போலீஸ் கமிஷனரிடம் நடிகர், நடிகைகள் புகார்

சென்னை : ""நடிகர், நடிகைகள் மீதான அவதூறு செய்திகளை பத்திரிகைகள் தவிர்க்க வேண்டும்,'' என நடிகர் சங்கத் தலைவர் சரத்குமார் வலியுறுத்தினார். சென்னை போலீஸ் கமிஷனர் அலுவலகத்திற்கு, தென்னிந்திய திரைப்பட நடிகர் சங்கத் தலைவர் சரத்குமார் நேற்று பிற்பகல் வந்தார். சங்கத்தின் பொதுச் செயலர் ராதாரவி, நடிகர்கள் எஸ்.வி.சேகர், விஜயகுமார், முரளி, மயில்சாமி, சின்னி ஜெயந்த் மற்றும் நடிகைகள் மஞ்சுளா, சீதா, நளினி, அஞ்சு, குயிலி, பாத்திமா பாபு, ஸ்ரீப்ரியா அவரது கணவர் ராஜ்குமார் வந்திருந்தனர். போலீஸ் கமிஷனரை சந்தித்துவிட்டு வெளியே வந்த சரத்குமார், கமிஷனரிடம் அளித்த புகார் மனுவை நிருபர்களிடம் வாசித்துக் காண்பித்தார்.


தொடர்ந்து, நிருபர்களிடம் அவர் கூறியதாவது: சென்னையில் நடிகை புவனேஸ்வரி, விபசார தடுப்புப் பிரிவு போலீசாரால் கைது செய்யப்பட்ட செய்திகள் கடந்த 3ம் தேதி மாலை பத்திரிகைகளிலும், மறுநாள் காலை பத்திரிகைகளிலும் வெளியாகி இருந்தது. அவரது வாக்குமூலத்தில், பல நடிகைகள் விபசார தொழிலில் ஈடுபட்டு வருவதாக தெரிவித்திருந்ததாக, செய்திகள் வெளியாகி இருந்தன. இது பற்றி போலீஸ் கமிஷனரிடம் நாங்கள் கேட்டோம்.


அது போன்ற எவ்வித வாக்குமூலத்தையும் நடிகை புவனேஸ்வரி கொடுக்கவில்லை என கமிஷனர் உறுதியாக தெரிவித்துள்ளார். பத்திரிகைகளில் வந்த செய்திகள் தவறானவை என தெரியவந்துள்ளது. அதுபோன்ற செய்தியால் நடிகர், நடிகையர் குடும்பத்தினர் மிகுந்த மன உளைச்சலுக்கு ஆளாகியுள்ளனர். முதல்வர் கருணாநிதி ஆட்சியில் இதுபோன்ற பிரச்னை எங்களுக்கு போலீஸ் தரப்பில் இருந்து ஏற்பட்டுள்ளது வருந்தத்தக்கது.


வரும் 7ம் தேதி (நாளை) மாலை 6 மணிக்கு, நடிகர் சங்க கட்டடத்தில், நடிகைகளை பற்றி தவறாக எழுதிய பத்திரிகைகளைக் கண்டித்து, கண்டனக் கூட்டம் நடத்தப்பட உள்ளது. அதில், நடிகர், நடிகைகள் தவறாமல் பங்கேற்க வேண்டும். நடிகர் சங்கத்தின் மூலம் நாங்கள் கொடுத்துள்ள புகாரை வாங்கிய கமிஷனர், அதை சட்ட நிபுணருக்கு அனுப்பி அதன் அடிப்படையில் நடவடிக்கை எடுப்பதாக உறுதியளித்துள்ளார். நடிகைகளை விமர்சித்து அவதூறாக செய்திகள் வெளியிடுவதை பத்திரிகைகள் தவிர்க்க வேண்டும். இவ்வாறு சரத்குமார் பேட்டியளித்தார்.

ஐயோ! இது என்னங்க? புது விளையாட்டா இருக்கு. இது விளையாட்டுச் செய்திகள் பக்கம்தானா? அல்லது நான்தான் மாறி வந்துட்டேனா?

ஒன்னுமே புரியல்லையே!!!!!!!!
யாரங்கே! என்ன இது?
யாரையாவது கைது செய்யுங்கள். ம்ம்ம் சீக்கிரம்.....