தினம் ஒரு குறள் யாப்போம் வாருங்கள் !!

**Dr.சுந்தரராஜ் தயாளன்** · 03/09/2011

First topic message reminder :

தினம் ஒரு குறள் யாப்போம் வாருங்கள்
உறவுகளுக்கு என் அன்பு வணக்கங்கள். இந்தத் திரியில் ஒவ்வொருநாளும் ஒரு குறள் வெண்பா பதியப்படும். அது குறித்து உங்களின் கருத்துக்களை இங்கு தெரிவிக்கலாம். அவ்வாறே, குறள் எழுதத் தெரிந்தவர்கள் தங்களின் குறள்களை இத்திரியில் பதிவுசெய்ய அன்புடன் அழைக்கிறேன். வாருங்கள் வந்து நல்ல வெண்பாவைத் தாருங்கள்.

இதோ எனது முதல் குறள்

இன்றுமுதல் இத்திரியை யாத்திடுவேன் இப்படியாய்
நன்றியுடன் ஈகரையில் நான்
:வணக்கம்:

**Dr.சுந்தரராஜ் தயாளன்** · 03/09/2011

குறள் வெண்பா : ௦௧௭(017)

நித்தியைப் பாருங்கள் நிச்சயமாய் சைவத்தின்
சத்தியத்தை சாற்றுவனோ சொல்

நித்/தியைப் பா/ருங்/கள் நிச்/சய/மாய் சை/வத்/தின்
சத்/தியத்/தை சாற்/றுவ/னோ சொல்

நேர்/நிரை – நேர்/நேர்/நேர் – நேர்/நிரை/நேர் - நேர்/நேர்/நேர்
நேர்/நிரை/நேர் – நேர்/நிரை/நேர் – நேர்

கூவிளம் – தேமாங்காய் – கூவிளங்காய் – தேமாங்காய்
கூவிளங்காய் – கூவிளங்காய் – நாள்

எதுகை : நித்தியைப், சத்தியத்தை

மோனை : நித்தியைப் – நிச்சயமாய்
சத்தியத்தை – சாற்றுவனோ

ஈற்றுச்சீர் : சொல் – நேர் – நாள்

மகிழ்ச்சி

அப்துல் · அப்துல் Sat Jun 16, 2012 6:51 am

இரா.பகவதி · இரா.பகவதி Sat Jun 16, 2012 8:03 am

ஐயா நித்யானந்த சைவத்தின் பெருமையை எப்படி பாழ்படுத்துகிறான் என்று வெண்பா வடிவில் கூறிவிட்டீர்கள் , அருமையான குறள் , பகிர்விற்கு நன்றி அய்யா சூப்பருங்க

**Dr.சுந்தரராஜ் தயாளன்** · 03/09/2011

அப்துல் wrote:

மிகவும் நன்றி அப்துல் அவர்களே மகிழ்ச்சி

**Dr.சுந்தரராஜ் தயாளன்** · 03/09/2011

இரா.பகவதி wrote:ஐயா நித்யானந்த சைவத்தின் பெருமையை எப்படி பாழ்படுத்துகிறான் என்று வெண்பா வடிவில் கூறிவிட்டீர்கள் , அருமையான குறள் , பகிர்விற்கு நன்றி அய்யா

மிக மிக நன்றி பகவதி, நித்திதானே தினமும் சுடச்சுட செய்திகள் தந்து கொண்டிருக்கிறார் தற்சமயம் மகிழ்ச்சி

**Dr.சுந்தரராஜ் தயாளன்** · 03/09/2011

குறள் வெண்பா : ௦௧௮ (018)

சாகின்றார் நம்தமிழர் சாராயத் தால்டாஸ்மாக்
போகின்றார் காலை புலர்ந்து

சா/கின்/றார் நம்/தமி/ழர் சா/ரா/யத் தால்/டாஸ்/மாக்
போ/கின்/றார் கா/லை புலர்ந்/து

நேர்/நேர்/நேர் – நேர்/நிரை/நேர் - நேர்/நேர்/நேர் - நேர்/நேர்/நேர்
நேர்/நேர்/நேர் - நேர்/நேர் – நிரை/நேர்(நிரைபு)

தேமாங்காய் – கூவிளங்காய் – தேமாங்காய் – தேமாங்காய்
தேமாங்காய் – தேமா – பிறப்பு

எதுகை : சாகின்றார்; போகின்றார்

மோனை : சாகின்றார் – சாராயத் – தால்டாஸ்மாக்
போகின்றார் – புலர்ந்து

ஈற்றுச்சீர் : புலர்ந்து – நிரைபு – பிறப்பு
மகிழ்ச்சி

கபாலி · கபாலி Sun Jun 17, 2012 7:10 pm

மிக அருமையான திரி. தொடருங்கள்.

**rameshnaga** · **rameshnaga** Sun Jun 17, 2012 8:08 pm

தந்தை தாய் தருமம் பேணார் வாழ்க்கை
சிந்தை இருந்தும் கெடும்.

அன்புள்ள...டாக்டர் சாருக்கு...
எனக்கு வெண்பாவெல்லாம் தெரியாது. எனக்கு இந்தத் திரியில் பங்களிக்க வேண்டும் என்ற விருப்பம் மிகுந்ததால்...எனக்குத் தெரிந்ததை எழுதி இருக்கிறேன். தவறுகளைத் தயை கூர்ந்து
மன்னிக்கவும்.

**பிஜிராமன்** · **பிஜிராமன்** Sun Jun 17, 2012 9:01 pm

சாகின்றார் நம்தமிழர் சாராயத் தால்டாஸ்மாக்
போகின்றார் காலை புலர்ந்து

சாராயம் தாந்தரும் சந்தோசம் தன்னோடு
தோராய தொல்லையையும் தான்

அருமையான குறள் ஐயா, 24 மணிநேரம் திறந்தாலும், கூட்டம் குறையா ஒரே இடம் அது தான்........நன்றிகள் ஐயா மகிழ்ச்சி

அளவாய் அருந்த அருமருந்து அஃதின்
அளவை அழித்தால் வருந்து

**rameshnaga** · **rameshnaga** Sun Jun 17, 2012 9:21 pm

ரமேஷ் நாகா-வின் குறள்கள்.

1 . தந்தை தாய் தருமம் பேணார் வாழ்க்கை
சிந்தை இருந்தும் கெடும்.

2 . வாக்கினை விற்கும் தேர்தல் நாட்டும்
நலனொன் றும் நாடா அரசை.

3 . சுதந்திரம் எனும் சொல்லில் ஒளிந்தது
தந்திரம் எனக் காண்.

4 . பிறழ்நெறிக் கற்பும் சூதும் கணக்கிலாப்
புதுமையால் வந்த பாவம்.

Sponsored content · Sponsored content

தினம் ஒரு குறள் யாப்போம் வாருங்கள் !!

தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

Re: தினம் ஒரு குறள் யாப்போம் வாருங்கள் !!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக