கிழவியுடனும் கிளியுடனும் -4

First topic message reminder :







வலைப் பின்னும் சிலந்திபோல
மனசின் இழை
கொண்டுப் பின்னும்
வலையே காதல்

தானாய் அறுந்தும்
அறுக்கப்பட்டும்
ஒற்றை இழையில் தொங்கும் சிலந்தி
ஓடிப் பிழைத்தலும் உண்டு
உயிர் நசுக்கப்படுவதும் உண்டு

விளைவறியாமல் வலைப்பின்னும் சிலந்தி
அவ்விடம்-சூழல் அறியாது
ஆனாலும்
வலைப்பின்னலை விட்டொழியாது
காதலர்கள் போல

தங்கக் கிளியின் வாசனை
பேருந்தெங்கும் பெருக்கெடுத்தது

உயிரின் ஈரம் காயாமல்
அந்த வாசத்தை
உள்ளுக்குள் வாங்கி
செல்களுக்குள் செலுத்தினேன்

கிழவியின் பார்வை
என்மேல் கிடுக்கிப்பிடிப் போட்டது

'என்ன?' என்று
வினவல்மொழியைப்
புருவங்களில் மொழிபெயர்த்தேன்

இதயம் கூட அவளுக்கு
இறுமாப்பாய்த்தான் துடிக்கும்போல
அதை
உதட்டுக்கு உயர்த்தி
இதழ்களில் இறக்கிவிட்டாள்
இறுமாப்புப் புன்னகையாய் அந்தக் கிழவி

புரிந்துகொண்டேன் நான்
அவளின் புதுமொழியை

'தங்கக்கிளியின்
தமிழ்ப் பேச்சைக் கேளடா'
என் மனசின் கட்டளை
உடலை உசுப்பியது

பயணச்சீட்டுக் கேட்டு
நடத்துனரிடம் பேசுவாள்
அப்போது கேட்கலாம்
அந்தப் பைந்தமிழிசையை நாமும்

மெல்ல மெல்ல ஊர்ந்து
மெதுவாய் நகர்ந்து
கிளியின் தங்கச் சிறகுகளைத்
தழுவிவிடும் தொலைவில்
நடாத கல்லாய் நின்றேன்
நங்கூரம் பாய்ச்சி

காசை நீட்டினாள் கள்ளி
கடவுச் சீட்டு மட்டும்
கை மாறியது
அவளின் காசு சொல்லியதுபோலும்
அவளின் சேரிடத்தை

மொத்த சக்தியையும்
முழுதாய்த் திரட்டி
மனசின் மையத்தில்
ஆணியடித்தலை அறிவித்தது
அந்த நிகழ்வு

முதுகில் மூன்று டன்
கொக்கியை யார் போட்டது?

கேள்வியுடன்
கிளை முறிந்த மரம்போல்
திரும்பினேன்

மொத்தப் பற்களையும்
மூடவே கூடாதென
முரட்டு உத்தரவினைத்
தன் உதடுகளுக்கிட்டிருந்தது
அந்த மூத்தத் தாய்மையின் முகவரி

சின்ன ஏமாற்றம்தானே?
ஆயினும்
கிழவியின் கிறுக்குச் சிரிப்பில்
என் எல்லாச் சிறகுகளும்
வெட்டப்பட்ட வலி





------------------தொடரும் கிழவியுடனும் கிளியுடனும் இந்தப் பயணம்------------------

ரா.ரா3275 wrote:

இரா.பகவதி wrote:குருவே முதல்ல மொட்டைய போடுங்க இல்லாட்டி இப்படி தான் யோசிக்க தோணும் , குருவே உல்ட்டா புல்ட்டா சூப்பர்

நம்ம மிஷன், விஷன் எல்லாம் மறந்து போச்சா?

மொட்ட போடறது நம்ம தொழில் இல்ல - முடியோட இருந்தாலும், மொட்டத் தலையா இருந்தாலும், தலைய எடுக்கறதுதான் நம்ம மிஷன், விஷன் - புரிஞ்சதா?

நன்றி பகவதி...காதல் வருவதற்கு முன்பும் வந்தப் பின்பும் சோகம் மிக முக்கியப் பங்கு வகித்தே தீரும்...உங்களுக்குத் தெரியாததா?...

ராஜசேகர் அண்ணா ,காதலா அய்யோ

கொலவெறி wrote:

ரா.ரா3275 wrote:

இரா.பகவதி wrote:குருவே முதல்ல மொட்டைய போடுங்க இல்லாட்டி இப்படி தான் யோசிக்க தோணும் , குருவே உல்ட்டா புல்ட்டா சூப்பர்

நம்ம மிஷன், விஷன் எல்லாம் மறந்து போச்சா?

மொட்ட போடறது நம்ம தொழில் இல்ல - முடியோட இருந்தாலும், மொட்டத் தலையா இருந்தாலும், தலைய எடுக்கறதுதான் நம்ம மிஷன், விஷன் - புரிஞ்சதா?

மொத்த ஈகரையும் உங்களுக்கு ஆப்பும் காப்பும் ரெடி பண்ணுது தெரியுமா நண்பரே?...
(அதுல நானும் ஒருத்தன்...தப்பிக்க வேற வழியில்ல)

இரா.பகவதி wrote:

நன்றி பகவதி...காதல் வருவதற்கு முன்பும் வந்தப் பின்பும் சோகம் மிக முக்கியப் பங்கு வகித்தே தீரும்...உங்களுக்குத் தெரியாததா?...

ராஜசேகர் அண்ணா ,காதலா அய்யோ

அய்யோ..அம்மோ...என நீங்கள் எப்படி அலறினாலும் அது வர வேண்டிய
நேரத்துல சரியா வரும்...தும்மலும் நம்ம சூப்பர் ஸ்டாரும் மாதிரி...

கிழவியின் கிறுக்குச் சிரிப்பில்
என் எல்லாச் சிறகுகளும்
வெட்டப்பட்ட வலி

சிலந்தியின் எடுத்துக்காட்டு மிக அருமை. இந்த வரிகள் இக்கவிதைக்கு உயிர்ப்பு. கிளிமொழியைக் கேட்க ஆவலுடன்.. கிழட்டு சிரிப்பைப் பார்க்கவும்....நாங்களும் தொடர்கிறோம்... ஒரு விரல் வழி இரு வரமும் கிடைக்கும் என்று..

இதயம் கூட அவளுக்கு
இறுமாப்பாய்த்தான் துடிக்கும்போல
அதை
உதட்டுக்கு உயர்த்தி
இதழ்களில் இறக்கிவிட்டாள்
இறுமாப்புப் புன்னகையாய் அந்தக் கிழவி

எனக்கு எப்படி இந்த கவிதையை நான் ரசித்தேன் என்று சொல்ல கூட வார்த்தை வரவில்லை.எண்ணங்களையும் தாண்டி எழுத்தாகிறது உணர்வுகள்......சூப்பர்

Aathira wrote:கிழவியின் கிறுக்குச் சிரிப்பில்
என் எல்லாச் சிறகுகளும்
வெட்டப்பட்ட வலி

சிலந்தியின் எடுத்துக்காட்டு மிக அருமை. இந்த வரிகள் இக்கவிதைக்கு உயிர்ப்பு. கிளிமொழியைக் கேட்க ஆவலுடன்.. கிழட்டு சிரிப்பைப் பார்க்கவும்....நாங்களும் தொடர்கிறோம்... ஒரு விரல் வழி இரு வரமும் கிடைக்கும் என்று..

வலிக்குப் பின் விழிகளில் நீர் நிறைந்தாலும் வழி கிடைக்காமலாப் போய்விடும்?...

நன்றி ஆதிரா அவர்களே...

அதிபொண்ணு wrote:இதயம் கூட அவளுக்கு
இறுமாப்பாய்த்தான் துடிக்கும்போல
அதை
உதட்டுக்கு உயர்த்தி
இதழ்களில் இறக்கிவிட்டாள்
இறுமாப்புப் புன்னகையாய் அந்தக் கிழவி

எனக்கு எப்படி இந்த கவிதையை நான் ரசித்தேன் என்று சொல்ல கூட வார்த்தை வரவில்லை.எண்ணங்களையும் தாண்டி எழுத்தாகிறது உணர்வுகள்......சூப்பர்

நன்றிகள் அதிபொண்ணு...
(ஏதோ உள்குத்து இருப்பதுபோலத் தெரிகிறது...உங்களுக்கே லைட்டு)

ரா.ரா3275 wrote:நன்றிகள் அதிபொண்ணு...
(ஏதோ உள்குத்து இருப்பதுபோலத் தெரிகிறது...உங்களுக்கே லைட்டு)

இனிமேல் உங்களுக்கு ஐகான் பாஷை தான் சரிப்படும்.நான் பேசப்போவதே இல்லை.

அதிபொண்ணு wrote:

ரா.ரா3275 wrote:நன்றிகள் அதிபொண்ணு...
(ஏதோ உள்குத்து இருப்பதுபோலத் தெரிகிறது...உங்களுக்கே லைட்டு)

இனிமேல் உங்களுக்கு ஐகான் பாஷை தான் சரிப்படும்.நான் பேசப்போவதே இல்லை.

அதென்ன ஐகான்,பியஸ்டா,ஸ்விப்ட்,அல்டோன்னு கார் பேர்ல பாஷை இருக்கா?...