பள்ளி ஆசிரியை உமா மகேஸ்வரி கொலை வழக்கு

மகா பிரபு · மகா பிரபு Thu Feb 09, 2012 1:17 pm

First topic message reminder :

சென்னையில் உள்ள தனியார் பள்ளியில், பள்ளிநேரத்திலேயே வகுப்பில், ஆசிரியை ஒருவரை, மாணவரே கத்தியால் குத்திக் கொன்ற சம்பவம் பெரும்பரபரப்பை ஏற்படுத்தியுள்ளது. சென்னை ஆர்மேனியன் தெருவில் இயங்கி வரும் தனியார் பள்ளியில் ஆசிரியையாக பணியாற்றி வருபவர் உமாமகேஸ்வரி. இவர் வகுப்பறையில் வகுப்பு நடத்திக் கொண்டிருக்கும் போது, மாணவன் முகமது இர்பான், உமாமகேஸ்வரியை கத்தியால் குத்தினார். இதில், சம்பவ இடத்திலேயே உமாமகேஸ்வரி பலியானார். வகுப்பறையில், மாணவர் ஒருவரால் ஆசிரியை குத்திக்கொன்ற சம்பவம் பெரும் அதிர்ச்சியை ஏற்படுத்தியுள்ளது.

தினமலர்

**ஜாஹீதாபானு** · 16/04/2011

RaRa3275 wrote:அந்தப் பள்ளி இருக்குமிடம் அனைத்து மதத்தினரும் வரும்-வணங்கும் புனிதஸ்தலம்...அங்கு இப்படி நடந்தது ஜீரணிக்க இயல முடியாத கொடூரம்...

ஆமாம் அது தேவாலயத்தோடு இணைந்த கிறிஸ்தவப்பள்ளி

yarlpavanan · yarlpavanan Sat Feb 11, 2012 2:31 pm

அசுரன் wrote:
yarlpavanan wrote:
அசுரன் wrote:
கோபி சதீஷ் wrote:அனைவரின் கருத்திலும் கோபம் மட்டுமே ( சில தவிர )
இந்த மாணவனின் செயலுக்கு காரணம் என்ன என்று ஒரு நிமிடம் யோசித்து பாருங்கள்..
இன்றய சூழ்நிலையில் விளையாட்டு என்பதே கிடையது.....
நீதிநெறி வகுப்புகள் இல்லை....

இன்றைய பள்ளிக்கூடங்கள் மாணவர்களை பிரஷர் குக்கர் போன்று உருவாக்குகிறார்கள்.
பழுது ஏற்பட்டால் வெடிக்கத்தான் செய்யும்.கருத்தில் தவறு இருந்தால் மன்னிக்கவும்...
அந்த பள்ளியில் நீதிபோதனை வகுப்புகளும் உண்டு... விளையாட்டும் உண்டு.... மற்றும் சாரணர் பயிற்சி, சாலை பாதுகாப்பு பணி என இதர பல அமைப்புகளும் உண்டு. எது எப்படியாகிலும் குற்றம் நடந்துவிட்ட பிறகு தண்டனை ஒன்றே தீர்வாக அமையும். குற்றம் நடக்காத சூழலை உருவாக்க கவுன்சிலிங் போன்ற முறைகளை பயன்படுத்தலாம்.

குற்றம் நடக்காத சூழலை உருவாக்க வாரம் ஒரு பாடவேளை பாடசாலைகளில் கவுன்சிலிங் வகுப்புகளை நடாத்த வேண்டுமே.

தனியாக ஒரு மாணவர்களை கவுன்சில் செய்யும் ஒரு கவுன்சிலரும் அந்த பள்ளியில் இருக்கிறார். என்ன செய்வது அனைத்தும் இருந்தும் இதுபோல நடந்துள்ளதே!

குறித்த கவுன்சிலர் மாணவர்களின் நடத்தைகளைக் கண்காணித்து முன்னெச்சரிக்கை நடவடிக்கைகளை எடுத்திருக்கலாம். ஆசிரியர்களும் இதே பணியைச் செய்திருக்கலாம். நடந்தது நடந்து முடிஞ்சிது. இனியாவது எல்லோரும் இம்முறையைப் பின்பிற்றலாமே!

**சிவா** · **சிவா** Thu May 08, 2014 10:30 am

பள்ளி ஆசிரியை உமா மகேஸ்வரி கொலை வழக்கு: மாணவனுக்கு 2 ஆண்டுகள் சிறை

சென்னையில் பள்ளி வகுப்பறையிலேயே ஆசிரியரை கத்தியால் குத்தி கொலை செய்த வழக்கில் மாணவனுக்கு 2 வருட சிறை தண்டனை விதித்து நீதிமன்றம் உத்தரவிட்டுள்ளது.

கடந்த 2012 ஆம் ஆண்டு சென்னை பாரிமுனையில் உள்ள தனியார் பள்ளியில் 9 ஆம் வகுப்பு படித்த மாணவர் ஒருவர் தனது ஆசிரியை உமா மகேஸ்வரியை கத்தியால் குத்தி கொலை செய்தான்.

ஆசிரியரை சக மாணவர்கள் முன்னால் கொலை செய்த அந்த மாணவனை காவல்துறையினர் கைது செய்தனர். தீவிர விசாரணைக்குப் பின்னர் மாணவன் சிறுவர் சீர்திருத்தப் பள்ளியில் அடைக்கப்பட்டான்.

காவல்துறை விசாரணையின் போது மாணவன் அளித்த வாக்குமூலத்தில், படிப்பில் கவனம் செலுத்துமாறு ஆசிரியை உமா மகேஸ்வரி அடிக்கடி தன்னிடம் கூறியதும், தனது படிப்பு தொடர்பாக பெற்றோரிடம் தெரிவிப்பேன் என கூறியதும் கோபத்தை ஏற்படுதியதாகவும், அதனாலேயே அவரை கொலை செய்ததாகவும் கூறினான்.

இந்த வழக்கில் காவல்துறை தரப்பில் குற்றப்பத்திரிகை தாக்கல் செய்ப்பட்டது. இந்நிலையில் இந்த வழக்கு சிறார் நீதிமன்றத்தில் இன்று விசாரணைக்கு வந்தது. வழக்கை விசாரித்த நீதிமன்றம், மாணவனை இரண்டு ஆண்டுகள் சிறுவர் இல்லத்தில் அடைக்குமாறு உத்தரவிட்டது.

Sponsored content · Sponsored content

பள்ளி ஆசிரியை உமா மகேஸ்வரி கொலை வழக்கு

பள்ளி ஆசிரியை உமா மகேஸ்வரி கொலை வழக்கு

Re: பள்ளி ஆசிரியை உமா மகேஸ்வரி கொலை வழக்கு

Re: பள்ளி ஆசிரியை உமா மகேஸ்வரி கொலை வழக்கு

Re: பள்ளி ஆசிரியை உமா மகேஸ்வரி கொலை வழக்கு

Re: பள்ளி ஆசிரியை உமா மகேஸ்வரி கொலை வழக்கு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக