‘பினாகா’ சோதனை வெற்றி

**krishnaamma** · **krishnaamma** Fri 30 Mar 2012 - 18:15

பாலசூர் : ‘பினாகா’ ராக்கெட் லாஞ்சர் பரிசோதனை ஒடிசாவில் நேற்று வெற்றிகரமாக நடந்தது. உள்நாட்டு தொழில்நுட்பத்தில் தயாரிக்கப்படும் ஆயுதங்களை ராணுவ ஆராய்ச்சி மற்றும் மேம்பாட்டு நிறுவனம் ஒடிசாவில் உள்ள சந்திப்பூர் மையத்தில் சோதனை செய்து வருகிறது. இந்நிலையில், ‘பினாகா’ என்ற பெயரில் உருவாக்கப்பட்ட பல அடுக்கு ராக்கெட் லாஞ்சர் கருவி, சந்திப்பூரில் நேற்று வெற்றிகரமாக சோதனை செய்யப்பட்டது. அதில், குறிப்பிட்ட நேரத்தில் ராக்கெட் குண்டுகள் இலக்கை தாக்கின.

‘பினாகா’ மல்டி பேரல் ராக்கெட் லாஞ்சர், 44 விநாடிகளில் 12 ராக்கெட்களை ஏவும் திறன் படைத்தது. 40 கிமீ தூரம் வரை சென்று தாக்கும். இதேபோல், 6 ராக்கெட் லாஞ்சர்களை ஒரு இடத்தில் நிறுத்தி வைத்து தாக்குதல் நடத்தினால் 3.9 சதுர கிமீ பரப்பளவில் உள்ள கட்டிடங்கள், பதுங்கு குழிகளை அழிக்கலாம். ராணுவத்தில் தற்போதுள்ள பீரங்கிகளுக்கு இணையாக இந்த ராக்கெட் லாஞ்சரை பயன்படுத்தும் நோக்கத்தில் ‘பினாகா’ உருவாக்கப்பட்டுள்ளது.

**ந.கார்த்தி** · **ந.கார்த்தி** Fri 30 Mar 2012 - 18:16

பகிர்வுக்கு நன்றி அம்மா

பாலாஜி · பாலாஜி Fri 30 Mar 2012 - 18:19

பகிர்வுக்கு மிக்க நன்றி மகிழ்ச்சி

யினியவன் · யினியவன் Fri 30 Mar 2012 - 18:48

நா அந்த பழைய டூத் பேஸ்ட் பினாகா பிராண்ட் திரும்பவும் லாஞ்ச் ஆவுதொன்னு நெனச்சேன்.

இது பினாகா ராக்கெட் லான்ச்சரா? இதுக்காவது எரி பொருள் ஸ்டாக் வெச்சுக்கோங்கப்பா.

இரா.பகவதி · இரா.பகவதி Fri 30 Mar 2012 - 20:06

நா அந்த பழைய டூத் பேஸ்ட் பினாகா பிராண்ட் திரும்பவும் லாஞ்ச் ஆவுதொன்னு நெனச்சேன்.

இது பினாகா ராக்கெட் லான்ச்சரா? இதுக்காவது எரி பொருள் ஸ்டாக் வெச்சுக்கோங்கப்பா.

எரிபொருள் ஸ்டாக் இருக்கும் பட் இது தான் தரமா இருக்குமானு தெரியாது , சொந்த தயாரிப்பு என்பதனால் கொஞ்சம் பயமாக தான் உள்ளது , சொந்த காசுல சூனியம் வைத்த நிலமை வந்துரக்கூடாது நமக்கு கண்ணடி