கிராமங்களுக்கு "இன்ஷியல்' & போலியான ஆராய்ச்சிகள்

மகா பிரபு · மகா பிரபு Tue Apr 24, 2012 6:45 am

கிராமங்களுக்கு "இன்ஷியல்'

தமிழகத்தின் பல்வேறு கிராமங்கள் ஒரே பெயரில் உள்ளன. இதனால் ஏற்படும் பெயர் குழப்பங்களை நீக்க, அருகில் உள்ள தாய் கிராமம் அல்லது நகரம் அல்லது கிராமம் உள்ள மாவட்டத்தை பெயரோடு சேர்த்துக் கொள்வது வழக்கமாகும். மதுரைக்கு அருகில் உள்ள "வல்லாளபட்டி' அழகர்கோவில் அருகில் இருப்பதால், "அழகர்கோவில் வல்லாளபட்டி' என்று அழைக்கப்பட்டு பின், "அ.வல்லாளபட்டி' ஆனது. இந்த பெயர்க் குழப்பம் கிராமங்களுக்கு மட்டுமின்றி, நகரங்களுக்கும் உள்ளது. ஐதராபாத் என்ற பெயரில் ஒரு நகரம் இந்தியாவில் மட்டுமின்றி, பாகிஸ்தானிலும் உள்ளது. மான்செஸ்டர் என்னும் நகரம் இங்கிலாந்தில் மட்டுமல்லாமல், அமெரிக்காவிலும் உள்ளது. தமிழகத்தின் மதுரைக்கும், உ.பி.,யின் மதுராவுக்கும் ஆங்கில எழுத்துக்கள் ஒன்று போல இருப்பதால், தபால்கள் இடம் மாறிச் சென்றன. பிரதமர் நேருவே இதில் நேரடியாக தலையிட்டு நகர்ப் பெயர்களை ஆங்கிலத்தில் வித்தியாசமாக எழுத வேண்டும் என்று கூறி தீர்வினை ஏற்படுத்தினார்.

dinamalar

மகா பிரபு · மகா பிரபு Tue Apr 24, 2012 6:46 am

போலியான ஆராய்ச்சிகள்

சர்வதேச நிறுவனங்களிடம் இருந்து லஞ்சம் பெற்றுக் கொண்டு, அவர்களுக்கு சாதகமாக விஞ்ஞானிகள் ஆராய்ச்சி முடிவுகளைத் தரும் சூழ்நிலை ஐரோப்பாவில் உள்ளது. இந்த ஆராய்ச்சி முடிவுகளை, பத்திரிகைகளும் பிரபலமாக்குகின்றன. இந்த ஆராய்ச்சி முடிவுகள் உலகின் பல்வேறு மொழிகளில், மொழிப் பரிமாற்றம் செய்யப்பட்டு பத்திரிகைகளில் தரப்படுவதால், தவறான கருத்துகள் விரைவில் பரவி விடுகின்றன. அமெரிக்காவில் கன்னெடிகட் பல்கலைக் கழகத்தில் ஆராய்ச்சி செய்த பேராசிரியர் ஒருவர், மது தயாரிக்கும் தொழிற்சாலைகளிடம் லஞ்சம் பெற்றுக் கொண்டு சிவப்பு மது, இருதயத்திற்கு நல்லது என்னும் ஆராய்ச்சி முடிவை வெளியிட்டு, பிரபலமானார். அந்த ஆராய்ச்சி கட்டுரையில் நூற்றுக்கும் மேலான இடங்களில் அவர் தகவல் களைத் திரித்து கூறுவது தெரிய வந்துள்ளன. தனி நபர் ஆராய்ச்சிகளை விட, கூட்டு ஆராய்ச்சிகளே தற்போது நம்பகத்தன்மையுடன் உள்ளன