சிவானந்தவேல் கவிதை தொகுப்பு

**சிவா** · **சிவா** Wed Feb 29, 2012 11:17 pm

First topic message reminder :

எழுக பாரதம்

விடுதலைக்கு வித்திட்டோராய்
விதியை மாற்றியவனாய்
விலங்குகளை விரட்டியவனாய்
விடிவெள்ளியாய் அன்று
விடிந்துவிட்டது இன்று. . .
தன்னிகரோடு பாரினிலே
தத்தலிப்போர் பார்வையிலே
தரிசு நிலத்திலே
தங்கமாய் விலையுதே
தமயரெல்லாம் ஏன் பிரிந்தோமென. . .
சாதனையை தொடக்கிவிட்டோம்
சாதிகள் தத்தலிக்கின்றன
சாரணனாய் வலம் வருகின்றோம்
சாலைகளாய் மாறுகின்றோம்
சாடுவோரெல்லாம் ஏன் என. . .
விண்ணுக்கு ஏவி விட்டோம்
விந்தையை பரப்புகின்றன
விசாலம் எங்களுக்குள்ளே
விவேகமும் நமக்குள்ளே
விடிந்துவிட்டது பாரதம் ஒளிர. . .
வேளாண்மை வேர்விட்டுவிட்டது
வேதம் ஒளியுடன் உலாகிறது
வேதனையெல்லாம் எங்கோ. . .
வேடுவர் நாடாளுகின்றனர்
வேள்வி நீ பாரதத்துக்குள்ளே. . .
எழுக எழுக பாரதமே. . .

**சிவா** · **சிவா** Wed Feb 29, 2012 11:23 pm

பொங்கல்

சூரியனின்
கடைக்கண் பட்டதும்
விட்டது துன்பம்
துரத்தியது இன்பம்
பொங்கியது பொங்கல்

**சிவா** · **சிவா** Wed Feb 29, 2012 11:23 pm

குழந்தை

பூரிப்புடன்
புது பொலிவுடன்
புன்னகிக்கிறாள்
புது மங்கை
பூத்தது ’தை’ அல்லவா
புகழாரம் சூட
புன்னகைக்கிறாள்
பதினொரு மாதமும்
பெற்றெடுத்த குழந்தை
பத்தாம் மாதம் தவழுகிறதே
பதபதப்புடன்
புன்னகை தேசத்துடன்
பொங்க வைத்து
பொலிவுடன் அழைக்கிறாள்
பழகு தமிழ்தாய். . .
பெத்தெடுத்த பிள்ளையை
பிரியமுடன் தாலாட்டுகின்றனரே என

**சிவா** · **சிவா** Wed Feb 29, 2012 11:23 pm

எதிர்பார்ப்பு?

எதிர்பார்த்து எதிர்பார்த்து
ரணமாகி விட்டோம்
எதிர்த்தவர்
ராவணனா?
எதிர்த்தவர்
ராமனல்லவா1
எதிரிகளை எதிர்பார்த்து
எதிரில் இருப்பவரே வந்தால். . .
எமனையே வென்றுவிட்டோம்
என பெருமூச்சு விட்டோம்
எம்மை காக்கும் திருமாலே
எமனாய் நின்றால். . .
எதிர்பார்ர்து எதிர்பார்த்து
ரணமாகி விட்டோம்
ஏளனம் செய்பவரெல்லாம்
ஏளனத்திற்கு உரியவரானால். . .
ஏமாத்திவிட்டோம் என்பவரெல்லாம்
ஏமாந்து விட்டனரே. . .
எத்தி பிளைப்பவரெல்லாம்
இந்திரலோகம் வந்துவிட்டனரே. . .
எதிர்பார்த்து எதிர்பார்த்து
ரணமாகிவிட்டோம்
ஏர் பிடிப்பவரெல்லாம்
ஊர்பார்த்து போய்விட்டனரே!
ஏழைக்கும் எப்பாவைக்கும்
எவ்வேலைக்கும் கிடைக்கு வாழையின் விலையோ?
எருமையாய் சுற்றியவன்
எருதுவாய் உழைக்கிறான்
எதிர்பார்த்து எதிர்பார்த்து
ரணமாகி விட்டோம்
ஏணி ஏறி ஏறி இழிச்சவனாய்
ஏன் ஏறினேன் என. . . . .
எச்சமயத்திலும் பூனை படையுடன்,
இச்சமயம் பூனை குறுக்கிட்டதோ?
எச்சமயத்தில் எவை நடக்குமோ
ஏறியவன் புலம்ப
எதிர்பார்த்து எதிர்பார்த்து
ரணமாகி விட்டோம்!

**சிவா** · **சிவா** Wed Feb 29, 2012 11:24 pm

தீவிரவாதி

தீவிரமாய் பற்று கொண்டவனுக்கு
வாதம் வந்துவிட்டது – இனி
தீவிரவாதத்துடன் உலவுவான்.

**சிவா** · **சிவா** Wed Feb 29, 2012 11:24 pm

மதம்?

மதங்களை போற்றுபவனே
மதங்களை போற்றுபவனே
மதங்களின் கோட்பாடு
மனித நேயத்தை காப்பாற்றதானே
மற்றவர்களென எண்ணாமல் – ஒரே
மனித இனம் என ஏன் எண்ணவில்லை?
மதங்களை போற்றுபவனே
வீடுகள் கேட்டனரே?
விளையாட்டு பொம்மையாய் . . .
விந்தை உலகத்தில்
வியாபாரம் என்னாலா?
மதங்களை போற்றுபவனே
அன்பே தெய்வம்
அறமே கடவுள்
அன்பே வா
அரமே துணை என மாற்றுகிறாயே!
மதங்களை போற்றுபவனே
செய்யும் தொழிலே தெய்வம்
செல்வதறியாமல் நான்
செல்வத்தை பெற
செந்தொழில்களை விட்டுவிட்டாயே!
மதங்களை போற்றுபவனே
கலைகள் பல கற்றாய்
களைகளாய் வளர்ந்தாய்
கடவுள் உண்டு என்றபடி
கடவுளே இல்லை என்கிறாயே!
மதங்களை போற்றுபவனே
மறதியில் – நீ
மன்னிப்பதற்கு – நான்
மன்னித்துக் கொள்
மறதியில் நான் நீயாகிறேன்!
மதங்களை போற்றுபவனே?
மதங்களை போற்றுபவனே?

**சிவா** · **சிவா** Wed Feb 29, 2012 11:25 pm

நீதி

உணர்வுக்கு இடம் கொடுத்தால்
உறவுகள் உறவு கொள்ளும்
உண்மைகள் ஊமையாகிவிடும

**சிவா** · **சிவா** Wed Feb 29, 2012 11:25 pm

புரட்சியொன்று தேவை

பூலோகம் சிறக்க
புதுமைகள் புகுத்த
புகழ் வந்து சேர
புரட்சியொன்று தேவை
உழைக்கும் கரங்கள்
உணர்வுகள் ஒளிர
உலகம் விழிக்க
புரட்சியொன்று தேவை
பட்டம் பெற்றோர்களும்
பட்டி தொட்டியென
படுகுழி நிரப்ப
புரட்சியொன்று தேவை
எதிலும் எளிமை
எளிமையுள் வளமை
எதிரியும் மாற
புரட்சியொன்று தேவை
எல்லைகள் இல்லா
எல்லோரும் இணைய
ஏழ்மை ஒழிய
புரட்சியொன்று தேவை
புத்தன் புகழ் பாடி
ஏசுவின் கருத்தை ஏற்று
இஸ்லாமியராய் இணைய
புரட்சியொன்று தேவை
‘மே’ற்கை ஏமாற்றி
கிழகில் உதிக்கும் சூரியனையும்
நமதாக்கி கொள்ள
புரட்சியொன்று தேவை
உழைக்கும் வர்க்கமே
உணர்வுகளும் உறவுகளும்
‘இனி’மேலாவது விழிக்க
புரட்சியொன்று தேவை
புரட்சியாளர்கள் தோன்றுவதில்லை
புன்னகையுடன் ஏமாற்றுபவர்களை
புகழ்பாடி விரட்ட
புரட்சியொன்று தேவை.

**சிவா** · **சிவா** Wed Feb 29, 2012 11:25 pm

களவு

தொழிலா இல்லை
தொலைந்துபோனவனே

**சிவா** · **சிவா** Wed Feb 29, 2012 11:26 pm

தாய்மை

புட்டி பாலை கொடுத்து
கெட்டி அழகை கலைக்காத
வெட்டியாய் சுற்றி
பெட்டிக்குள் அழகை
அட்டியாய் முகத்தில் ஒட்டுகிறாய்
ஒட்டிப்பிள்ளையாய் வளர்க்கிறாய்
கட்டி அணைக்க எலும்புதான் குழந்தைக்கு
செட்டிநாட்டு சிமெண்ட்டை ஒட்டு
வட்டி கொட்டியது மேனியழகுக்கு
சட்டி போட்ட குழந்தையழகோ தேவையில்லை
காட்டி கொடுத்தது தாய் என என்பரதிலா!

**சிவா** · **சிவா** Wed Feb 29, 2012 11:26 pm

அனாதை யார்?

ஆண்டவன் படைப்பில்
அனாதை யார்?
ஆத்திரம் கொண்டவன்
புத்தியில் அனாதை
அறிவு மங்கியவன்
அவன் செய்த காரியத்தில் அனாதை
நேர்மையற்றவனுக்கு அவன்
நிழலே அனாதை
கடமை தவறியவனின்
கருத்தே அனாதை
சொல்லை காக்காதவன்
சொல்லே அனாதை
கஞ்சனின்
கருப்பு மனமே அனாதை
காலத்தை உணராதவன்
காலமே அனாதை
பொன்னை விரும்புபவனுக்கு
புகழே அனாதை
பெண்ணை விரும்புபவனுக்கு
மண்ணே அனாதை
இயற்கையை விரும்பாதவனுக்கு
இளமையே அனாதை
சுத்தமாய் வாழ்ந்தவனுக்கு
சுகமே அனாதை
வஞ்சகமே கொண்டவனுக்கு
வளமையே அனாதை
அன்பு இல்லாதவனுக்கு
அன்பு அனாதை
பாசமில்லாதவனுக்கு
பார் உலகமே அனாதை
நேசம் இல்லாதவனுக்கு அவன்
வேசமே அனாதை
மனிதாபிமானமில்லாத மனிதனுக்கு
மனிதனே அனாதை!
ஆண்டவன் படைப்பில்
தந்தை தாய் இழந்தவன்தான்
இவ்வுலகில் அனாதையோ
நீயே சிந்தி யார்அனாதை?

Sponsored content · Sponsored content

சிவானந்தவேல் கவிதை தொகுப்பு

சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

Re: சிவானந்தவேல் கவிதை தொகுப்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக