விதைத்துள்ளோம் வீரமண்ணில்

**Dr.சுந்தரராஜ் தயாளன்** · 03/09/2011

First topic message reminder :

இன்னிசை வெண்பா

புதைக்கவில்லை பாழ்நிலத்தில், போரில்மாய்ந் தோரை
விதைத்துள்ளோம் வீரமண்ணில், வீறுடைநல் வித்தாய்
கதைக்கவில்லை வீண்கதையைக், காடையரை யாண்டும்
உதைத்தழிக்க மீண்டெழுவர் ஊர்ந்து

பெண்களையே தெய்வமெனப் போற்றியநம் பேர்நாடாம்
கண்களைப்போல்க் காத்தனரே கன்னியரை, காடையரோ
புண்ணுடைய நெஞ்சினர்காண், புண்படுத்திக் கற்பழித்தே
மண்ணிடையில் மாய்த்தனர்நம் முன்பு

மறந்துவிட வில்லைனாம் மாபெருமிப் போரை
துறந்துவிட நாம்நினைத்தால் தீராதோர் துன்பம்
இறந்துவிட வில்லையிங்கே ஈழப்போர் வீரர்
கறங்கெனவே மீள்வருவர் காண்
---சுந்திரராஜ் தயாளன்.
:வணக்கம்:

**Dr.சுந்தரராஜ் தயாளன்** · 03/09/2011

சார்லஸ் mc wrote:தங்களுடைய இன்னிசை வெண்பா மிகவும் நன்றாக உள்ளது.

விருப்ப பொத்தானை பதிவு செயதுள்ளென்.

மிகவும் நன்றி சார்லஸ் அவர்களே மகிழ்ச்சி

சதாசிவம் · சதாசிவம் Fri 2 Dec 2011 - 10:14

ஈழத்தின் வலிகளை அழகாக பதிவு செய்த அருமையான கவிதை மகிழ்ச்சி

**சிவா** · **சிவா** Fri 2 Dec 2011 - 10:21

ஈழம் குறித்த இன்னிசை வெண்பா அற்புதமாக அமைந்துள்ளது. இதற்கு ஆனந்தம் ஜீவ்னியின் மறுமொழி அழகு!

ரௌத்திரன் · ரௌத்திரன் Tue 6 Dec 2011 - 5:26

சூப்பரு

**Dr.சுந்தரராஜ் தயாளன்** · 03/09/2011

பிஜிராமன் wrote:மிக அருமையான கவி ஐயா, மறப்பதற்கு அது சாதாரண துயர் அல்லவே.

நன்றிகள்

உண்மைதான் இராமன் அவர்களே...நன்றி மகிழ்ச்சி

Guest · Guest Thu 8 Dec 2011 - 10:28

அருமையான கவி அய்யா ... மகிழ்ச்சி

**ayyamperumal** · **ayyamperumal** Thu 8 Dec 2011 - 16:26

இன்னிசை வெண்பா
வீண்கதையைக், காடையரை யாண்டும் உதைத்தழிக்க மீண்டெழுவர் ஊர்ந்து

மறந்துவிட வில்லைனாம் மாபெருமிப் போரை
துறந்துவிட நாம்நினைத்தால் தீராதோர் துன்பம்

ஈழம் பற்றிய எண்ணத்தை மக்கள் மறந்துவிட்டார்கள் என்று கருதுகிற சிங்களனக்கும் அவனுக்கு ஆதரவு தருகிற காங்கிரஸ் காரனுக்கும் இது சவுக்கடி. உண்மையிலேயே ஈழத்தை சந்தர்ப்பவாத பிரச்சனையாக கருதுகிற தமிழக அரசியல் வாதிகளுக்கும் இது சவுக்கடிதான்.
எழுச்சி தருகிற எழுத்து
நன்றி அய்யா !