கிழவியுடனும் கிளியுடனும் -4

**ரா.ரா3275** · **ரா.ரா3275** Wed 21 Mar 2012 - 20:35

வலைப் பின்னும் சிலந்திபோல
மனசின் இழை
கொண்டுப் பின்னும்
வலையே காதல்

தானாய் அறுந்தும்
அறுக்கப்பட்டும்
ஒற்றை இழையில் தொங்கும் சிலந்தி
ஓடிப் பிழைத்தலும் உண்டு
உயிர் நசுக்கப்படுவதும் உண்டு

விளைவறியாமல் வலைப்பின்னும் சிலந்தி
அவ்விடம்-சூழல் அறியாது
ஆனாலும்
வலைப்பின்னலை விட்டொழியாது
காதலர்கள் போல

தங்கக் கிளியின் வாசனை
பேருந்தெங்கும் பெருக்கெடுத்தது

உயிரின் ஈரம் காயாமல்
அந்த வாசத்தை
உள்ளுக்குள் வாங்கி
செல்களுக்குள் செலுத்தினேன்

கிழவியின் பார்வை
என்மேல் கிடுக்கிப்பிடிப் போட்டது

'என்ன?' என்று
வினவல்மொழியைப்
புருவங்களில் மொழிபெயர்த்தேன்

இதயம் கூட அவளுக்கு
இறுமாப்பாய்த்தான் துடிக்கும்போல
அதை
உதட்டுக்கு உயர்த்தி
இதழ்களில் இறக்கிவிட்டாள்
இறுமாப்புப் புன்னகையாய் அந்தக் கிழவி

புரிந்துகொண்டேன் நான்
அவளின் புதுமொழியை

'தங்கக்கிளியின்
தமிழ்ப் பேச்சைக் கேளடா'
என் மனசின் கட்டளை
உடலை உசுப்பியது

பயணச்சீட்டுக் கேட்டு
நடத்துனரிடம் பேசுவாள்
அப்போது கேட்கலாம்
அந்தப் பைந்தமிழிசையை நாமும்

மெல்ல மெல்ல ஊர்ந்து
மெதுவாய் நகர்ந்து
கிளியின் தங்கச் சிறகுகளைத்
தழுவிவிடும் தொலைவில்
நடாத கல்லாய் நின்றேன்
நங்கூரம் பாய்ச்சி

காசை நீட்டினாள் கள்ளி
கடவுச் சீட்டு மட்டும்
கை மாறியது
அவளின் காசு சொல்லியதுபோலும்
அவளின் சேரிடத்தை

மொத்த சக்தியையும்
முழுதாய்த் திரட்டி
மனசின் மையத்தில்
ஆணியடித்தலை அறிவித்தது
அந்த நிகழ்வு

முதுகில் மூன்று டன்
கொக்கியை யார் போட்டது?

கேள்வியுடன்
கிளை முறிந்த மரம்போல்
திரும்பினேன்

மொத்தப் பற்களையும்
மூடவே கூடாதென
முரட்டு உத்தரவினைத்
தன் உதடுகளுக்கிட்டிருந்தது
அந்த மூத்தத் தாய்மையின் முகவரி

சின்ன ஏமாற்றம்தானே?
ஆயினும்
கிழவியின் கிறுக்குச் சிரிப்பில்
என் எல்லாச் சிறகுகளும்
வெட்டப்பட்ட வலி

கிழவியுடனும் கிளியுடனும் -4 Images?q=tbn:ANd9GcTpabPWzmZWOC3Nq-h1g3KcDUBEHtG8XmMBLTLg_Cr6VQWgdGXLXg

கிழவியுடனும் கிளியுடனும் -4 Images?q=tbn:ANd9GcTpabPWzmZWOC3Nq-h1g3KcDUBEHtG8XmMBLTLg_Cr6VQWgdGXLXg

------------------தொடரும் கிழவியுடனும் கிளியுடனும் இந்தப் பயணம்------------------

**அருண்** · **அருண்** Wed 21 Mar 2012 - 20:52

மூத்தத் தாய்மையின் முகவரி பயணத்தில் நாங்களும் பயணிக்கிறோம்.
நெகிழ்வான வரிகளில் பயணிக்கிறது சூப்பர் அண்ணா!
தொடருங்கள்..! அருமையிருக்கு

இந்த பதிவைத் துவங்கியவர் நன்றி கூறியுள்ளார் அருண்

**ரா.ரா3275** · **ரா.ரா3275** Wed 21 Mar 2012 - 20:56

அருண் wrote:மூத்தத் தாய்மையின் முகவரி பயணத்தில் நாங்களும் பயணிக்கிறோம்.
நெகிழ்வான வரிகளில் பயணிக்கிறது சூப்பர் அண்ணா!
தொடருங்கள்..!

நன்றி அருண்....

யினியவன் · யினியவன் Wed 21 Mar 2012 - 21:04

சூப்பர் காதல் இழையோடும் கவிதை ராரா. சூப்பருங்க

கொஞ்சம் உல்ட்டா புல்ட்டா பண்றேன் - கோச்சுக்காதீங்க.

தலைப் பின்னலில் பேன்போல
முடியின் இழை
கொண்டுப் பின்னும்
வலையே காதல்

தானாய் கொன்றும்
கொல்லப்படும்
ஒற்றை முடியில் தொங்கும் பேன்
ஓடிப் பிழைத்தலும் உண்டு
உயிர் நசுக்கப்படுவதும் உண்டு

விளைவறியாமல் வலைப்பின்னும் பேன்
அவ்விடம்-சூழல் அறியாது
ஆனாலும்
தலைப்பின்னலை விட்டொழியாது
காதலர்கள் போல

இதுக்கு மேல ட்ரை பண்ணி சொதப்பல - என் உசிருக்கு ஆபத்தாயிடும். புன்னகை

**ரா.ரா3275** · **ரா.ரா3275** Wed 21 Mar 2012 - 21:17

கொலவெறி wrote:சூப்பர் காதல் இழையோடும் கவிதை ராரா.

கொஞ்சம் உல்ட்டா புல்ட்டா பண்றேன் - கோச்சுக்காதீங்க.

தலைப் பின்னலில் பேன்போல
முடியின் இழை
கொண்டுப் பின்னும்
வலையே காதல்

தானாய் கொன்றும்
கொல்லப்படும்
ஒற்றை முடியில் தொங்கும் பேன்
ஓடிப் பிழைத்தலும் உண்டு
உயிர் நசுக்கப்படுவதும் உண்டு

விளைவறியாமல் வலைப்பின்னும் பேன்
அவ்விடம்-சூழல் அறியாது
ஆனாலும்
தலைப்பின்னலை விட்டொழியாது
காதலர்கள் போல

இதுக்கு மேல ட்ரை பண்ணி சொதப்பல - என் உசிருக்கு ஆபத்தாயிடும்.