கிழவியுடனும் கிளியுடனும் -4

First topic message reminder :







வலைப் பின்னும் சிலந்திபோல
மனசின் இழை
கொண்டுப் பின்னும்
வலையே காதல்

தானாய் அறுந்தும்
அறுக்கப்பட்டும்
ஒற்றை இழையில் தொங்கும் சிலந்தி
ஓடிப் பிழைத்தலும் உண்டு
உயிர் நசுக்கப்படுவதும் உண்டு

விளைவறியாமல் வலைப்பின்னும் சிலந்தி
அவ்விடம்-சூழல் அறியாது
ஆனாலும்
வலைப்பின்னலை விட்டொழியாது
காதலர்கள் போல

தங்கக் கிளியின் வாசனை
பேருந்தெங்கும் பெருக்கெடுத்தது

உயிரின் ஈரம் காயாமல்
அந்த வாசத்தை
உள்ளுக்குள் வாங்கி
செல்களுக்குள் செலுத்தினேன்

கிழவியின் பார்வை
என்மேல் கிடுக்கிப்பிடிப் போட்டது

'என்ன?' என்று
வினவல்மொழியைப்
புருவங்களில் மொழிபெயர்த்தேன்

இதயம் கூட அவளுக்கு
இறுமாப்பாய்த்தான் துடிக்கும்போல
அதை
உதட்டுக்கு உயர்த்தி
இதழ்களில் இறக்கிவிட்டாள்
இறுமாப்புப் புன்னகையாய் அந்தக் கிழவி

புரிந்துகொண்டேன் நான்
அவளின் புதுமொழியை

'தங்கக்கிளியின்
தமிழ்ப் பேச்சைக் கேளடா'
என் மனசின் கட்டளை
உடலை உசுப்பியது

பயணச்சீட்டுக் கேட்டு
நடத்துனரிடம் பேசுவாள்
அப்போது கேட்கலாம்
அந்தப் பைந்தமிழிசையை நாமும்

மெல்ல மெல்ல ஊர்ந்து
மெதுவாய் நகர்ந்து
கிளியின் தங்கச் சிறகுகளைத்
தழுவிவிடும் தொலைவில்
நடாத கல்லாய் நின்றேன்
நங்கூரம் பாய்ச்சி

காசை நீட்டினாள் கள்ளி
கடவுச் சீட்டு மட்டும்
கை மாறியது
அவளின் காசு சொல்லியதுபோலும்
அவளின் சேரிடத்தை

மொத்த சக்தியையும்
முழுதாய்த் திரட்டி
மனசின் மையத்தில்
ஆணியடித்தலை அறிவித்தது
அந்த நிகழ்வு

முதுகில் மூன்று டன்
கொக்கியை யார் போட்டது?

கேள்வியுடன்
கிளை முறிந்த மரம்போல்
திரும்பினேன்

மொத்தப் பற்களையும்
மூடவே கூடாதென
முரட்டு உத்தரவினைத்
தன் உதடுகளுக்கிட்டிருந்தது
அந்த மூத்தத் தாய்மையின் முகவரி

சின்ன ஏமாற்றம்தானே?
ஆயினும்
கிழவியின் கிறுக்குச் சிரிப்பில்
என் எல்லாச் சிறகுகளும்
வெட்டப்பட்ட வலி





------------------தொடரும் கிழவியுடனும் கிளியுடனும் இந்தப் பயணம்------------------

ரா.ரா3275 wrote:அதென்ன ஐகான்,பியஸ்டா,ஸ்விப்ட்,அல்டோன்னு கார் பேர்ல பாஷை இருக்கா?...

அதிபொண்ணு wrote:

ரா.ரா3275 wrote:அதென்ன ஐகான்,பியஸ்டா,ஸ்விப்ட்,அல்டோன்னு கார் பேர்ல பாஷை இருக்கா?...

புரியல?...ஏன் கூடாது?...

நம்ம மிஷன், விஷன் எல்லாம் மறந்து போச்சா?

மொட்ட போடறது நம்ம தொழில் இல்ல - முடியோட இருந்தாலும், மொட்டத் தலையா இருந்தாலும், தலைய எடுக்கறதுதான் நம்ம மிஷன், விஷன் - புரிஞ்சதா

குருவே பப்ளிக் பப்ளிக்

காசை நீட்டினாள் கள்ளி
கடவுச் சீட்டு மட்டும்
கை மாறியது
அவளின் காசு சொல்லியதுபோலும்
அவளின் சேரிடத்தை

சே..........பாவம் நீங்க

கவிதை அருமை ...

தொடர்கதையில் உள்ள விறுவிறுப்பு இருக்கு உங்க தொடர் கவிதையில்.....
இந்தக்கிழவி வேற உங்களை ரொம்ப வெறுபேத்துறாங்க போலயே ....

தூக்கிறலாமா .கிழவிய ..........

ஜாஹீதாபானு wrote:

காசை நீட்டினாள் கள்ளி
கடவுச் சீட்டு மட்டும்
கை மாறியது
அவளின் காசு சொல்லியதுபோலும்
அவளின் சேரிடத்தை

சே..........பாவம் நீங்க

கவிதை அருமை ...

தொடர்கதையில் உள்ள விறுவிறுப்பு இருக்கு உங்க தொடர் கவிதையில்.....
இந்தக்கிழவி வேற உங்களை ரொம்ப வெறுபேத்துறாங்க போலயே ....

தூக்கிறலாமா .கிழவிய ..........

இப்போல்லாம் கிழவிகள்தான் நிறைய இளைஞர்களின் கிழக்குத் திசை...
எனவே தூக்குவது அவ்வளவு எளிதன்று...

உங்கள் பின்னூட்டம் அருமை...
ஆமா...யார் சொன்னது இதில் வருவது நானென்று?...

பாராட்டுக்கும் வாழ்த்துக்கும் நன்றிகள் ஜாகீதாபானு அவர்களே...

இரா.பகவதி wrote:

நம்ம மிஷன், விஷன் எல்லாம் மறந்து போச்சா?

மொட்ட போடறது நம்ம தொழில் இல்ல - முடியோட இருந்தாலும், மொட்டத் தலையா இருந்தாலும், தலைய எடுக்கறதுதான் நம்ம மிஷன், விஷன் - புரிஞ்சதா

குருவே பப்ளிக் பப்ளிக்

பப்ளிக் எக்ஸாம்ல அவரே பெயிலு...அவர்கிட்ட பப்ளிக் பப்ளிக்னு சொன்னா இன்னும் டென்ஷன் ஆயிடுவாரு பகவதி...