முல்லைப்பெரியாறு - புதிய தீர்வு - அணையை உடைக்கத் தேவையில்லை! கேரளாவில் இருந்து ஒரு ஆதரவு குரல்!

**பிரசன்னா** · **பிரசன்னா** Mon Jan 30, 2012 1:49 pm

"முல்லைப் பெரியாறு அணைக்கட்டை உடைக்காமல் அதை 55 கோடி ரூபாய் செலவில் ஹைடெக் முறையில் பயன்படுத்தலாம். அதற்காக நானே ஐந்தரைக்கோடி ரூபாய் தருகிறேன்' என கேரளாவின் பிரபல தொழிலதிபர் கொச்சௌசேப் சிற்றிலபிள்ளி அறிவித்துள்ளது கேரளாவில் பரபரப்பை ஏற்படுத்தியுள்ளது.
முல்லைப்பெரியாறு - புதிய தீர்வு - அணையை உடைக்கத் தேவையில்லை! கேரளாவில் இருந்து ஒரு ஆதரவு குரல்! E_1327654565

முல்லைப்பெரியாறு - புதிய தீர்வு - அணையை உடைக்கத் தேவையில்லை! கேரளாவில் இருந்து ஒரு ஆதரவு குரல்! E_1327654565

அப்படி சிற்றிலபிள்ளி என்னதான் சொன்னார்?
"கேபிள் நெயில் ஆங்கரிங்க் தொழில் நுட்பத்தைப் பயன்படுத்தி முல்லைப் பெரியாறு அணையை நிலநடுக்கத்திலிருந்து பாதுகாக்க முடியும். மீறி தற்போதுள்ள அணை உடைந்தாலும் கூட நீர்ப்பிடிப்புப் பகுதியிலுள்ள தண்ணீர் அனைத்தையும் எதிர்கொள்வதற்குரிய சக்தி இந்த அணைக்குக் கிடைக்கும். 55 கோடி ரூபாய் செலவில் ஒன்பது மாதத்தில் பராமரிப்புப் பணிகள் மேற்கொண்டால் அணையை மேலும் நூறு வருடங்கள் பாதுகாப்பாக வைத்திருக்க முடியும்.

தகவல் பகிர்வு - குமுதம்.com
பராமரிப்புக்கான பணத்தை பொதுமக்களிடமிருந்து வசூலித்துக் கொள்ளலாம். இதற்கு ஏற்படும் செலவில் பத்து சதவிகிதமான ஐந்தரைக்கோடி ரூபாயை நானே தருகிறேன். பராமரிப்புப் பணிகள் மேற்கொள்ளவில்லை என்றால் கூட இந்தப் பணத்தை நான் திரும்பப் பெறப்போவது இல்லை'.

கேபிள் ஆயில் ஆங்கரிங்க் எப்படி செய்ய வேண்டும்?
"அணையின் கீழ்ப்பகுதியில் 17 மீட்டர் உயரத்தில் ஆறு மீட்டர் வரை சாய்வாக 40 எம்.எம். கம்பிகள் இரண்டரை மீட்டர் இடைவெளி விட்டு கேபிள் நெயில் ஆங்கரிங்க் மேற்கொள்ளவேண்டும். 175 மீட்டர் உயரத்தில் கருங்கல் கட்டு அதைத் தாங்குவதற்கு 45 டிகிரி சாய்வாக கான்கிரீட் கல்கட்டும் உருவாக்க வேண்டும். இப்போதைய அணையை ஒட்டி ஏழு அடி வீதியில் மூன்று அடி கனத்தில் பீம் அமைக்க வேண்டும். இப்போதைய அணைக்கு எந்தவித பாதிப்பும் ஏற்படாதவண்ணம் இந்த கேபிள் நெயிலிங்கை நடத்த வேண்டும்.
தரையை பலப்படுத்திய பின்னர் ஆர்.சி.சி. பீம்கள் போடவேண்டும். கேரளாவும் தமிழ்நாடும் மனது வைத்தால் இந்த முறையில் அணையை குறைந்த செலவில் பலப்படுத்த முடியும். முல்லைப் பெரியாறில் 136 அடி தண்ணீர் தேக்கும் நலையில் இதுகுறித்து பெங்களூரு இந்தியன் இன்ஸ்டிடியூட் ஆப் சயன்ஸ் டெக்னாலஜிஸ் புரொஃபசர் ஸ்ரீனிவாசமூர்த்தி, ஸ்ட்ரக்சுரல் கன்சல்டன்ட் கிருஷ்ணகுமார் ஆகியோருடன் ஆலோசித்தே இந்த முடிவை எடுத்துள்ளேன்' என்கிறார் சிற்றிலபிள்ளி.
இந்த கொச்சௌசேப் சிற்றிலபிள்ளி கேரள மாநிலம் கொச்சியிலுள்ள பிரபல பொழுதுபோக்கு பூங்காவான வீகாலேண்ட் மற்றும் விகார்ட் ஸ்டெபிலைசர் நிறுவன உரிமையாளர் என்பது குறிப்பிடத்தக்கது.
ஐடியா நல்லாதானிருக்கு... கேரள அரசு இதற்கு காது கொடுக்குமா..?

திருவட்டாறு சிந்துகுமார்

தகவல் பகிர்வு - குமுதம்

முல்லைப்பெரியாறு - புதிய தீர்வு - அணையை உடைக்கத் தேவையில்லை! கேரளாவில் இருந்து ஒரு ஆதரவு குரல்!

முல்லைப்பெரியாறு - புதிய தீர்வு - அணையை உடைக்கத் தேவையில்லை! கேரளாவில் இருந்து ஒரு ஆதரவு குரல்!

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக