25 ஆண்டுகளுக்கு முன்பு சாதாரண கூலித் தொழிலாளிகளாக இருந்தவர்கள் கோடிகளை அள்ளியது எப்படி?

கூலி தொழிலாளிகளாக இருந்தவர்கள் கோடிகளுக்கு சொந்தக்காரர்கள் ஆனது பற்றி திடுக்கிடும் தகவல்கள் வெளியாகி உள்ளது.

25 ஆண்டுகளுக்கு முன்பு..

இப்போது கோடிகளை பதுக்கி வைத்து கோமான்களாக வாழும் நாகராஜனும், மூர்த்தியும் 25 ஆண்டுகளுக்கு முன்பு சாதாரண கூலித்தொழிலாளிகளாக இருந்துள்ளனர். 1984-ம் ஆண்டு பிரபல லாட்டரி ஏஜெண்டு நிறுவனம் ஒன்றில் லாட்டரி சீட்டுகளை பண்டல் போடுவதுதான் இவர்களது தொழில்.

அதன்பிறகு சொந்தமாக லாட்டரி ஏஜெண்டுகளாகி முதலில் லட்சங்களை சேர்த்தார்கள். அதன்பிறகு தமிழகத்தில் லாட்டரிக்கு தடைவிதிக்கப்பட்ட பிறகும், இவர்களது தொழில் மேலும் அபிவிருத்தியாகி, கோடிகளை அள்ளி கோமான்களாகி விட்டார்கள் என்று போலீசார் தெரிவித்தனர்.

லாட்டரி அதிபர் மார்ட்டினுக்கு இவர்கள் இருவரும் நெருக்கமான நண்பர்கள். அதிலும் மூர்த்தி, மார்ட்டினுக்கு வலதுகை போன்றவர் என்று சொல்லப்படுகிறது. மார்ட்டின் சென்னை வந்தால், விமானநிலையத்துக்கு காரில் சென்று, மூர்த்திதான் அவரை வரவேற்று அழைத்து வருவாராம். சென்னையில் இருக்கும்வரை அவரோடு, மூர்த்தி நிழல்போல் இருப்பார் என்று சொல்லப்படுகிறது.

மாட்டி விட்டது யார்?

நாகராஜன் வீட்டில் கோடிகள் பதுக்கி வைக்கப்பட்டுள்ள தகவலை, மார்ட்டினின் எதிரி ஒருவர்தான் போலீசுக்கு கசிய விட்டதாக சொல்லப்படுகிறது. கடந்த ஒரு ஆண்டுக்கு முன்பு மார்ட்டின் அவரை போலீசில் சிக்க வைத்ததாக கூறப்படுகிறது.

இப்போது அதற்கு பதிலடியாக மார்ட்டினை மாட்டிவிட்டதோடு நிற்காமல், அவரது கூட்டாளிகள் வீட்டில் பதுக்கி வைக்கப்பட்ட கோடிகளை பற்றியும், போலீசுக்கு கோள்மூட்டி விட்டதாக போலீஸ் வட்டாரத்தில் பெரும் பரபரப்பாக பேசப்படுகிறது.

சொகுசு பங்களா வீடுகள்

நாகராஜன், மூர்த்தி இருவரும் வாழும் வீடுகள் பளிங்கு மாளிகை போல உள்ளது. 2 கிரவுண்டு நிலத்தில் இந்த அரண்மனை பங்களா வீடுகள் கட்டப்பட்டுள்ளதாம். கிரானைட் கற்களும், பர்மா தேக்கு மரங்களும் இந்த வீடுகளுக்கு செலவழிக்கப்பட்ட கோடிகள் எவ்வளவு என்பதை பறை சாற்றி நிற்கிறது என்று சோதனை வேட்டை நடத்திய போலீசார் சொல்கிறார்கள்.

மூர்த்தி வீட்டில் 3 சொகுசு கார்களும், நாகராஜன் வீட்டில் 2 சொகுசு கார்களும் போர்டிகோவை அலங்கரித்து நிற்கின்றன என்றும் போலீசார் தெரிவித்தனர்.

தினதந்தி

இதெல்லாம் நம்முடய தலை எழுத்து. இல்லைன்னா இன்னைக்கு தெறிஞ்ச போலீசுக்கு அன்னைக்கு தெறியாதோமோ???????????????????

குறுக்கு வழியில் செல்பவர்களுக்கு கோடிகள் பெரிய விஷயமே இல்லை இப்பொழுது

தவறு செய்தால் நிச்சயம் ஒரு நாள் மாடிக்குவாணுங்க ஆனா தப்பிச்சுருவாங்க....பல கோடிகளில் சில கொடிகளை தள்ளி மேட்டர மறைச்சுறுவானுங்க, முழு சொத்துல பூசணிக்காயா!