நண்டு(Crab) – நண்டு வறுவல் – கேரளா நண்டு குழம்பு

முஹைதீன் · முஹைதீன் Thu Dec 29, 2011 3:27 pm

First topic message reminder :

நண்டு(Crab) – நண்டு வறுவல் – கேரளா நண்டு குழம்பு

நண்டு(Crab) – நண்டு வறுவல் – கேரளா நண்டு குழம்பு - Page 2 Crab

எப்படி
சமைப்பது என்பது பற்றியும் இரண்டு குறிப்புகள் இணைத்துள்ளேன். சைவப்
பிரியர்கள் மன்னிக்க.. சாப்பிடவில்லையென்றாலும் நண்டைப் பற்றி கொஞ்சம்
தெரிந்து கொள்ளலாமே! பயப்படாமல் வாங்க! நண்டு கடித்து விடாமல் பார்த்துக்
கொள்கிறேன்.

உலகின்
கடல் நீரிலும் தரையிலும் உயிர் வாழும் நண்டுகளின் ரகத்தை அளவிட முடியாது
என்கிறார் ஒரு கடல் வாழ் உயிரின அறிஞர். அத்தனை ரகங்கள் பல ஆயிரங்களைத்
தாண்டும் என்கிறார்கள். அமெரிக்காவைச் சுற்றியிருக்கும் கடல்களில்
மாத்திரம் ஆறாயிரத்திற்கும் கூடுதலான ரக நண்டுகள் வாழ்கின்றன.

உலக
மக்களால் உண்ணப்படும் எல்லா வகைக் கடல் உணவுகளில் நண்டுகள் இருபது (20)
விகிதமாக இருக்கின்றன. உலக மக்களால் வருடம் ஒன்றுக்கு உண்ணப்படும்
நண்டுகளின் எடை ஒன்றரை மில்லியன் தொன் என்று உலக வங்கி அறிக்கை கூறுகிறது.

நண்டுத்
தசை உடல் ஆரோக்கியத்திற்கு மிகவும் நல்லது. இது உலக சுகாதார நிறுவனத்தின்
செய்தி. அதில் புரதம் மிகச் செறிவாக இருக்கிறது. மேலும் பொட்டாசியம்,
துத்த நாதம் (சின்க்) ஒமேகா அமிலங்கள் என்பனவும் இருக்கின்றன. நிறை உணவாக
நண்டுத் தசை கருதப்படுகிறது.

நண்டு
ஒரு ஏற்றுமதித் பொருள். பதனிடப்பட்ட நண்டு பல நாடுகளின் பொருளாதார
மேம்பாட்டிற்கு உதவுகின்றன. மிகக் கூடுதலான நண்டை ஏற்றுமதி செய்யும் நாடு
அமெரிக்கா. அடுத்ததாகச் சீனா, கனடா, ஐக்கிய இராச்சியம், பிரான்சு, ருஸ்சியா
என்பனவும் ஏற்றுமதி செய்கின்றன.

நண்டு
மனித உணவாக மாத்திரமல்லச் செல்லப் பிராணியாகவும் பயன்படுகிறது. நண்டுகளால்
நீந்த முடியும். தரையில் பக்கவாட்டாக நடக்கவும் ஓடவும் முடியும். அத்தோடு
நிலத்தில் தனது பருமனுக்குப் பொருத்தமான குழி தோண்டி அதில் வாழவும்
முடியும்.

நண்டு(Crab) – நண்டு வறுவல் – கேரளா நண்டு குழம்பு - Page 2 Craba

நண்டு வறுவல்

தேவையான பொருள்கள்:

நண்டு(Crab) – நண்டு வறுவல் – கேரளா நண்டு குழம்பு - Page 2 N3

வெங்காயம் – 3

தக்காளி – 3

இஞ்சி, பூண்டு – தேவையான அளவு

எண்ணெய் – தேவையான அளவு

மஞ்சள் தூள் – சிறிதளவு

மிளகாய் தூள் – ஒரு டீஸ்பூன்

தனியா தூள் – 2 டீஸ்பூன்

உப்பு – தேவையான அளவு

மிளகு – 1 டீஸ்பூன்

சீரகம் – 1 டீஸ்பூன்

பச்சை மிளகாய் – 2

செய்முறை:

நண்டை கால்கள் தனியாகவும், உடல் பாகம் தனியாகவும் எடுத்து விட்டு சுத்தம் செய்து கொள்ளவேண்டும்.

ஒரு வெங்காயம் மிளகு, சீரகம், பச்சை மிளகாய் சேர்த்து விழுதாக அரைத்து கொள்ளவேண்டும்.

எண்ணெய் விட்டு காய்ந்ததும் பொடியாக நறுக்கிய வெங்காயத்தை போடவும். பிறகு இஞ்சி, பூண்டு விழுது போடவும்.

வதங்கியதும் தக்காளி மஞ்சள் தூள், தனியா தூள், மிளகாய் தூள், அரைத்து

வைத்துள்ள விழுதை சேர்த்து நன்கு வதக்கி நண்டுகளை போட்டு மசாலா

கலந்து வரும்படி கிளறி ஒரு டம்ளர் தண்ணீர் ஊற்றவும்.

நண்டு வெந்து கிரேவியாக வரும் போது இறக்கவும்.

கேரளா நண்டு குழம்பு

தேவையான பொருட்கள்:

நண்டு(Crab) – நண்டு வறுவல் – கேரளா நண்டு குழம்பு - Page 2 N2

நண்டு – 1/2 கிலோ

சின்ன வெங்காயம் – 1/4 கிலோ

தக்காளி- 100

இஞ்சி பூண்டு பேஸ்ட் – 2 ஸ்பூன்

பச்ச மிளகாய் – 2

மஞ்சள்த்தூள் – 1/2 ஸ்பூன்

தனி மிளகாய்த்தூள் – 3ஸ்பூன்

தனியாத்தூள் – 1/2 ஸ்பூன்

சீரகத்தூள் – 1/2 ஸ்பூன்

பெருஞ்சீரகத்தூள் -1/2ஸ்பூன்

பட்டை -1

கிராம்பு -1

ஏலக்காய் – 1

தயிர் – 1/2கப்

கறிவேப்பிலை

அரைத்த தேங்காய் விழுது – 3ஸ்பூன் அல்லது தேங்காய் பால் -1/2 கப்

உப்பு – தேவைக்கு

தேங்காய் எண்ணெய் – தேவைக்கு

முதலில்
நண்டை சுத்தமாக அலசி வைக்கவும். அதில்
மிளாய்த்தூள்,மஞ்சள்த்தூள்,தனியாத்தூள், சீரகத்தூள்,பெருஞ்சிரகத்தூள்,
சிறிது தயிர், சிறிது இஞ்சி பூண்டு பேஸ்ட், உப்பு போட்டு விரவி 1/2 மணி
நேரம் ஊறவைக்கவும்.

காடாயில்
நன்றாக எண்ணெய் ஊற்றி காய்ந்தவுடன் கிராம்பு,பட்டை,ஏலக்காய் போட்டு
தாளிக்கவும் பிறகு வெங்காயம் போட்டு பொன்னிறமாக வதக்கவும் அதில்
இஞ்சிபூண்டு பேஸ்ட், பச்சமிளகாய், கறிவேப்பிலை, தக்களி சேர்த்து நன்றாக
வதக்கவும்

பிறகு
விரவி வைத்த நண்டு கலவையினை சேர்த்து வதக்கவும். அதில் அரைத்த தேங்காய்
விழுதினை சிறிது தண்ணீர் சேர்த்து இதில் சேர்க்கவும். தேவைக்கு உப்பு
சேர்த்து நன்றாக வேக வைக்கவும். விருப்பபட்டால் மேலே கொத்தமல்லி தூவி
பரிமாறவும்.

நன்றி:-என் இனிய இல்லம்.blogs

நன்றி:-http://en-iniyaillam.blogspot.com/

**ஜாஹீதாபானு** · **ஜாஹீதாபானு** Thu Dec 29, 2011 3:42 pm

உங்களை கொலை பண்ணிட்டு ஜெயிலுக்கு போனாலும் போவேனே தவிர நண்டு சாப்பிடுவதை நிறுத்த மாட்டேன்

என்னை நம்பி 2 பிள்ளை இருக்கு வரேன் அய்யோ, நான் இல்லை

பாலாஜி · பாலாஜி Thu Dec 29, 2011 3:44 pm

**கேசவன்** · **கேசவன்** Thu Dec 29, 2011 3:51 pm

ஜாஹீதாபானு wrote:
கேசவன் wrote:கொல்லான் புலாலை மறுத்தானைக் கைகூப்பி
எல்லா உயிருந் தொழும்
அசைவப் பதிவுக்கு நீங்க இதை தான் தவறாம சொல்லுரிங்க யார் கேக்குறா

உலகில் எல்லா உயிரும் நம்மைபோல்தான் ,எறும்பென்றாலும் அதற்கும் நம்மை போலவே வாழ்க்கை உண்டு ,நான் கடவுளிடம் கேட்பது உலகில் உள்ள எல்லா உயிர்களையும் துன்பப்படாமல் பார்த்துக்கொள் என்பதுதான்

ரேவதி · ரேவதி Thu Dec 29, 2011 3:56 pm

கேசவன் wrote:கொல்லான் புலாலை மறுத்தானைக் கைகூப்பி
எல்லா உயிருந் தொழும்

ஏங்க இப்படியெல்லாம் நான் அசைவதில் சாப்பிடுறதே நண்டு மட்டும்தான் அதுக்கும் இப்படி சொல்றீங்களே

**கேசவன்** · **கேசவன்** Thu Dec 29, 2011 4:32 pm

ரேவதி wrote:
கேசவன் wrote:கொல்லான் புலாலை மறுத்தானைக் கைகூப்பி
எல்லா உயிருந் தொழும்
ஏங்க இப்படியெல்லாம் நான் அசைவதில் சாப்பிடுறதே நண்டு மட்டும்தான் அதுக்கும் இப்படி சொல்றீங்களே

நண்டு என்றாலும் அதற்கும் உயிர் உண்டு அழுகை

ரேவதி · ரேவதி Thu Dec 29, 2011 4:33 pm

கேசவன் wrote:
ரேவதி wrote:
கேசவன் wrote:கொல்லான் புலாலை மறுத்தானைக் கைகூப்பி
எல்லா உயிருந் தொழும்
ஏங்க இப்படியெல்லாம் நான் அசைவதில் சாப்பிடுறதே நண்டு மட்டும்தான் அதுக்கும் இப்படி சொல்றீங்களே
நண்டு என்றாலும் அதற்கும் உயிர் உண்டு

நோ கமெண்ட்ஸ் சோகம்

Sponsored content · Sponsored content

நண்டு(Crab) – நண்டு வறுவல் – கேரளா நண்டு குழம்பு

நண்டு(Crab) – நண்டு வறுவல் – கேரளா நண்டு குழம்பு

Re: நண்டு(Crab) – நண்டு வறுவல் – கேரளா நண்டு குழம்பு

Re: நண்டு(Crab) – நண்டு வறுவல் – கேரளா நண்டு குழம்பு

Re: நண்டு(Crab) – நண்டு வறுவல் – கேரளா நண்டு குழம்பு

Re: நண்டு(Crab) – நண்டு வறுவல் – கேரளா நண்டு குழம்பு

Re: நண்டு(Crab) – நண்டு வறுவல் – கேரளா நண்டு குழம்பு

Re: நண்டு(Crab) – நண்டு வறுவல் – கேரளா நண்டு குழம்பு

Re: நண்டு(Crab) – நண்டு வறுவல் – கேரளா நண்டு குழம்பு

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக