கோவாவில் பெட்ரோல் விலை அதிரடி குறைப்பு: லிட்டருக்கு ரூ.11 குறைகிறது

First topic message reminder :

கோவாவில் பெட்ரோல் மீதான வாட் வரியை கணிசமாக அரசு குறைத்துள்ளதையடுத்து, அங்கு பெட்ரோல் விலை விலை லிட்டருக்கு 11 ரூபாய் குறைகிறது.

கடந்த ஆண்டு பெட்ரோல் விலை நிர்ணயத்தை எண்ணெய் நிறுவனங்கள் வசம் மத்திய அரசு ஒப்படைத்தது. இதையடுத்து, சர்வதேச சந்தையில் கச்சா எண்ணெய் விலையை பொறுத்து பெட்ரோல் விலையை எண்ணெய் நிறுவனங்கள் நிர்ணயித்து வருகின்றன.

அடிக்கடி பெட்ரோல் விலை உயர்த்தப்பட்டதால் மக்கள் பெரும் பாதிப்புக்கு ஆளாகியுள்ளனர். மேலும், சர்வதேச சந்தையில் கச்சா எண்ணெய் விலை அதிகரித்துள்ளதால் ஏப்ரல் முதல் வாரத்தில் பெட்ரோல் விலையை ரூ.8 வரை உயர்த்த எண்ணெய் நிறுவனங்கள் திட்டமிட்டுள்ளதாக செய்திகள் தெரிவிக்கின்றன.

இந்த நிலையில், கோவா அரசு மக்களுக்கு இனிப்பான செய்தியை அறிவித்துள்ளது. கோவா சட்டசபையில் 2012-13ம் ஆண்டுக்கான பட்ஜெட்டை அம்மாநில முதல்வர் மனோகர் பரிக்கல் தாக்கல் செய்தார்.

இதில், பெட்ரோல் மீது மாநில அரசு விதிக்கும் வாட் வரி கணிசமாக குறைக்கப்படுவதாக அறிவித்தார்.. இதனால், ஒரு லிட்டருக்கு பெட்ரோல் விலை 11 ரூபாய் வரை குறையும். இனி கோவாவில் பெட்ரோல் விலை 55 ரூபாய்க்கு விற்பனை செய்யப்படும் என்று தகவல்கள் தெரிவிக்கின்றன.

தவிர, விமான எரிபொருளுக்கான விலையையும் கோவா அரசு குறைத்துள்ளது. பெட்ரோல் மீது மத்திய அரசும், மாநில அரசும் அவரவர் பங்குக்கு கணிசமாக வரி விதிக்கப்படுவதால்தான் பிற நாடுகளை காட்டிலும் நம் நாட்டில் பெட்ரோல் விலை அதிகமாக இருக்கிறது.

இந்த நிலையில், கோவா அரசு பெட்ரோல் விலையை குறைத்துள்ளதை பின்பற்றி பிற மாநிலங்களும் பெட்ரோல் விலையை குறைக்குமா என்ற எதிர்பார்ப்பு எழுந்துள்ளது.

நன்றி தட்ஸ்தமிழ்

இரா.பகவதி wrote:தமில் நாட்டில எந்த குறையும் இல்லைனு ஜே அம்மா சொன்னது இப்போவாவது புரியுதா

பாஜக ஆளும் கோவாவையடுத்து கர்நாடகத்தில் பெட்ரோல் விலை லிட்டருக்கு ரூ.15.5 குறைகிறது
கோவாவைத் தொடர்ந்து கர்நாடக மாநிலத்திலும் பெட்ரோல் விலை குறைக்கப்படுகிறது. இந்த 2 மாநிலங்களிலுமே பாஜக ஆட்சி நடக்கிறது என்பது குறிப்பிடத்தக்கது.

கோவாவில் புதிதாக பதவியேற்றிருக்கும் பாஜக அரசு கடந்த திங்கட்கிழமை மாநில பட்ஜெட்டை தாக்கல் செய்தது. அப்போது பெட்ரோல் விலையை லிட்டருக்கு ரூ.11 குறைப்பதாக அறிவிப்பு வெளியிடப்பட்டது. இதையடுத்து அங்கு 65 ரூபாய்க்கு விற்கும் 1 லிட்டர் பெட்ரோலின் விலை ரூ.54 ஆக குறைக்கப்படுகிறது.

இதைத் தொடர்ந்து பாஜக ஆளும் கர்நாடக மாநிலத்திலும் பெட்ரோ்ல் விலை லிட்டருக்கு ரூ.15.5 குறைக்கப்படும் என்று கூறப்படுகிறது. பெட்ரோல் மீதான வாட் வரியை திரும்பப் பெற அம்மாநில அரசு முடிவு செய்துள்ளது. இதையடுத்து தற்போது ரூ.73.51க்கு விற்கும் ஒரு லிட்டர் பெட்ரோலின் விலை ரூ. 58 ஆக குறையும்.

கோவா அரசை பின்பற்றினால் பெரும் நகரங்களில் பெட்ரோல் விலையை ரூ. 15 வரை குறைக்கலாம் என்று மத்திய நிதியமைச்சர் பிரணாப் முகர்ஜி தெரிவித்திருந்தார் என்பது குறிப்பிடத்தக்கது.
http://tamil.oneindia.in

கொள்ளை அடிக்கும் பெட்ரோல் நிறுவனகளை அரசு கொஞ்சம் குறைக்க சொல்லலாமே , அவர்களிடம் பெரிய அமெளண்ட் வங்கி பாக்கெடில் போட்டு கொண்டால் இப்படி தான் அவர்கள் ஆட்டத்திற்கு ஆட வேண்டும்