தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

மகா பிரபு · மகா பிரபு Wed Mar 21, 2012 8:21 am

சங்கரன்கோவில் இடைத்தேர்தலின்போது பதிவான வாக்குகளை எண்ணும் பணி தொடங்கியுள்ளது. பலத்த பாதுகாப்புக்கு மத்தியில் வாக்குகள் எண்ணப்பட்டு வருகின்றன. வெற்றி நிலவரம் 11 மணி அளவில் தெரிய வரும்.

சங்கரன்கோவில் இடைத்தேர்தல் கடந்த 18ம் தேதி நடந்தது. இதில் அதிமுக, திமுக, தேமுதிக, மதிமுக, பாஜக வேட்பாளர்கள் உள்பட 13 பேர் போட்டியிட்டனர். அதிகபட்சமாக 78 சதவீத வாக்குகள் பதிவாகின.

வாக்குப்பதிவுக்கு பயன்படுத்தப்பட்ட மின்னணு வாக்குப்பதிவு இயந்திரங்கள் வாக்கும் எண்ணும் மையமான புளியங்குடியில் உள்ள வீராசாமி செட்டியார் பொறியியல் கல்லூரியில் வைக்கப்பட்டன. அந்த கல்லூரிக்கு 3 அடுக்கு பாதுகாப்பு போடப்பட்டுள்ளது. ஆயுதம் ஏந்திய போலீசார் 24 மணி நேரமும் பாதுகாப்பு பணியில் ஈடுபடுத்தப்பட்டுள்ளனர்.

குடை, லைட்டர்களுக்குத் தடை

வேட்பாளர்கள், அவர்களது ஏஜெண்டுகள் மற்றும் அதிகாரிகள் ஆகியோர் வாக்கு எண்ணும் மையத்திற்குள் அனுமதிக்கப்படுவதற்கு முன்பு, அவர்களுக்கு வழங்கப்பட்டு உள்ள புகைப்பட அடையாள அட்டை சரிபார்க்கப்பட்டது. அத்துடன் அவர்களிடம் ஏதாவது ஆயுதம் இருக்கிறதா என்றும் போலீசார் சோதனையிட்டனர்.

தேர்தல் அதிகாரியால் வழங்கப்பட்ட புகைப்பட அடையாள அட்டை வைத்திருக்கும் ஏஜெண்டுகள் மட்டுமே வாக்கு எண்ணிக்கை மையத்திற்குள் அனுமதிக்கப்பட்டார்கள்.

வாக்கு எண்ணும் மையத்திற்குள், கூர்மையான பொருட்கள், பாட்டில், டின், டிபன் பாக்ஸ், குடை, தீப்பெட்டி, வயர், லைட்டர், திரவப் பொருட்கள், கெமிக்கல், உணவுப் பண்டங்கள் போன்ற எதையும் எடுத்துச் செல்ல தடை விதிக்கப்பட்டிருந்தது. அதேபோல வாக்கு எண்ணிக்கை ஏஜெண்டுகள், கண்காணிப்பாளர்கள், உதவியாளர்கள் ஆகியோர் செல்போன் எடுத்து வரவும் அனுமதிக்கப்படவில்லை.

தேர்தல் பார்வையாளர், தேர்தல் அதிகாரி, வேட்பாளர், அவரது ஏஜெண்டு ஆகியோர் பாதுகாப்பு வளையம் வரை செல்போன் எடுத்து வர அனுமதிக்கப்பட்டனர். வாக்கு எண்ணிக்கை மையத்திற்குள் தேர்தல் பார்வையாளர் மட்டுமே செல்போன் வைத்துக் கொள்ள அனுமதிக்கப்பட்டுள்ளது.

மொத்தம் 14 மேஜைகளில் வாக்கு எண்ணிக்கை நடைபெறுகிறது. வாக்கு எண்ணிக்கை முழுவதும் வீடியோவில் பதிவு செய்யப்படுகிறது.

முத்துச்செல்வியா, முத்துக்குமாரா?

அதிமுக சார்பி்ல முத்துச்செல்வி, திமுக சார்பில் ஜவகர் சூரியக்குமார், மதிமுக சார்பில் சதன் திருமலைக்குமார், தேமுதிக சார்பில் முத்துக்குமார் ஆகியோர் முக்கிய வேட்பாளர்களாக களத்தில் உள்ளனர்.

கடந்த தேர்தலில் இத்தொகுதியை அதிமுகவின் கருப்பசாமி வென்றார். அவரது மரணத்தைத் தொடர்ந்து இங்கு இடைத் தேர்தல் நடத்தப்பட்டது.

திராணி இருந்தால் சங்கரன்கோவிலில் வெல்லுங்கள் பார்ப்போம் என்று முதல்வர் ஜெயலலிதா, தேமுதிகவுக்கும், பிற கட்சிகளுக்கும் சவால் விட்டிருந்தார். அந்தப் பின்னணியில் தேர்தல் நடந்திருப்பதாலும், மின்வெட்டு, பஸ் கட்டண உயர்வு, பால் விலை உயர்வு ஆகியவற்றுக்கு மத்தியில் நடந்திருப்பதாலும், இந்த தேர்தலில் வெல்லப் போகும் கட்சி குறித்து மக்களிடையே பெரும் எதிர்பார்ப்பு உள்ளது.

தட்ஸ்தமிழ்

**Dr.சுந்தரராஜ் தயாளன்** · 03/09/2011

என்ன இருந்தாலும் அதிமுக தான் வெற்றிபெறப் போகிறது என்பது திண்ணம். அந்த மாமாதையில்தான் அம்மா பேசுகிறார். சோகம்

**சிவா** · **சிவா** Wed Mar 21, 2012 8:27 am

வைகோதானே வெற்றி பெறுவார்? சூப்பருங்க

மகா பிரபு · மகா பிரபு Wed Mar 21, 2012 8:31 am

ஆளும்கட்சி தான் ஜெயிக்கும். இதற்கு ஒரு தேர்தல் வேற? என்ன கொடுமை சார் இது

**Dr.சுந்தரராஜ் தயாளன்** · 03/09/2011

சிவா wrote:வைகோதானே வெற்றி பெறுவார்?

நினைப்பதற்கு மிகவும் நன்றாகத்தான் உள்ளது சிவா...நமது தமிழர்கள் அவ்வளவு அறிவாளிகள் என்று நீங்கள் நினைக்கிறீர்களா? ஒன்னும் புரியல

மகா பிரபு · மகா பிரபு Wed Mar 21, 2012 9:02 am

4319 வாக்குகளில் அதிமுக முன்னிலை.

**ரா.ரா3275** · **ரா.ரா3275** Wed Mar 21, 2012 9:09 am

சிவா wrote:வைகோதானே வெற்றி பெறுவார்?

இது நடக்கும்போதுதான் தமிழகம் எழுச்சிப் பெறும்...
ஆனால் எப்போது?...

**சிவா** · **சிவா** Wed Mar 21, 2012 9:09 am

Dr.சுந்தரராஜ் தயாளன் wrote:
சிவா wrote:வைகோதானே வெற்றி பெறுவார்?
நினைப்பதற்கு மிகவும் நன்றாகத்தான் உள்ளது சிவா...நமது தமிழர்கள் அவ்வளவு அறிவாளிகள் என்று நீங்கள் நினைக்கிறீர்களா?

எந்த இடத்திலும் தமிழனின் மேன்மையை பறைசாற்றவும், தமிழருக்காகக் குரல் கொடுங்கவும் தயங்காதவர் திரு வை.கோ அவர்கள். இவர் வெற்றி பெற்றால் மகிழ்ச்சியடையும் மக்களில் நானும் ஒருவனாக இணைவேன்.

ஆனால் இன்று தேர்தல் என்பது பணக்காரர்கள் மட்டுமே ஈடுபடும் வர்த்தகமாகிவிட்டது. அதில் நேர்மையானவர்களுக்கும், உண்மையானவர்களுக்கும் சிறிதும் மக்கள் இடமளிக்க விரும்புவதில்லை.

ஊராட்சித் தேர்தலில் நிற்பவர் இன்றைய நிலையில் மிகச் சாதரமாக 20 லட்சம் முதல் 30 லட்சங்கள் வரை செலவு செய்கிறார்.

**ரா.ரா3275** · **ரா.ரா3275** Wed Mar 21, 2012 9:12 am

சிவா wrote:
Dr.சுந்தரராஜ் தயாளன் wrote:
சிவா wrote:வைகோதானே வெற்றி பெறுவார்?
நினைப்பதற்கு மிகவும் நன்றாகத்தான் உள்ளது சிவா...நமது தமிழர்கள் அவ்வளவு அறிவாளிகள் என்று நீங்கள் நினைக்கிறீர்களா?

எந்த இடத்திலும் தமிழனின் மேன்மையை பறைசாற்றவும், தமிழருக்காகக் குரல் கொடுங்கவும் தயங்காதவர் திரு வை.கோ அவர்கள். இவர் வெற்றி பெற்றால் மகிழ்ச்சியடையும் மக்களில் நானும் ஒருவனாக இணைவேன்.

ஆனால் இன்று தேர்தல் என்பது பணக்காரர்கள் மட்டுமே ஈடுபடும் வர்த்தகமாகிவிட்டது. அதில் நேர்மையானவர்களுக்கும், உண்மையானவர்களுக்கும் சிறிதும் மக்கள் இடமளிக்க விரும்புவதில்லை.

ஊராட்சித் தேர்தலில் நிற்பவர் இன்றைய நிலையில் மிகச் சாதரமாக 20 லட்சம் முதல் 30 லட்சங்கள் வரை செலவு செய்கிறார்.

**ரா.ரா3275** · **ரா.ரா3275** Wed Mar 21, 2012 9:16 am

8115 வித்தியாசம்...அ.தி.மு.க முன்னிலை...இரண்டாவது சுற்று...

Sponsored content · Sponsored content

தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

Re: தொடங்கியது சங்கரன்கோவில் வாக்கு எண்ணிக்கை...வாகை சூடப் போவது யார்?

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக