கொங்கு ஆதிச்சநல்லூர்

**பிரசன்னா** · **பிரசன்னா** Sat Apr 21, 2012 2:33 pm

கொடுமணல் - கொங்கு மண்டலத்தின் ஆதிச்சநல்லூர், கிரேக்கம், பாரசீகம்,ரோம், தேசத்து வணிகர்கள் வந்து வியாபாரம் செய்து விட்டுபோன வர்த்த பகுதி. கி.மு.இரண்டாம் நூற்றாண்டிலேயே இங்கு உலோக தொழிற்சாலை இருந்ததற்கான சான்றுகள் கிடைத்துள்ளன. நொய்யலாற்றங்கரையின் ஓரத்துபாளையம் அணைக்கு இடது புறத்தில் இருக்கிற கொடுமணலின் பரம்பு மேடு தமிழர் நாகரிகத்தின் புதையல் பகுதி. இங்கு காணப்படுகிற நூற்றக்கணக்கான நடுகற்கள் கிறிஸ்துவுக்கு முந்தைய காலத்தை சேர்ந்தவை என்பது தொல்லியல் துறையினரின் ஆராய்ச்சிக்கு பின்பு தெரிந்த உண்மை.

எப்பவாச்சும் வரும் பதியம்: எப்பவாச்சும் வரும் இதழ். என்ற அறிவிப்போடு அப்பப்போ வந்து விடுகிற முக்கியமான சிற்றிதழ் பதியம். இதழின் ஆசிரியர் பாரதிவாசனின் பூர்விகம் திருப்பூர். புகைப்படத்தின் மூலம் எழுத்து துறைக்கும், திரைத்துறைக்கும் தம் பங்களிப்பை செய்து கொண்டிருக்கிறார் குறும்படம். ஆவணப்படங்களின் பயிற்சி பட்டறைகள் நடத்து பதியம் பாரதிவாசன் குறித்து பதிய வேண்டிய செய்தி.

பொங்கலூர் புகையிலை: புகையிலையின் காரத்துக்கும், அரசியலின் காரத்துக்கும் பெயர் போனது பொங்கலூர் புகையிலை விரிச்சா போச்சு என்று அதன் காரத்தன்மையை பற்றி சொல்வோர் உண்டு. ஆனால், பொங்கலூர் புகையிலை விரிச்சாலும் அதன் கார மவுசு குறையாதாம். இந்த ஊரைச்சார்ந்தவர் தான் தி.மு.க. முன்னாள் அமைச்சர் பொங்கலூர் பழனிச்சாமி.

காதர்பேட்டை பர்சேஸ்: திருப்பூருக்கு பனியனை அறிமுகப்படுத்திய டைலர் காதர்பாய். அவரது பெயர் இருக்கும் பகுதி தான் காதர்பேட்டை. சென்னை ரங்கநாதன்தெரு போல திருப்பூருக்கு காதர்பேட்டை. காதர்பேட்டையின் தொடக்கத்தில் இருக்கிறது திருப்பூர்குமரன் மணிமண்டபம்.

பெரியார் + அண்ணா = முதல்சந்திப்பு: பெரியாரும், அண்ணாவும் முதன்முதலில் சந்தித்து கொண்டது திருப்பூரில் நட்ந்த தி.க. பொதுக்கூட்டத்தில். அதை நினைவுறுத்தும் விதமாக திருப்பூர் ரயில் ஜங்ஷனுக்கு எதிரில் ஒரே மேடையில் அண்ணாவும், பெரியாருக்கும், சிலைகள் எடுக்கப்பட்டிருக்கின்றன.

ஒரு பைசாவுக்கு மூன்று உயிர்கள்: இப்போதில்லை. 1970 ல் ஒரு பைசா மின் கட்டண உயர்வை எதிர்த்து கோவை ஜில்லா விவசாயிகள் சங்கம் நடத்திய போராட்டத்தில் போலீஸின் துப்பாக்கி சூட்டில் மாண்ட (ராமசாமி கவுண்டர், மாரப்ப கவுண்டர், ஆயிக்கவுண்டர் மூவர் நினைவாக பெருமாநல்லூரில் நினைவுத்தூண் எழுப்பப்பட்டிருக்கிறது.

குட்டப்பாளையம் அரவிந்த அன்னை: புதுச்சேரி அரவிந்த அன்னை ஆசிரமத்தில் கிளை ஒன்று குட்டப்பாளையத்தில் இருக்கிறது. தமிழகத்தில் அமைந்த முதல் கிறை இது. இதன் சேர்மன் சிவசேனாபதிதான். சேனாபதி காங்கேயம் கால்நடை ஆராய்ச்சி மையத்தின் தலைவரும் கூட

கல்கி செய்தி

கொங்கு ஆதிச்சநல்லூர்

கொங்கு ஆதிச்சநல்லூர்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக