கோப்புகளை சோதிக்க பதினாறுக்கும் மேற்பட்ட இலவச வைரஸ் ஸ்கேனர்கள்

**ராஜ்அருண்** · **ராஜ்அருண்** Sat Mar 17, 2012 11:05 am

நாம் அன்றாடம் பயன்படுத்தும் கணினியில் நிறைய கோப்புகளை (files)வைத்திருப்போம். அவற்றை அலுவலக தொடர்பாகவோ, அல்லது நண்பர்களுக்கோ ஒரு சிலவற்றை அனுப்ப வேண்டியது வரும். அதேபோலவே நம்முடைய நண்பர்களிடமிருந்து நாம் கோப்புகளைப் பெற வேண்டியதிருக்கும்.

கோப்பு பரிமாற்றங்களில்(file transfer) வைரஸ் என்பது சர்வசாதாரணமாக இருக்கக்கூடிய ஒன்றுதான். என்னதான் வைரஸ் ஸ்கேனர்களைக் கொண்டு நாம் சோதித்தாலும் கூட அந்த வைரஸ் ஸ்கேனர்களை ஏமாற்றிவிட்டு நம் கணினியில் வந்து பதம்பார்க்கும் வைரஸ்களும், மால்வேர்களும் உண்டு.

இத்தகைய கோப்பு பரிமாற்றங்களுக்கு முன்பு அந்த கோப்புகளை நன்றாக வைரஸ் ஸ்கேனர்கொண்டு சோதித்தறிந்துவிட்டு பயன்படுத்துவதே நல்லது.

சாதாரணமாக நமது வைரஸ் ஸ்கேனரில் அகப்படாத வைரஸ்களை நீக்குவதற்கென்றே ஒரு தளம் உள்ளது. இணையவெளியில் இத்தளம் சிறப்பாக செயல்பட்டு நமது கோப்புகளை சோதித்து தருகிறது.

இது Multiple Scan முறையில் இயங்கி 16 வகையான ஆன்ட்டி வைரஸ்கேனர்கள் என்ஜின்களைக் கொண்டு (AVG, Eset. F-Prot, Avira, McAfee, Quick Heal, Avast, Bit Defender, Bullgard, Calmwin, Emisoft, Kingsoft, Norman, Sophos, Norton, Virusbuster, Fortinet, F-Secure, GFI ) ஒரே சமயத்தில் நமது கோப்புகளை சோதித்து தருகிறது.

இப்பயன்மிக்க தளத்தின் பெயர் மெட்டா ஸ்கேன் (Meta-Scan Online.)

இத்தளத்தில் 40 MB வரைக்கும் உள்ள கோப்புகளை வைரஸ் சோதனை செய்துகொள்ளலாம்.
இத்தளத்திற்கு சென்று இதிலுள்ள browse என்பதை கிளிக் செய்து நாம் சோதிக்க விரும்பும் கோப்பை தேர்ந்தெடுங்கள்
தேர்ந்தப் பின்பு நம்முடைய கோப்பு தரவேற்றம்(Upload) ஆகும்.
பின்னர் அருகில் உள்ள Scan என்பதை கிளிக் செய்வதன் கோப்புகளில் வைரஸ் தாக்கம் இருக்கிறது என்பதை சோதித்தறிந்து கொள்ளலாம்.
தளம்