறைய இருக்கு! செய்யலைன்னா டீச்சர் அடிப்பாங்க! அப்புறம் பார்ப்போம்!

டீச்சர் அடிப்பாங்களா தல? பயம்

என்னையும் அடுத்த வருசம் ஸ்கூல்ல சேர்க்க போறாங்க ஜாலி

**ராஜா** · **ராஜா** Fri Sep 07, 2012 5:41 pm

இன்னிக்கு வெள்ளிகிழமை நான் மவுனவிரதம்னு தெரிஞ்சு இந்த ரெண்டு பெரிசும் என்ன ஆட்டம் பாணுறாங்க , (கைப்புள்ள அவசரபட்டு உன் மவுனவிரதத்த கைவிட்டுடாத அப்புறம் அதிகமா சேதாரம் ஆகபோறது உனக்கு தான்)

முரளிராஜா · முரளிராஜா Fri Sep 07, 2012 5:42 pm

சிவா, பெருசு வந்தாச்சு வாங்க ஓடிடலாம்

Sponsored content · Sponsored content

முதியவர்களின் மூளையும், சில ரகசியங்களும்!

முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

Re: முதியவர்களின் மூளையும், சில ரகசியங்களும்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக