வெளிநாட்டுக் கணவன்----ஒரேழ் உழவன்

சதாசிவம் · சதாசிவம் Sun Aug 19, 2012 11:30 am

First topic message reminder :

வெளிநாட்டுக் கணவன்----ஒரேழ் உழவன் - Page 2 Sad_man

குறுந்தொகை -191
ஆடு அமை புரையும் வனப்பின் பணைத் தோள்
பேர் அமர்க் கண்ணி இருந்த ஊரே
நெடுஞ் சேண் ஆர் இடையதுவே; நெஞ்சே,
ஈரம் பட்ட செவ்விப் பைம் புனத்து
ஓர் ஏர் உழவன் போல,
பெரு விதுப்பு உற்றன்றால்; நோகோ யானே

தற்கால கவிதை வடிவில்

பசும்மூங்கில் தோளினாள், படை பதறும் கண்ணினாள்
கண்ணில் மிதக்கிறாள், கனவில் வருகிறாள்
காற்றின் ஈரமாய் காட்சியெலாம் தெரிகிறாள்
தூக்கத்தை கெடுக்கிறாள், துக்கத்தை கொடுக்கிறாள்
நீங்காத நினைவெல்லாம் நிற்காமல் செல்கிறாள்
கட்டியணைத்திடவே காதலுடன் சொல்கிறாள்
கானல் நீராய் கைக்கெட்டி மறைகிறாள்
கையருகே நீயுமில்லை, கால் நடக்கும் தூரமில்லை
உள்ளுக்குள் தவிக்கிறேன், உதட்டோரம் சிரிக்கிறேன்
கடன்சுமையை கரைத்திட கண்மணியைப் பிரிகிறேன்
காலம் கனிந்திடுமா கடவுளைக் கேட்கிறேன்
கடல்கடந்து தவிக்கிறேன், கனவில் மட்டும் காண்கிறேன்
கண்ணிருந்தும் குருடனாய், கண்ணீரில் நனைகிறேன்
காலம் விரைந்திடுமா, எண்ணி எண்ணிப் பார்க்கிறேன்
ஓரேர் உழவனைப் போல் உள்ளுக்குள் அழுகிறேன்..
ஏக்கத்தை எழுதாமல் இத்துடன் முடிக்கிறேன்

வெளிநாட்டுக் கணவன்----ஒரேழ் உழவன் - Page 2 Sad-man1

சதாசிவம் · சதாசிவம் Mon Aug 20, 2012 5:05 pm

மிக்க நன்றி உறவுகளே

வெளிநாட்டுக் கணவன்----ஒரேழ் உழவன்

வெளிநாட்டுக் கணவன்----ஒரேழ் உழவன்

Re: வெளிநாட்டுக் கணவன்----ஒரேழ் உழவன்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக