ப.சிதம்பரம் தூண்டுதலால் கைது செய்யப்படலாம்- சாமி

**பிரசன்னா** · **பிரசன்னா** Sat Jan 14, 2012 1:57 pm

மத்திய உள்துறை அமைச்சர் ப.சிதம்பரத்தின் தூண்டுதலால் என்னை டெல்லி போலீஸார் கைது செய்ய வாய்ப்புள்ளது. எனவே முன்ஜாமீன் தர வேண்டும் என்று கோரி டெல்லி உயர்நீதிமன்றத்தில் ஜனதாக் கட்சித் தலைவரும், 2ஜி வழக்கைத் தொடர்ந்தவருமான சுப்பிரமணியன் சாமி மனு செய்துள்ளார்.

சமீபத்தில் 2ஜி வழக்கை விசாரித்து வரும் சிபிஐ சிறப்பு நீதிமன்றத்தில் ப.சிதம்பரத்திற்கு எதிரான ஆவணங்களை சாமி தாக்கல் செய்தார் என்பது நினைவிருக்கலாம். மேலும் இந்த வழக்கில் ப.சிதம்பரத்திற்கு எதிராகவும் அவர் சாட்சியம் அளிக்கவுள்ளார்.

சாமி தாக்கல் செய்துள்ள ஆவணங்களில் ப.சிதம்பரம் நிதியமைச்சராகவும், ராசா தொலைத் தொடர்புத்துறை அமைச்சராகவும் இருந்தபோது இருவருக்கும் இடையே ஸ்பெக்ட்ரம் ஒதுக்கீடு தொடர்பாக நடந்த கடிதப் பரிவர்த்தனை உள்ளிட்டவற்றை இணைத்துள்ளார். மேலும் இந்த வழக்கில் ப.சிதம்பரத்தையும் ஒரு குற்றவாளியாக சேர்க்க வேண்டும் என்று கோர்ட்டில் கோரிக்கை விடுத்துள்ளார் சாமி. தனது வழக்குக்கு வலு சேர்க்கும் வகையில், ஜனவரி 21ம் தேதி சிபிஐ கோர்ட்டில் வாதிடவும் உள்ளார்.

இந்த பின்னணியில்தான் அவர் முன்ஜாமீன் கோரி மனு செய்துள்ளார். இதுதொடர்பாக அவர் தாக்கல் செய்துள்ள மனுவில், நான் கோர்ட்டில் ஆஜராகி ப.சிதம்பரத்திற்கு எதிராக பேசி விடக் கூடாது என்பதற்காக, என்னைத் தடுக்கும் வகையில், மத்திய அமைச்சர் ப.சிதம்பரத்தின் தூண்டுதலின் பேரில் டெல்லி போலீஸார் என் மீது பொய் வழக்குப் போட்டுக் கைது செய்யும் வாய்ப்பு உள்ளது.எனவே எனக்கு முன்ஜாமீன் வழங்க வேண்டும் என்று அவர் கோரிக்கை விடுத்துள்ளார்.

~~~~~~~~~~~~~~~~~~~~~~~~~~~~~~~~~~~
தகவல் பகிர்வு - தமிழ் வாரஇதழ் செய்திகள் ARRKAY
~~~~~~~~~~~~~~~~~~~~~~~~~~~~~~~~~~~

சார்லஸ் mc · சார்லஸ் mc Sat Jan 14, 2012 3:26 pm

ஆள் ஒரு மாா்க்கமாக இருந்தாலும் கோாிக்கை நியாயமானதே.

ப.சிதம்பரம் தூண்டுதலால் கைது செய்யப்படலாம்- சாமி

ப.சிதம்பரம் தூண்டுதலால் கைது செய்யப்படலாம்- சாமி

Re: ப.சிதம்பரம் தூண்டுதலால் கைது செய்யப்படலாம்- சாமி

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக