என்னைக் கவர்ந்த சிறந்த திரிகள்

First topic message reminder :

நண்பர்களே... நான் நெடுநாட்களாக ஈகரையில் கவனித்துவரும் ஒரு குறையையும் அதன் நிவர்த்தியும் பற்றியும் இங்கே பேச விரும்புகிறேன்.

அவசரப்பட்டு எனது பதிவைத் தூக்கிவிட்டு எனக்கு மஞ்சள் பட்டை அணிவித்து விடாமல் பொறுமையாய் வாசிக்க வேண்டிக்கொள்கிறேன்.

இணையம் வந்த பிறகு அங்கே கிடைக்காத ஒன்றில்லை.

மருத்துவம் முதலாக மாதவிடாய் ஈறாக எவற்றுக்குமே பஞ்சமில்லை.

அப்படி இருக்க இணையத்தில் இல்லாத அருமை பெருமைகளை ஈகரையில் பதிவதால் நிறைய பேருக்கு பலனுண்டு என்பது என் எளிய கருத்து.

நாம் இங்கே காண்பது என்ன..?

எண்ணற்ற திரிகள். ஏராளமான பதிவுகள்.. இணையத்தில் இருக்கும் எல்லாவற்றையுமே இங்கே கொண்டுவந்து குவித்திடவேண்டும் என்னும் வெறியில் அனைவரும் உழைப்பதாகத் தெரிகிறது.

இதற்காகத்தான் கூகிள் இருக்கின்றதே.. அதில் குறியீடுகளைச் சொற்களை இட்டால் ஒன்றுக்கு நூறாக ஆயிரமாக லட்சமாக கொண்டு வந்து கொட்டிடுமே..?

பின் ஈகரையில் ஏன் அவற்றைக் கொட்டி , இருக்கும் ஒருசில உபயோகமான சொந்தமான சுய உழைப்பின் வெளியீடுகளாக இருக்கும் பதிவுகளைப் புதைந்து போகச் செய்யவேண்டும் என்பது என் பணிவான கேள்வி.

சரி சும்மா கேள்வி கேட்பதோடு ஒரு சிந்தனையாளனின் பணிகள் முடிந்துபோவதில்லை.

எனவே என்னாலான சிறு முயற்சி ஒன்றை முழுமூச்சாகத் தொடங்க விரும்புகிறேன்.

அதாவது ...

ஈகரையில் இருக்கும் அரிய முத்துகளை பயனுள்ள புதுமையான திரிகளை புதிதாகக் கற்க புதியனவற்றைப் பெற்றிட விழைவோருக்காக இங்கே பட்டியலிட முயல்கிறேன்..

அவசரப்பட்டு இங்கேயும் வந்து அரட்டைப்பதிவுகளைக் கொட்டி என் நோக்கத்தைச்சிதைத்திட முனையாதீர்கள் என்ற பணிவான வேண்டுகோள் விடுத்துக்கொண்டு இந்த சிந்தனையை இந்த முயற்சியைப் பாராட்ட முனைவோருக்கும் ஆதரவு அளிக்க முனைவோருக்கும் என் அன்பான வரவேற்பினைத் தெரிவித்துக்கொண்டும் தொடங்குகிறேன்.

நிர்வாக தகைசால் பெரியோருக்கு ஒரு சின்ன வேண்டுகோள். இந்த முயற்சி வேண்டாம் என நினைத்தீர்களானால் 24 மணி நேரத்துக்குள் இங்கே தெரிவித்துவிட்டால் எனது முயற்சிகள் வீணாகப் போய் பின்னால் இத்திரி ஒளிக்கப்பட்டோ மறைக்கப்பட்டோ அழிக்கப்பட்டோ சிதைக்கப்பட்டோ போய்விடாமல் முன்கூட்டியே அறிவித்தீர்களானால் நன்றியுடையவனாய் இருப்பேன். இந்த முயற்சி சிறந்தது என்னும் நிலையில் தகுந்த ஆதரவை அளிப்பீர்கள் என்ற நம்பிக்கையும் எனக்கு உண்டு.

நல்லோர் கருத்துரை அறிந்து மேலும் தொடர்வேன்..

வாழ்த்துகள் கபாலி...

நன்றி நண்பர்களே..

ஈகரை உறுப்பினர்களுடன் சில நாட்கள் பழகியபின் செய்திருக்க வேண்டிய விடயத்தை முன்னதாகவே தொடங்கியதால் இந்த சறுக்கு..

நல்லது...

சில காலம் பழகியபின் எனது கருத்துகள் ஏற்புடையதாய் இருக்கும் என நம்பி தொடர்கிறேன்.

நன்றி அனைவருக்கும்..

மிக நல்ல திரி இது கபாலி !...நேரம் கிடைக்கும்போது தொடருங்கள் ...

ஈகரை உறவுகளை மகிழ்வித்து ஈகரைக்குப் பெருமை சேர்க்கும் விதத்தில் இத்திரி அமைய வாழ்த்துகள் கபாலி. தொடருங்கள்...

நல்ல திரி வாழ்த்துகள் [You must be registered and logged in to see this image.]

நல்ல திரி தொடருங்கள் வாழ்த்துகள்

இதன் தலைப்பை ” என்னைக் கவர்ந்த சிறந்த திரிகள்” என்று பெயர் வைக்கலாமே!!
இது ஒரு ஆலோசனை. 24 மணிநேரத்தில் இந்த கேள்வியை நீக்கி விடுவேன்.


ஏனெனில் ஈகரையின் தலைசிறந்த திரிகள் என்பதற்கு ஏதாவது பார்வையாளரின் எண்ணிக்கை
அல்லது உறுப்பினரின் வாக்குகளின் எண்ணிக்கை இதுபோன்று ஆதாரம் இருப்பதுதானே நல்லது

கிரிகாசன் ஐயா,

இது கபாலி அவர்கள், அவருக்கு சிறந்த திரியாக படுவதை பதியத் தொடங்கினார், பிறகு, உறுப்பினர்கள் யார் வேண்டுமானாலும் தங்களுக்கு சிறப்பாக தோன்றும் திரியை இங்கு பதியலாம், என்று கூறினார்.

நீங்கள் கூறிய படி, பெயரில் மாற்றம் நிச்சயம் வேண்டும். நீங்கள் கூறியுள்ள தலைப்பு மிகவும் பொருத்தமாக உள்ளது...மற்ற படி, குழுவோ, உறுபினர் எண்ணிக்கையோ இதனை தீர்மானிக்கவில்லை என்று நினைக்கிறேன்..

நன்றிகள் ஐயா..