திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம்

**கே. பாலா** · **கே. பாலா** Fri Nov 25, 2011 8:25 pm

நெல்லை: தமிழகத்தில் டேம் 999 படத்திற்கு தடை விதிக்கப்பட்டுள்ளதால்
திருட்டு சிடிக்கள் மூலம் இப்படத்தை மக்களிடம் கொண்டு சேர்க்க திட்டம்
தீட்டியுள்ளனர்.

முல்லைப்பெரியாறு அணையை மையமாக வைத்து கேரளாவை
சேர்ந்த திரைப்பட இயக்குனர் சோஹன்ராய் என்பவர் டேம் 999 என்னும் படத்தை
எடுத்துள்ளார். அணை உடைந்து லட்சக்கணக்கான மக்கள் மடிவது போன்ற காட்சிகள்
இப்படத்தில் உள்ளன. தமிழகம் தவிர இந்தியாவின் பிற மாநிலங்களில் இன்று
இப்படம் வெளியானது. தமிழகத்தில் எழுந்த எதிர்ப்பால் டேம் 999 படத்திற்கு
தமிழக அரசு தடைவிதித்தது.

இந்நிலையில் இது தொடர்பாக பல திடுக்கிடும்
தகவல்கள் கிடைத்துள்ளன. கேரள மாநிலத்தில் அனைவரையும் இப்படத்தை பார்க்க
ஏற்பாடு செய்யப்பட்டுள்ளது. தியேட்டருக்கு சென்று படம் பார்க்க
முடியாதவர்களுக்கு இப்படத்தின் சிடிக்களை இலவசமாக வழங்க முடிவு
செய்துள்ளனர். இதற்காக லட்சக்கணக்கில் சிடி தயாரிக்க முடிவு
செய்யப்பட்டுள்ளது. அரசு தரப்பில் சிலர் இதற்கு முறைமுக உதவி செய்து
வருவதாக கூறப்படுகிறது.

தமிழகத்தில் இப்படத்திற்கு தடை
விதிக்கப்பட்டுள்ள நிலையில் அப்படி என்னதான் எடுத்துள்ளார்கள் என்று
பார்க்கும் ஆர்வம் மக்களிடையே ஏற்பட்டுள்ளது. இதை பயன்படுத்தி
தமிழகத்திலும் மெல்ல சிடிக்களை விற்பனை செய்ய முடிவு செய்துள்ளனர். இதற்காக
திருட்டு சிடி கும்பலுக்கு வலை விரிக்கப்பட்டுள்ளது.

கொள்ளை லாபம்
சம்பாதிக்கலாம் என்ற ஆசையில் திருட்டு சிடி கும்பலும் இந்த முயற்சிக்கு
உறுதுணையாக இருக்க முடிவெடுத்துள்ளதாக கூறப்படுகிறது.
வெளிமாநிலங்களிலிருந்து டேம் 999 படத்தின் சிடிக்களை கொண்டு வந்து
தங்களுக்கு உள்ள ரகசிய தொடர்புகள் மூலம் விற்பனைக்கு விட இந்த கும்பல்
திட்டமிட்டுள்ளது என தெரிய வந்துள்ளது.
தட்ஸ் தமிழ் திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம் 678642

திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம் 678642

**சிவா** · **சிவா** Fri Nov 25, 2011 8:27 pm

பணம் கிடைக்கிறதென்றால் எதை வேண்டுமானாலும் செய்வார்கள். நிச்சயம் தமிழகம் முழுதும் இதன் திருட்டு விசிடிக்கள் இந்நேரம் வெளியாகியிருக்கும் என நினைக்கிறேன்!

அன்பு தளபதி · அன்பு தளபதி Fri Nov 25, 2011 10:04 pm

ஒரு விஷயம் மட்டும் நிஜம் பணத்திற்காக இனத்தை காட்டிக்கொடுக்க கூட சில தமிழர்கள் தயங்குவதில்லை,

**இளமாறன்** · **இளமாறன்** Sat Nov 26, 2011 1:17 am

ஒரு படத்தை தடுத்தால் தான் அதை பார்க்க தூண்டும் அதனால் இந்நேரம் அனைவரும் இணையத்தில் பார்த்து இருப்பார்கள் சிரி

Sponsored content · Sponsored content

திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம்

திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம்

Re: திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம்

Re: திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம்

Re: திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம்

Re: திருட்டு டிவிடி மூலம் டேம் 999-ஐ தமிழகத்தில் உலா விடத் திட்டம்

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக