தினம் ஒரு தகவல்

**Manik** · **Manik** Wed Sep 30, 2009 4:09 pm

First topic message reminder :

இந்த திரியில் உங்களுக்குத் தெரிந்த அரிதான தகவலை கொடுக்கலாம் அது ஈகரை நண்பர்களுக்கு மிகவும் பயனளிக்கும்.

தகவல் 1
இந்தியாவில் அதிக தூரம் செல்லக்கூடிய அரசு பேருந்து எது ?
கர்நாடகா STC , 2010 கி.மீ, 25 மணி நேரம் செல்லும். பெங்களூர் - மும்பை.

ARR · ARR Wed Jan 26, 2011 2:24 pm

நன்றி சுதா..!

கலைவேந்தன் · கலைவேந்தன் Wed Jan 26, 2011 4:32 pm

இன்றைய அனைத்து தகவல்களும் அருமை அண்ணா... நன்றி... தொடருங்க..!

ARR · ARR Thu Jan 27, 2011 5:14 pm

காசிப் பட்டுடுத்தி..

இந்தியாவில்
ஆடைத் தொழிலில் காசிப்பட்டு களுக்கு சிறப்பிடம் உண்டு. வாரணாசியின்
மற்றொரு பெயரான பனாரஸ் என்ற பெயரில், "பனாரஸ் பட்டுகள்' உலகெங்கும்
பிரபலமாக உள்ளன. www.banarasisaree.com
என்ற வெப்சைட்டில் பனாரஸ் சேலைகளின் வகைகள், தரம், டிசைன்கள்,
பராமரிக்கும் விதம் உள்ளன. பனாரஸ் புடவைகளை, ஆன்லைனில் இந்த வெப்சைட்டில்
வாங்க முடியும். ஆயிரக்கணக்கான டிசைன்கள் இருப்பதால், பனாரஸ் பட்டுகள்,
பார்ட்டிகளுக்கு ஏற்றவையாக உள்ளன

ARR · ARR Thu Jan 27, 2011 5:15 pm

"ரஷ்யாவைப் பார்'

"ரஷ்யாவைப்
பார்', "மாஸ்கோவைப் பார்' என்பது, தமிழக அரசு மேடைகளின் பழைய தாரக
மந்திரம் ஆகும். ரஷ்யா சிதைவுற்ற பிறகு, முழக்கங்கள் அனைத்தும் முடங்கி
விட்டன. ஆனால் இலக்கிய ஆர்வலர்களின் வாசிப்பை வளப்படுத்தியதில், சோவியத்
நாட்டு இலக்கியங்களுக்கு முக்கியப் பங்கு உண்டு. சோவியத் நாட்டு சிறுவர்
கதைகள், எல்லா நாட்டு குழந்தைகளுக்கும் ஏற்றவை. இன்று "சோவியத்' என்ற
வார்த்தையை பயன்படுத்த, ரஷ்யாவில் தடை உள்ளது. சைபர்வெளியில் சோவியத்
இலக்கியம் குறித்து விவாதிக்க, www.sovietbooks.com என்ற வலைப்பூ உள்ளது.

மஞ்சுபாஷிணி · மஞ்சுபாஷிணி Thu Jan 27, 2011 5:16 pm

பெண்களுக்காக பயனுள்ள பகிர்வு ஐயா... அன்பு நன்றிகள் பகிர்வுக்கு...

ARR · ARR Thu Jan 27, 2011 5:19 pm

ஜோதிடமா? அறிவியலா?

இந்தியர்களின்
கணித அறிவை வெளிப்படுத்தும் வகையில், பாஸ்கரச்சாரியாரின் "சித்தாந்த
சிரோமணி' என்ற புத்தகம் உள்ளது. இந்த புத்தகத்தில் 4 பிரிவுகள் உள்ளன.
முதல் பிரிவுக்கு "லீலாவதி கணிதம்' எனப் பெயர் சூட்டப் பட்டுள்ளது.
பாஸ்கரச்சாரியாரின் மகள் பெயரே லீலாவதியாகும். தன் மகள் லீலாவதியின்
ஜாதகப்படி, திருமணம் முடிந்த உடனேயே கணவன் இறந்து விடுவான் என
பாஸ்கரச்சாரியார் கணித்தார். அந்த துயரச் சம்பவம் நடைபெறாமல் தடுக்க
திருமணத்தை மிக, மிக நல்ல நாளில் குறித்தார். எனினும் ஜோதிடப்படி,
லீலாவதியின் கணவன் இறந்தார்.துயருற்ற தன் மகளுடைய மனத்தை மாற்ற வேண்டி
தன்னுடைய கணித நூலான "சித்தாந்த சிரோமணி'யின் முதல் பிரிவுக்கு லீலாவதி
கணிதம் என பெயர் சூட்டினார். "ஜோதிடம் பொய்க்காது' என்பதை எடுத்துக்கூற,
இன்றும் ஜோதிடர்கள் இந்த கணித நூலான பாஸ்கர சித்தாந்தத்தின் முதல் பகுதி
லீலாவதியைத் தான் உதாரணமாகக் கூறுகின்றனர்.

ARR · ARR Thu Jan 27, 2011 5:21 pm

சமாதிகளின் நகரம்

டில்லியில்
முகலாய மன்னர்களின் நினைவிடங்கள், பழைய வரலாற்றுப் பதிவுகளாக உள்ளன.
இன்றைய வரலாற்றிலும், டில்லியில் நிறைய சமாதிகள், நினைவிடங்களாக
உள்ளன.வெளிநாட்டில் இருந்து எந்த அதிபர், பிரதமர், ஜனாதிபதி வந்தாலும்,
முதலில் மரியாதை செலுத்தும் இடமாக காந்தியடிகளின் சமாதி "ராஜ்காட்' உள்ளது.
ராஜ்காட் என்றால் "மன்னரின் சபை' என்பதாகும். ஜவகர்லால் நேருவின் சமாதி,
சாந்தி வனம் என அழைக்கப்படுகிறது. 1965ல் இந்திய, பாகிஸ்தான் போரில் வெற்றி
வாகை சூடியதை நினைவு கூறும் வகையில், லால்பகதூர் சாஸ்திரியின் சமாதிக்கு
"விஜய்காட்' என பெயரிடப்பட்டுள்ளது. பெண் தலைமையைச் சிறப்பிக்கும் வகையில்,
இந்திராவின் சமாதி சக்தி ஸ்தல் ஆகும். வீர மரணத்தை சிறப்பிக்கும் வகையில்
ராஜிவின் சமாதி வீர்பூமி, சமத்துவத்திற்காக பாடுபட்ட துணை பிரதமராகவும்
இருந்த ஜகஜீவன்ராமின் சமாதிக்கு சமதாஸ்தல், விவசாயி என்பதை நினைவு கூறும்
வகையில் சரண்சிங்கின் சமாதிக்கு கிசான் காட், ஒற்றுமையை உயர்த்திக் கூறும்
வகையில் ஜெயில் சிங்கின் சமாதிக்கு ஏக்தாஸ்தல் என பெயர் சூட்டப் பட்டுள்ளன

கலைவேந்தன் · கலைவேந்தன் Thu Jan 27, 2011 8:39 pm

இறுதியாக தந்த தகவலில் ஒரு திருத்தம். இந்தியில் காட் ( घाट ) (GHAT)என்றால் ஆற்றின் கரை என்று பொருள். பொதுவாக வடமானிலங்களில் சுடுகாடுகள் ஆற்றின் கரை யோரமாக இருப்பது வழமை. அதனால் காட் என்பதற்கு சுடுகாடு என்றே காரணப்பெயர் வந்தது. எனவே இங்கே ராஜ் காட் விஜட் காட் கிசான் காட் ஆகியன அரச சுடுகாடு வெற்றி சுடுகாடு விவசாயி சுடுகாடு என்றே கிரமப்படி பொருள்.

நேரு குடும்பங்கள் மட்டும் தமது இடுகாட்டை காட் என்று அமைக்காமல்
சாந்திவன் சக்திஸ்தல் வீர்பூமி என்றெல்லாம் பெயர் வைத்துக்கொண்டது.

ARR · ARR Fri Jan 28, 2011 11:25 am

திருத்தத்துக்கு நன்றி கலை..!

ARR · ARR Fri Jan 28, 2011 11:31 am

இன்று..

சர்வதேச தொழுநோய் தினம்
சென்னையில் முதன் முதலாக தொலைப்பேசி அறிமுகப்படுத்தப்பட்டது(1882)
ஐஸ்லாந்து கருக்கலைப்பைச் சட்டபூர்வமாக்கிய முதல் நாடானது(1935)
இந்திய அணுவியல் நிபுணர் ராஜா ராமண்ணா பிறந்த தினம்(1925)
கனடாவின் தற்போதைய கொடி பார்லிமென்ட் சட்டத்தின்படி வடிவமைக்கப்பட்டது(1965)

Sponsored content · Sponsored content

தினம் ஒரு தகவல்

தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

Re: தினம் ஒரு தகவல்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக