தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**Dr.சுந்தரராஜ் தயாளன்** · 03/09/2011

naka wrote:அள்ளித் தின்பதற்கு அறுசுவை ஆடில்லை
கொள்ளை தினம் கொள்ளு

அருமை...நாகா அவர்களே...நல்ல முன்னேற்றம் தெரிகிறது....மரபுப் பா பயிலரங்கம் சென்று வந்துள்ளீர்கள் என்று நிச்சயமாக நம்புகிறேன். எனக்கு அதிகமாக வேலை இருப்பதால் உங்களுக்கு மடல் இரண்டு தினங்களில் எழுதுகிறேன். உங்களின் ஆர்வத்துக்கு நான் தலை வணங்குகிறேன். மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : ௦௨௨(022)

நம்முடலும் உள்ளமும் நாளும் சிறந்திருக்க
தெம்பாய் உடற்பயிற்சி செய்
----- பி.ஜி. ராமன்

நம்/முட/லும் உள்/ளமும் நா/ளும் சிறந்/திருக்/க
தெம்/பாய் உடற்/பயிற்/சி செய்

நேர்/நிரை/நேர் – நேர்/நிரை – நேர்/நேர் – நிரை/நிரை/நேர்
நேர்/நேர் – நிரை/நிரை/நேர் – நேர்

கூவிளங்காய் – கூவிளம் – தேமா – கருவிளங்காய்
தேமா – கருவிளங்காய் – நாள்

எதுகை : நம்முடலும்; தெம்பாய்

மோனை : நம்முடலும் – நாளும்; தெம்பாய் – செய்

ஈற்றுச்சீர் : செய் – நேர் = காசு, பிறப்பு, நாள், மலர்
பயிற்சி இல்லாமல் எதுவும் இல்லை. "செந்தமிழும் நா பழக்கம்" என்பதை நாம் அனைவரும் அறிவோமே. அந்த வகையில் தம்பி இராமன் எழுதிய இந்தக்குறள் உடல் பயிற்சிக்கு மட்டும் அல்ல, உள்ளப்பயிற்சிக்கு மட்டும் அல்ல, முறையாக வெண்பா எழுதும் பயிற்சிக்கும் பொருந்தும் என்றால் அது மிகையாகாது. தம்பி இராமனுக்கு என் வாழ்த்துக்கள். மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : ௦௨௩ (023)

மறமுடைநல் செந்தமிழ்ப்பெண் மாசினம் கொண்டே
முறத்தால் புலியடித்தாள் அன்று

மற/முடை/நல் செந்/தமிழ்ப்/பெண் மா/சினம் கொண்/டே
முறத்/தால் புலி/யடித்/தாள் அன்/று

நிரை/நிரை/நேர் – நேர்/நிரை/நேர் – நேர்/நிரை – நேர்/நேர்
நிரை/நேர் – நிரை/நிரை/நேர் – நேர்/நேர்(நேர்பு)

கருவிளங்காய் – கூவிளங்காய் – கூவிளம் – தேமா
புளிமா – கருவிளங்காய் – காசு

எதுகை : மறமுடைநல்; முறத்தால்

மோனை : மறமுடைநல் – மாசினம்

ஈற்றுச்சீர் : அன்று – நேர்பு = காசு, பிறப்பு, நாள், மலர்

மேல் உள்ள குறளில் வெறும் இரண்டு எழுத்துக்களை மட்டும் மாற்றினால் குறள் கீழ்க்கண்டவாறு மாறிவிடுகிறது பாருங்கள்!!

மறமுடைநல் செந்தமிழ்ப்பெண் மாசினம் கொண்டே
முறத்தால் எலியடித்தாள் இன்று!!

முறத்தால் எலி அடிப்பது இருக்கட்டும், முறம் என்றால் என்ன என்றே தெரியாத, பார்த்திராத ஒரு தலைமுறை இன்று நம் நாட்டில் உருவாகி வருகிறது என்பதுதான் மிகவும் வேதனை தரும் விடயம்.

புலியை அடிப்பதென்ன, சிங்கத்தையே அடித்து உதைத்துத் துரத்தியவர்கள் நம் தமிழ் பெண்கள் அல்லவா என்று நீங்கள் நினைப்பது புரிகிறது. உண்மைதான். அது வீர வன்னியில்....நம் தாய்த் தமிழ்நாட்டில் அல்ல.

மகிழ்ச்சி

விநாயகாசெந்தில் · 09/05/2012

**பிஜிராமன்** · **பிஜிராமன்** Fri 22 Jun 2012 - 21:06

Dr.சுந்தரராஜ் தயாளன் wrote:குறள் வெண்பா : ௦௨௩ (023)

மறமுடைநல் செந்தமிழ்ப்பெண் மாசினம் கொண்டே
முறத்தால் புலியடித்தாள் அன்று

மற/முடை/நல் செந்/தமிழ்ப்/பெண் மா/சினம் கொண்/டே
முறத்/தால் புலி/யடித்/தாள் அன்/று

நிரை/நிரை/நேர் – நேர்/நிரை/நேர் – நேர்/நிரை – நேர்/நேர்
நிரை/நேர் – நிரை/நிரை/நேர் – நேர்/நேர்(நேர்பு)

கருவிளங்காய் – கூவிளங்காய் – கூவிளம் – தேமா
புளிமா – கருவிளங்காய் – காசு

எதுகை : மறமுடைநல்; முறத்தால்

மோனை : மறமுடைநல் – மாசினம்

ஈற்றுச்சீர் : அன்று – நேர்பு = காசு, பிறப்பு, நாள், மலர்

மேல் உள்ள குறளில் வெறும் இரண்டு எழுத்துக்களை மட்டும் மாற்றினால் குறள் கீழ்க்கண்டவாறு மாறிவிடுகிறது பாருங்கள்!!

மறமுடைநல் செந்தமிழ்ப்பெண் மாசினம் கொண்டே
முறத்தால் எலியடித்தாள் இன்று!!

முறத்தால் எலி அடிப்பது இருக்கட்டும், முறம் என்றால் என்ன என்றே தெரியாத, பார்த்திராத ஒரு தலைமுறை இன்று நம் நாட்டில் உருவாகி வருகிறது என்பதுதான் மிகவும் வேதனை தரும் விடயம்.

புலியை அடிப்பதென்ன, சிங்கத்தையே அடித்து உதைத்துத் துரத்தியவர்கள் நம் தமிழ் பெண்கள் அல்லவா என்று நீங்கள் நினைப்பது புரிகிறது. உண்மைதான். அது வீர வன்னியில்....நம் தாய்த் தமிழ்நாட்டில் அல்ல.

உண்மையை நல்ல உவமையுடன் கூறியது
பெண்ணிலையை காட்டுது நன்கு

அருமை ஐயா.......இன்று பெண்கள் இப்படி தான் இருக்கிறார்கள் என்பது மறுக்க முடியாத உண்மை தான். ஐயா, அதே சமயத்தில் பண்பை கலாச்சாரத்தை நிலை நிறுத்தும் பெண்களும் உள்ளார்கள் தான் ஐயா........நன்றிகள் ஐயா மகிழ்ச்சி

பண்பை அழகாக பக்குவமாய் கையாளும்
பெண்டிரும் பாரில் உளர்

நன்றிகள் ஐயா மகிழ்ச்சி

**Dr.சுந்தரராஜ் தயாளன்** · 03/09/2011

senthilkumar.jsk wrote:

வருகைக்கு மிகவும் நன்றி...செந்தில்குமார் மகிழ்ச்சி

**Dr.சுந்தரராஜ் தயாளன்** · 03/09/2011

பிஜிராமன் wrote:

உண்மையை நல்ல உவமையுடன் கூறியது
பெண்ணிலையை காட்டுது நன்கு

அருமை ஐயா.......இன்று பெண்கள் இப்படி தான் இருக்கிறார்கள் என்பது மறுக்க முடியாத உண்மை தான். ஐயா, அதே சமயத்தில் பண்பை கலாச்சாரத்தை நிலை நிறுத்தும் பெண்களும் உள்ளார்கள் தான் ஐயா........நன்றிகள் ஐயா

பண்பை அழகாக பக்குவமாய் கையாளும்
பெண்டிரும் பாரில் உளர்

நன்றிகள் ஐயா

மிகவும் நன்றி தம்பி இராமன்... மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : ௦௨௪(024)

என்றும் நிகரில்லை இப்புவியில் பாரதிக்கு
நன்றாய் நவின்றிடுவோம் நாம்

என்/றும் - நிக/ரில்/லை - இப்/புவி/யில் - பா/ரதிக்/கு
நன்/றாய் - நவின்/றிடு/வோம் - நாம்

நேர்/நேர் – நிரை/நேர்/நேர் – நேர்/நிரை/நேர் – நேர்/நிரை/நேர்
நேர்/நேர் - நிரை/நிரை/நேர் – நேர்

தேமா – புளிமாங்காய் – கூவிளங்காய் – கூவிளங்காய்
தேமா – கருவிளங்காய் – நாள்

எதுகை : என்றும்; நன்றாய்

மோனை : என்றும் – இப்புவியில்; நன்றாய் நவின்றிடுவோம் நாம்

ஈற்றுச்சீர் : நாம் - நேர் -> காசு, பிறப்பு, நாள், மலர்
மகிழ்ச்சி

**பிஜிராமன்** · **பிஜிராமன்** Sat 23 Jun 2012 - 17:54

Dr.சுந்தரராஜ் தயாளன் wrote:குறள் வெண்பா : ௦௨௪(024)

என்றும் நிகரில்லை இப்புவியில் பாரதிக்கு
நன்றாய் நவின்றிடுவோம் நாம்

என்/றும் - நிக/ரில்/லை - இப்/புவி/யில் - பா/ரதிக்/கு
நன்/றாய் - நவின்/றிடு/வோம் - நாம்

நேர்/நேர் – நிரை/நேர்/நேர் – நேர்/நிரை/நேர் – நேர்/நிரை/நேர்
நேர்/நேர் - நிரை/நிரை/நேர் – நேர்

தேமா – புளிமாங்காய் – கூவிளங்காய் – கூவிளங்காய்
தேமா – கருவிளங்காய் – நாள்

எதுகை : என்றும்; நன்றாய்

மோனை : என்றும் – இப்புவியில்; நன்றாய் நவின்றிடுவோம் நாம்

ஈற்றுச்சீர் : நாம் - நேர் -> காசு, பிறப்பு, நாள், மலர்

பாரதியின் பாட்டிற்கு பாரதமே நல்லடிமை
வீரகவி வித்தகர் காண்

அருமை ஐயா.......மகாகவிக்கு நல்லொதொரு குறட்பா.............நன்றிகள் ஐயா... மகிழ்ச்சி

இரா.பகவதி · இரா.பகவதி Sat 23 Jun 2012 - 19:04

அய்யா நீங்கள் , பி ஜி , அப்புறம் நாகா அண்ணா முவரும் தினமும் கலக்குறிங்க , அனைத்தும் அருமை தொடருங்கள் அய்யா நானும் கூடிய விரைவில் உங்கள் வெண்பா பள்ளியில் கலந்து கொள்கிறேன் , சூப்பருங்க

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக