இலங்கை சண்டையால் காடுகளில் 2.3 லட்சம் தமிழர்கள்

**Admin** · **Admin** Sun Jan 18, 2009 11:29 pm

இலங்கை சண்டையால் காடுகளில் 2.3 லட்சம் தமிழர்கள் தவிப்பு ஐக்கிய நாடுகள் சபை கவலை
பாதுகாப்பான இடங்களுக்கு செல்ல அரசும், புலிகளும் உதவ வலியுறுத்தல்

ஐ.நா. சபை, ஜன. 18: இலங்கையில் ராணுவத்துக்கும் புலிகளுக்கும் நடக்கும் கடும் சண்டையால் முல்லைத் தீவு பகுதியில் 2.30 லட்சம் தமிழர்கள் காடுகளில் தஞ்சம் அடைந்துள்ளனர். அவர்களின் நிலைமை மிக மோசமாக இருப்பதாக ஐ.நா. சபை கவலை தெரிவித்துள்ளது.

அவர்கள் பாதுகாப்பான இடங்களுக்கு செல்ல அரசும், புலிகளும் உதவ வேண்டும் என்றும் அது வலியுறுத்தியுள்ளது.விடுதலைப் புலிகளின் தலைமையகமான கிளிநொச்சியை கைப்பற்றிய இலங்கை ராணுவம், முல்லைத் தீவை சுற்றி வளைத்து முப்படை தாக்குதல் நடத்தி வருகிறது.

இந்த பகுதிகளில் போர் விமானங்கள் சரமாரியாக குண்டுகள் வீசுகின்றன. முல்லைத் தீவு அருகே தர்மாபுரம் என்ற இடத்தில் புலிகளுக்கும்

ராணுவத்துக்கும் நேற்று முன்தினம் நடந்த கடும் சண்டையில் 51 ராணுவ வீரர்கள் கொல்லப்பட்டதாகவும் 150 பேர் படுகாயம் அடைந்ததாகவும் புலிகளின் இணைய தளத்தில் செய்தி

வெளியிடப்பட்டு உள்ளது. ஆனால், அதை ராணுவம் மறுத்துள்ளது. சண்டையில் 7 வீரர்கள் மட்டுமே உயிர் இழந்ததாக ராணுவ செய்தி தொடர்பாளர் உதய நானயக்காரா கூறினார்.

இந்த நிலையில், முல்லைத் தீவு பகுதியில் சிக்கியுள்ள 2 லட்சத்து 30 ஆயிரம் அப்பாவி தமிழர்கள், ராணுவம் & புலிகளின் குண்டுவீச்சு, சீறிப்பாயும் துப்பாக்கி குண்டுகளுக்கு இடையே தினமும் உயிரை கையில் பிடித்தப்படி உள்ளனர்.

காட்டுப் பகுதிகளில் குடும்பத்துடன் தஞ்சம் அடைந்துள்ள இவர்கள், பசியும் பட்டினியுமாக குழந்தைகளுடன் திண்டாடிக் கொண்டிருக்கின்றனர்.

**Admin** · **Admin** Sun Jan 18, 2009 11:29 pm

ராணுவத்தின் தாக்குதலில் இருந்து தப்பிக்க, புலிகள்தான் இந்த அப்பாவி மக்களை மனித கேடயங்களாக பிடித்து வைத்துள்ளதாக இலங்கை அரசு குற்றம்சாட்டி உள்ளது.

இந்த மக்கள் பாதுகாப்பான இடங்களுக்கு செல்ல அனுமதிக்கும்படி விடுதலைப் புலிகளுக்கு ஐ.நா. வேண்டுகோள் விடுத்துள்ளது.

இது பற்றி ஐ.நா. சபையின் மனித உரிமை விவகாரங்களுக்கான துணை பொதுச் செயலாளர் ஜான் ஹோல்ம்ஸ் நேற்று கூறியதாவது:

முல்லைத் தீவில் ராணுவத்துக்கும் விடுதலைப் புலிகளுக்கும் கடுமையான போர் நடக்கும் பகுதியில் 2 லட்சத்து 30 ஆயிரம் அப்பாவி தமிழ் மக்கள் சிக்கியுள்ளனர். அவர்கள் எங்கே போவது? என்று தெரியாமல் தவிக்கிறார்கள். அவர்களின் உயிருக்கு ஆபத்து ஏற்பட வாய்ப்புள்ளது.

ஐ.நா. சபை மற்றும் அரசு உதவியால் அவர்களுக்கு உணவு கிடைத்தாலும். இருப்பிடம், குடிநீர், துப்புரவு, சுகாதார வசதிகள் கிடைக்கவில்லை. அவர்கள் மிகவும் மோசமான நிலையில் இருக்கிறார்கள். அவர்களுக்கு மனிதாபிமான உதவிகள் கிடைக்க வேண்டும்.

அவர்கள் விரும்பும் பாதுகாப்பான இடங்களுக்கு செல்ல அனுமதிக்க வேண்டும். இவ்வாறு ஜான் ஹோல்ம்ஸ் கூறினார்.

தமிழர் கட்சிகள் வலியுறுத்தல்: இந்த நிலையில், கொழும்பு சென்றுள்ள இந்திய வெளியுறவு செயலாளர் சிவசங்கர் மேனனை விடுதலைப் புலிகளை ஆதரிக்கும் தமிழர் தேசிய

கூட்டணியின் நாடாளுமன்ற குழு தலைவர் ஆர்.சோமநாதன் தலைமையில் அந்த கட்சிகளின் தலைவர்களும் புலிகளுக்கு எதிரான தமிழர் கட்சிகளின் தலைவர்களும் நேற்று சந்தித்து பேசினர்.

அப்போது அவர்கள், தமிழர் இனப் படுகொலையை தடுக்க வேண்டும். ராணுவம் போர் நிறுத்தம் செய்ய வேண்டும். அதற்கு இந்தியா நடவடிக்கை எடுக்க வேண்டும்Õ என்று வற்புறுத்தினர்.

இலங்கை சண்டையால் காடுகளில் 2.3 லட்சம் தமிழர்கள்

இலங்கை சண்டையால் காடுகளில் 2.3 லட்சம் தமிழர்கள்

Re: இலங்கை சண்டையால் காடுகளில் 2.3 லட்சம் தமிழர்கள்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக