களத்திர தோஷம் என்றால் என்ன?

**சிவா** · **சிவா** Fri Dec 30, 2011 11:15 am

களத்திரம் என்றால் வாழ்க்கை துணை என்று பொருள். களத்திர தோஷம் உள்ளவர்களுக்கு திருமணம் தாமதமாகும். திருமணமேநடக்காது. திருமண வாழ்க்கையில் பிரச்னைகள் ஏற்பட்டு திருமண முறிவு ஏற்படும். இறுதி வரை ஒருவரை ஒருவர் சரியாக புரிந்து கொள்ளாமல் வாழ்ந்து கொண்டிருப்பார்கள். இப்படி ஏதோ ஒரு வகையில் இல்வாழ்க்கை இனிப்பாக இருக்காது. பொதுவாக லக்னத்துக்கு ஏழாம் இடத்தில் உள்ள கிரகங்களை கொண்டு களத்திர தோஷம் உள்ளதா இல்லையா என்று தீர்மானிக்கப்படும். லக்னத்துக்கு ஏழு எட்டு ஆகிய வீடுகள் காலியாக இருந்தால் சுத்த ஜாதகம் என்று கூறுவது தவறு. ஏழுக்குடையவனின் வலிமை. சுக்ரனின் வலிமை ஆகியவற்றை கொண்டே களத்திர ஸ்தானத்தில் தோஷம் உள்ளதா என்பதை உணர வேண்டும். சில லக்னங்களுக்கு ஏழில் சுப கிரகம் இருந்தாலும் சுக்ரன் நல்லதல்ல. இதை காரகோ பாவ நாஸ்த்தி என்று ஜோதிட நூல்கள் கூறுகின்றன. மிதுனம், கன்னி, தனுசு, மீனம் ஆகிய லக்னங்களுக்கு ஏழில் குரு. புதன் போன்ற சுப கிரகங்கள் இருந்தாலும் களத்திர தோஷம் உண்டு

lathu · lathu Fri Jan 20, 2012 4:56 am

திருமணமான பெண்ணுக்கு களத்திர தோஷம் இருந்தால் என்ன செய்வது ?
அதற்கு என்ன பரிகாரம் செய்ய வேண்டும் ? சுலபமாக வழி ஏதும் இருந்தா சொல்லுங்களேன் ?

சதாசிவம் · சதாசிவம் Fri Jan 20, 2012 5:03 am

களத்திர தோசத்தில் பல வகைகள் உண்டு, திருமணம் நடந்து இருந்தால் இருவரின் ஜாதகம் பார்த்து, தோஷம் செய்யும் கிரகங்கள் யாவை, அவர்களில் மற்ற கிரக நிலைகளைப் பார்த்து தான் முடிவு செய்ய வேண்டும்.

பரிகாரம் பெரும்பாலும் சுலபமாகவே இருக்கும். இது உங்கள் விதியை மாற்றாது. விதிப்படி தோஷம் விலகும் காலம் வந்தால் இது இயல்பாக அமையும்.