4.5 கிலோ தங்கம் கொள்ளை

அடுத்தடுத்து கடைகளை உடைத்து
4.5 கிலோ தங்கம் கொள்ளை


இளையான்குடி: நகைக்கடையை உடைத்து 4.5 கிலோ தங்கம், 3.5 லட்சம் ரூபாய் பணம் மற்றும் ரூ 1 லட்சம் மதிப்புள்ள செல்போன்களை மர்ம நபர்கள் கொள்ளையடித்தனர். சிவகங்கை மாவட்டம் இளையான்குடி அருகே சாலைக்கிராமம் மெயின் ரோட்டில் ராஜ்குமார் என்பவருக்கு சொந்தமான நகைக்கடை உள்ளது. அதே கட்டிடத்தில் நகை அடகுக்கடை மற்றும் செல்போன் கடையையும் இவர் நடத்தி வருகிறார். நேற்றுமுன்தினம் இரவு கடையை பூட்டி விட்டு, வீட்டுக்கு சென்றார். நேற்று காலை 6 மணியளவில் அந்த வழியாக வந்தவர்கள் ராஜ்குமார் கடையின் கிரில் கதவு உடைக்கப்பட்டு கிடப்பதை பார்த்து, அவருக்கு தகவல் தெரிவித்தனர். உடனடியாக இதுகுறித்து அவர் போலீசாருக்கு தகவல் தெரிவித்தார். போலீசார் விரைந்து வந்து விசாரணை நடத்தினர். ராஜ்குமாரின் கடையில் நகைகள் வைக்கப்பட்டிருந்த ஷோகேஸ்கள் அனைத்தும் உடைந்து கிடந்தன. எஸ்.பி பன்னீர்செல்வம், ஏடிஎஸ்பி கண்ணன் சம்பவ இடத்தை பார்வையிட்டு விசாரணை நடத்தினர். அப்போது, 4.5 கிலோ தங்கம், ரூ3.5 லட்சம் ரூபாய் மற்றும் ஒரு லட்சம் மதிப்புள்ள செல்போன்கள் கொள்ளை போனது தெரியவந்தது. விசாரணையில், நள்ளிரவில் வந்த மர்ம நபர்கள், கடையின் கிரில் கேட்டை உடைத்து உள்ளே புகுந்துள்ள னர். முதலில் நகைக்கடை, அடகு கடையினுள் புகுந்த நபர்கள் ஷோகேஷில் இருந்த மோதிரம்,

மூக்குத்தி, தோடுகளை கொள்ளையடித்தனர். நகை கடையில் லாக்கர் தரையில் புதைக்கப்பட்டிருந்தது. அதனை கொள்ளையர்கள் தோண்டி பெயர்த்தெடுத்தனர். அதனுள் நகைகள், ரூ3.5 லட்சம் பணம் இருந்தது. அந்த லாக்கரை அப்படியே தூக்கிச் சென்று விட்டனர். பின்னர் அருகிலிருந்த செல்போன் கடையை உடைத்து அங்கிருந்த ஸீ1 லட்சம் மதிப்புள்ள செல்போன்களை கொள்ளையடித்தனர். பின்னர், அருகே அஸ்ரப் என்பவருக்கு சொந்தமான நகைக்கடையின் பூட்டுகளை உடைக்க முயன்றுள்ளனர். அதில் ஒரு பூட்டு மட்டும் உடைந் தது. மற்றொரு பூட்டு உடைக்க முடியாததால், அப்படியே விட்டுச் சென்று விட்டனர். மேலும், அருகே உள்ள டாஸ்மாக் கடையின் பூட்டுகளை உடைத்த கொள்ளையர்கள் அங்கிருந்த பொருட் களை கொள்ளையடித்து தப்பிச் சென்றுள்ளனர் என்று தெரியவந்தது. இப்பகுதியில் கூர்க்கா நேற்று முன்தினம் இரவு பணிக்கு வரவில்லை. அவரை போலீசார் தேடிச்சென்ற போது வெளியூர் சென்றதாக தெரியவந்துள்ளது. இந்த கடை அருகில் இந்தியன் வங்கி மற்றும் ஏடிஎம்கள் உள்ளது. அங்கும் காவலாளிகள் நியமிக்கப்படவில்லை. அந்த ரோட்டில் சென்ற வாகனங்கள் இந்தியன் வங்கி ஏடிஎம் கேமராவில் பதிவாகியுள்ளன. அதனை கைப்பற்றி போலீசார் சோதனை நடத்தி வருகின்றனர். கூர்க்காவும் பணிக்கு வராததால் அவருக்கு தொடர்பு இருக்குமா என்ற கோணத்தில் விசாரித்து வருகின்றனர்.



thinakaran

ஏன் பது அண்ணா உங்கள் பங்கு வரவில்லையா

அடிக்கிறதையும் அடிச்சுபுட்டு
அப்பாவி மாதிரி சேதியும் போடறது தான் உங்க ஸ்டைலா?

அடிக்கிறதையும் அடிச்சுபுட்டு
அப்பாவி மாதிரி சேதியும் போடறது தான் உங்க ஸ்டைலா?

உங்க பங்கை கொர்ரெக்ட அனுபிட்டேன்ல அப்புறம் என்ன