பெண்களின் பல் நலன்கள்

பெண்களில் பற்சொத்தை, பற்குழி போன்ற பிரச்சினைகளுக்காக வருபவர் களின் எண்ணிக்கை மிகக் குறைவு. அழகுபடுத்திக் கொள்வதற்காக பல் மருத்துவரை அணுகுவதே அதிகம்.

ஆண்களோடு ஒப்பிடுகையில் பெண்கள் அழகுக்காக பற்சீரமைப்பு செய்கிறார்கள், ஆண்கள் நோய்களுக்காக பற்சிகிச்சை செய்கிறார்கள் என்று சொன்னால் மிகையாகாது.

இப்போதுள்ள டீன் ஏஜ் முதல் மிடில் ஏஜ் பெண்கள் வரை தங்கள் பற்களை எவ்வாறெல்லாம் பாதுகாக்கலாம் என்பதைத் தெரிந்து வைத்திருக்கிறார்கள்.

அவர்களுக்கு மிக அதிகமாக வரும் பிரச்சினைகளையும், அவற்றை சரி செய்யும் முறைகளையும் பற்றி தெரிந்து கொள்ளுங்கள்.

தெற்றுப் பற்கள்

இதை கிரவுடிங் என்பார்கள். பல் வரிசை மாறி அமைந்திருக்கும். இப்படிப்பட்ட பல் அமைப்புள்ள பெண்கள் என்னதான் பற்களை சுத்தமாக வைத்துக் கொண்டாலும் வாய் துர்நாற்றம் வருவதை தவிர்க்கமுடியாது. பல் இடுக்கு களில் உணவுத் துகள்கள் அதிகமாகத் தங்கிவிடும். இதனால் பற்களில் சொத்தை, பற் குழி போன்றவை வரும்.

இதைத்தடுக்க தேவையில்லாத பற்களை எடுத்து விட்டு, பல் வரிசைகளை ஒழுங்குபடுத்திக் கொள்ளலாம்.

பற்கள் வெளியே நீட்டியிருத்தல்

பெண்கள் அதிகமாக பற்சீரமைப்பு சிகிச்சைக்கு வரும் முக்கியமானக் காரணங்களில் ஒன்று பற்கள் வெளியே நீட்டிக்கொண்டிருத்தல்.

இதை கிளிப்புகள் போட்டு சரி செய்து கொள்ளலாம். அமுங்கியிருக்கும் பற்களை சரியான முறையில் பொருத்திக் கொள்ளலாம்.

இந்தப் பிரச்சினை பெரும்பாலும் தாடைச் சீரின்மை, சிறிய வயதிலிருந்த கை சூப்பும் பழக்கம், நாக்குத் துருத்தல் போன்றவை மற்றும் பாரம்பரியத்தின் காரணமாகவும் வந்திருக்கும்.

பற்களை முன் தள்ளி சீராக்குவதாக இருந்தாலும், உள்ளே அழுத்தி சீராக்கு வதாக இருந்தாலும் இப்போது நிரந்தர கிளிப், தற்காலிக கிளிப் முறைகள் உள்ளன. தாடைச்சீரமைப்பு என்ற சிறிய அறுவை சிகிச்சையின் மூலம் முன்னோக்கி தள்ளப்பட்ட தாடையைச் சீரமைத்து பற்களை வரிசைப்படுத்தி விடலாம்.

பற்களில் கறை

புன்னகை என்று சொன்னாலே பெண்கள்தான் நம் மனக் கண் முன் வருவார் கள். அதேபோல எப்போதும் சிரித்து சிரித்துப் பேசும் சுபாவம் உள்ளவர்களும் பெண்கள்தான்.

இப்படிப்பட்ட பெண்கள் தங்கள் வாயில் கறைகள் இருப்பதை ஒப்புக் கொள்வார்களா? அதனால் அடிக்கடி கறை நீக்கம் செய்துகொள்கிறார்கள்.
இந்தக் கறைகளில் உட்கறை, வெளிக் கறை என இருவகைக் கறைகள் இருப்பது உங்களுக்குத் தெரியும்.

உணவுத்துகள்கள் படிதல், சாயப் பொருட்கள் போன்றவற்றின் காரணமாக வெளிக்கறை படியும்.

பரம்பரை மற்றும் நோய்களின் காரணமாகவும், ஊட்டச்சத்து குறைபாட்டின் காரணமாகவும் பற்களின் உள்ளே கறை தெரியும்.

வெளிக்கறைகளை நீக்க ஸ்கேலிங் முறையும், உட்கறைகளுக்கு உரிய கார ணத்தை அறிந்து ப்ளீச்சிங் என்ற முறையிலும் கறைகளின் சுவடே இல்லாமல் சீரமைத்துவிடலாம்.

இதைத் தவிர, அரிதாக பற்களை இழந்துவிட்டால் இம்ப்ளாண்ட் முறையில் நிரந்தரமாகவே சீரமைக்கலாம்.

பெண்களுக்கு வரும் பற்குறைபாட்டினால் பணி நேர இழப்பு, பள்ளி கல்லூரிகளுக்குச் செல்லமுடியாமை, குடும்பத்தை கவனிக்க முடியாமை போன்றவை வரும். ஆகவே, பற்சீரமைப்பில் கவனம் செலுத்துங்கள், பற்களை பாதுகாத்துக் கொள்ளுங்கள்.