தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

First topic message reminder :

சங்கரன்கோவில் இடைத்தேர்தலின்போது பதிவான வாக்குகளை எண்ணும் பணி தொடங்கியுள்ளது. பலத்த பாதுகாப்புக்கு மத்தியில் வாக்குகள் எண்ணப்பட்டு வருகின்றன. வெற்றி நிலவரம் 11 மணி அளவில் தெரிய வரும்.

சங்கரன்கோவில் இடைத்தேர்தல் கடந்த 18ம் தேதி நடந்தது. இதில் அதிமுக, திமுக, தேமுதிக, மதிமுக, பாஜக வேட்பாளர்கள் உள்பட 13 பேர் போட்டியிட்டனர். அதிகபட்சமாக 78 சதவீத வாக்குகள் பதிவாகின.

வாக்குப்பதிவுக்கு பயன்படுத்தப்பட்ட மின்னணு வாக்குப்பதிவு இயந்திரங்கள் வாக்கும் எண்ணும் மையமான புளியங்குடியில் உள்ள வீராசாமி செட்டியார் பொறியியல் கல்லூரியில் வைக்கப்பட்டன. அந்த கல்லூரிக்கு 3 அடுக்கு பாதுகாப்பு போடப்பட்டுள்ளது. ஆயுதம் ஏந்திய போலீசார் 24 மணி நேரமும் பாதுகாப்பு பணியில் ஈடுபடுத்தப்பட்டுள்ளனர்.

குடை, லைட்டர்களுக்குத் தடை

வேட்பாளர்கள், அவர்களது ஏஜெண்டுகள் மற்றும் அதிகாரிகள் ஆகியோர் வாக்கு எண்ணும் மையத்திற்குள் அனுமதிக்கப்படுவதற்கு முன்பு, அவர்களுக்கு வழங்கப்பட்டு உள்ள புகைப்பட அடையாள அட்டை சரிபார்க்கப்பட்டது. அத்துடன் அவர்களிடம் ஏதாவது ஆயுதம் இருக்கிறதா என்றும் போலீசார் சோதனையிட்டனர்.

தேர்தல் அதிகாரியால் வழங்கப்பட்ட புகைப்பட அடையாள அட்டை வைத்திருக்கும் ஏஜெண்டுகள் மட்டுமே வாக்கு எண்ணிக்கை மையத்திற்குள் அனுமதிக்கப்பட்டார்கள்.

வாக்கு எண்ணும் மையத்திற்குள், கூர்மையான பொருட்கள், பாட்டில், டின், டிபன் பாக்ஸ், குடை, தீப்பெட்டி, வயர், லைட்டர், திரவப் பொருட்கள், கெமிக்கல், உணவுப் பண்டங்கள் போன்ற எதையும் எடுத்துச் செல்ல தடை விதிக்கப்பட்டிருந்தது. அதேபோல வாக்கு எண்ணிக்கை ஏஜெண்டுகள், கண்காணிப்பாளர்கள், உதவியாளர்கள் ஆகியோர் செல்போன் எடுத்து வரவும் அனுமதிக்கப்படவில்லை.

தேர்தல் பார்வையாளர், தேர்தல் அதிகாரி, வேட்பாளர், அவரது ஏஜெண்டு ஆகியோர் பாதுகாப்பு வளையம் வரை செல்போன் எடுத்து வர அனுமதிக்கப்பட்டனர். வாக்கு எண்ணிக்கை மையத்திற்குள் தேர்தல் பார்வையாளர் மட்டுமே செல்போன் வைத்துக் கொள்ள அனுமதிக்கப்பட்டுள்ளது.

மொத்தம் 14 மேஜைகளில் வாக்கு எண்ணிக்கை நடைபெறுகிறது. வாக்கு எண்ணிக்கை முழுவதும் வீடியோவில் பதிவு செய்யப்படுகிறது.

முத்துச்செல்வியா, முத்துக்குமாரா?

அதிமுக சார்பி்ல முத்துச்செல்வி, திமுக சார்பில் ஜவகர் சூரியக்குமார், மதிமுக சார்பில் சதன் திருமலைக்குமார், தேமுதிக சார்பில் முத்துக்குமார் ஆகியோர் முக்கிய வேட்பாளர்களாக களத்தில் உள்ளனர்.

கடந்த தேர்தலில் இத்தொகுதியை அதிமுகவின் கருப்பசாமி வென்றார். அவரது மரணத்தைத் தொடர்ந்து இங்கு இடைத் தேர்தல் நடத்தப்பட்டது.

திராணி இருந்தால் சங்கரன்கோவிலில் வெல்லுங்கள் பார்ப்போம் என்று முதல்வர் ஜெயலலிதா, தேமுதிகவுக்கும், பிற கட்சிகளுக்கும் சவால் விட்டிருந்தார். அந்தப் பின்னணியில் தேர்தல் நடந்திருப்பதாலும், மின்வெட்டு, பஸ் கட்டண உயர்வு, பால் விலை உயர்வு ஆகியவற்றுக்கு மத்தியில் நடந்திருப்பதாலும், இந்த தேர்தலில் வெல்லப் போகும் கட்சி குறித்து மக்களிடையே பெரும் எதிர்பார்ப்பு உள்ளது.

தட்ஸ்தமிழ்

மூன்றாம் சுற்று விவரங்கள்.

அதிமுக 6577
திமுக 2205
மதிமுக 1676
தேமுதிக 977

நக்கீரன் திமுகவின் தோல்வியை எப்படி தனது சாமர்த்யத்தால் சமாளிக்கிறது எனப் பாருங்கள்!

2வது சுற்றுக்கும், 3வது சுற்றுக்கும் அதிமுக 4 வாக்குகள் வித்தியாசம், திமுக 338 வாக்குகள் வித்தியாசம்

கடந்த 18.03.2012 அன்று நடந்த சங்கரன்கோவில் சட்டமன்றத் தொகுதி இடைத்தேர்தல் வாக்கு எண்ணிக்கை இன்று நடைபெறுகிறது.

இதில் இரண்டாவது சுற்றில் அதிமுக வேட்பாளர் முத்துச்செல்வி, 6,573 வாக்குகள் பெற்றிருந்தார். 3வது சுற்றில் 4 வாக்குகள் கூடுதலாக பெற்று 6577 வாக்குகள் பெற்றுள்ளார்.

2ம் சுற்றில் திமுக வேட்பாளர் ஜவஹர் சூர்யகுமார் 1867 வாக்குகள் பெற்றிருந்தார். மூன்றாம் சுற்றில் 338 வாக்குகள் கூடுதலாக பெற்று 2205 வாக்குகள் பெற்றுள்ளார்.

சிவா wrote:நக்கீரன் திமுகவின் தோல்வியை எப்படி தனது சாமர்த்யத்தால் சமாளிக்கிறது எனப் பாருங்கள்!

உண்மையான தகவல்களை மக்களுக்கு தராமல் இவர்கள் இத்தனை நாள் ஏமாற்றியதற்கு இன்று வெகுசிலரே சன் மற்றும் கலைஞர் தொலைகாட்சியை காண்கிறார்கள். புதிய தலைமுறை என்ற ஒருசானல் வந்தபிறகு செய்தியென்றாலே இப்ப மக்கள் இதைத்தான் பார்க்கிறார்கள்.

அடுத்து சங்கரன் கோவில் மட்டுமின்றி அதன் சுற்றுவட்டாரத்தையும் வளைத்துப் போட்டுக் கொள்ளுங்கள்! பினாமிகள் உள்ளார்களா, இல்லையென்றால் நான் ரெடி!

அடுத்து சங்கரன் கோவில் மட்டுமின்றி அதன் சுற்றுவட்டாரத்தையும் வளைத்துப் போட்டுக் கொள்ளுங்கள்! பினாமிகள் உள்ளார்களா, இல்லையென்றால் நான் ரெடி!

அவங்க கிட்ட இல்லாத பினாமியா?

அசுரன் wrote:

அடுத்து சங்கரன் கோவில் மட்டுமின்றி அதன் சுற்றுவட்டாரத்தையும் வளைத்துப் போட்டுக் கொள்ளுங்கள்! பினாமிகள் உள்ளார்களா, இல்லையென்றால் நான் ரெடி!

அவங்க கிட்ட இல்லாத பினாமியா?

கொள்ளையடிக்க அடுத்த சுனாமி தனது பினாமிகளுடன் கோட்டைக்குப் பயணமாகிவிட்டார். பினாமிகள் அனைவரும் கோணிப்பைகளுடன் பின்னால் அணிவகுத்து நின்றது கண்கொள்ளாக் காட்சியாக இருந்தது.

4வது சுற்று!

அதிமுக 5662
திமுக 1853
மதிமுக 641
தேமுதிக 500

நம்ம நிலைமை இப்படியாகிப்போச்சே!.......



சங்கரன் கோவில் மக்களுக்கு குடிகாரனைப் பிடிக்காது என்று யாருமே சொல்லாததால் அவசரப்பட்டு தனியாகப் போட்டியிட்டு மாட்டிக் கொண்டேனே!

5வது சுற்று:



அதிமுக 5315

திமுக 1964

மதிமுக 602

தேமுதிக 509 (அட போங்கடா, இவனுக இப்பத்தான் 5-வது சுற்றுக்கு வந்திருக்கானுக, நாங்கள்ளாம் நைட்டே ஆரம்பிச்சு 30, 40 ரவுண்டு போய்கிட்டிருக்கு)

சிவா wrote:தேமுதிக 509 (அட போங்கடா, இவனுக இப்பத்தான் 5-வது சுற்றுக்கு வந்திருக்கானுக, நாங்கள்ளாம் நைட்டே ஆரம்பிச்சு 30, 40 ரவுண்டு போய்கிட்டிருக்கு)

விஜயகாந்த் கட்சிக்கு சூப்பர் பன்ச்