ஏர் இந்தியா பைலட்டுகள் திடீர் ஸ்டிரைக் ? பாதிப்பு

புதுடில்லி: ஏர் இந்தியா விமான பைலட்டுகள் 10 க்கும் மேற்பட்டோர் திடீரென பணிக்கு வராமல் இருந்து விட்டனர். இதனால் விமான போக்குவரத்து பாதிக்கப்பட்டுள்ளது. 2 விமானங்கள் ரத்து செய்யப்பட்டுள்ளன. டில்லியில் உள்ள ஏர் இந்தியா விமானதுறை அதிகாரிகள் மற்றும் பைலட்டுகள் தங்களுக்கு வர வேண்டிய அலவன்ஸ் தொகை 5 மாதங்களாக தரப்படாமல் இருப்பதால் கடும் அதிருப்தியில் இருந்து வருகின்றனர். இந்நிலையில் 14 பைலட்டுகள் ஒன்று சேர இன்று பணிக்கு வராமல் இருந்துள்ளனர். அனைவருக்கும் ஒரே நேரத்தில் உடல்நலம் பாதிக்கப்பட்டிருப்பதாக கூறியுள்ளனர்.

இந்த பிரச்னை தொடர்பாக நேற்று நள்ளிரவில் டில்லி, மும்பை, சென்னை,கோல்கட்டா உள்ளிட்ட நகரங்களில் பைலட்டுகள் அவசர ஆலோசனை நடத்தினர். இதில் போராட்டத்தில் குதிப்பது என முடிவு செய்யப்பட்டதாக இந்த சங்க வட்டாரம் தெரிவிக்கிறது. ஏற்கனவே கடந்த ஆண்டில் ஏப்ரல் மாதம் 26 முதல் மே 6 வரை நடந்த ஸ்டிரைக் காரணமாக ஏர் இந்தியாவுக்கு ரூ. 200 கோடி இழப்பு ஏற்பட்டது. இன்றைய திடீர் விடுப்பு காரணமாக போக்குவரத்து பாதிக்கப்பட்டாலும் பைலட்டுகள் ஸ்டிரைக்கில் ஈடுபடவில்லை, இது தொடர்பான அறிவிப்பு எதுவும் வரவில்லை என்று ஏர் இந்தியா உயர் அதிகாரிகள் கூறி வருகின்றனர்.


நாக்பூர் , ஆமதாபாத், சென்னை, லெஹ், பெங்களூரூ, பக்டோக்ரா, அமிர்தசரஸ், கோல்கட்டா, பகுதிகளுக்கு விமானங்கள் செல்லவில்லை. இந்த பிரச்னை காரணமாக ஏர் இந்தியா மானேஜிங் டைரக்டர் தலைமையில் அவசர ஆலோசனை கூட்டம் நடக்கிறது.
நன்றி தினமலர்