அன்னை கண்ட கனவு இன்று என் கனவு

dhilipdsp · dhilipdsp Sat Dec 24, 2011 2:59 pm

குடிகார அப்பங்கிட்ட ,
அடிபட்டு ,உதைபட்டு ,
என்ன நீயும் வளர்த்து வந்த ,
காட்டுக்கு போயி வேறகு பொறுக்கி ,
காசு ,பணம் கொண்டு வந்த -என்
மகன் பசியா இருப்பானு,
குடிகார அப்பங்கிட்ட ,
அடிபட்டு ,உதைபட்டு ,
காசையும் கொடுத்துபுட்டு ,
அக்கறையா கேப்பாளே,
கண்ணா பசிக்குதானு,
பசிக்கு நான் அழுக ,
பொறுக்காத நீ போயி ,
பக்கத்து வீட்டுல ஆடுக்கு
கஞ்சி வேணுமுன்னு வாங்கிவந்து
சக்கரையை போடாத்தி,
பாலூன்னு பாசதோட தந்து
பட்டினியா இருந்து என்ன வளர்தவளே,
ஆயிரம் ஆயிரம் பொய் சொல்லி
அழகழகா கதை சொல்லி வளர்த்தவளே,
அஞ்சு, பத்து கடன் வாங்கி,
அஞ்சவது படிக்க அனுப்பிவச்ச,
ஆபிசர வரணுமுன்னு,
சொல்லி சொல்லி என்ன வளர்த்து வந்த,
படிச்சு முடிச்சு ஆபிசராக,
பட்டத்தயும் எடுத்துட்டு போனா,
காசு பணம் இருந்தாத்தா வேலைன்னு,
ஆபீசரும் சொல்லி அனுப்பிட்டான்,
சிரிக்கி பெத்த மாவனாச்சு,
சில்லறைக்கு எங்க போவானு,
ஊருரா கையெந்தி
சில்லறையை சேத்துக்கிட்டு ,
ஆபீசருக்கு கொடுத்தளே,
காலையில நான் போக ,
மாலையில மாத்தி வேறெடத்துக்கு
போயிட்டானு புதுசா ஒருத்த சொன்னானே
அவனும் சில்லறைய கொடுத்தாத்தா
வேலையின்னு சொல்லி அனுபிடானே......
எங்க அம்மாவும் கண் மூடியாச்சு
ஆபீசரு கனவு மண்னோட மண்ஆச்சு
வயசும் ஆயிருச்சு ,
வழுக்கையும் விழுந்துருசு ,
அஞ்சு, பத்து கடன் வாங்கி,
ஆயிரம் ஆயிரம் பொய் சொல்லி ,
ஆபிசர வரணுமுன்னு,
சொல்லி சொல்லி வளர்த்து வர்றேன்
நான் பெத்த மகனிடம் ,,,,,,,,,,,,, அன்னை கண்ட கனவு இன்று என் கனவு 67637