வரலாற்றில் இன்று !

ரேவதி · ரேவதி Sat Nov 19, 2011 9:56 am

First topic message reminder :

19.11.2011

1. சர்வதேச ஆண்கள் தினம்
2. பிரேசில் கொடிநாள்
3. இந்திய சுதந்திரத்திற்காக போராடிய ராணி லட்சுமிபாய் பிறந்த தினம்(1835)
4. இந்திய முன்னாள் பிரதமர் இந்திரா பிறந்த தினம்(1917)
5. வார்சா பல்கலைக்கழகம் அமைக்கப்பட்டது(1816)

தகவல்கள் உதவி - தினமலர் & தமிழ் மிர்ரர்

முஹைதீன் · முஹைதீன் Sun Jul 01, 2012 9:23 am

ஜூன் 30.

1882: அமெரிக்க ஜனாதிபதி ஜேம்ஸ் கார்பீல்ட்டை கொலை செய்த குற்றச்சாட்டில் சார்ள்ஸ் ஜே. கெய்டியூ வாஷிங்டன் டி.சி.யில் தூக்கிலிடப்பட்டார்.
1960: பெல்ஜியத்திடமிருந்து கொங்கோ சுதந்திரம் பெற்றது.

1969: பிரிவிணை கோரிய பயாபரா பிராந்தியத்திற்கு செஞ்சிலுவைச் சங்க உணவுப்பொருட்கள் கொண்டு செல்லப்படுவதற்கு நைஜீரியா அனுமதியளிக்க மறுத்தது.

1971: சோவியத் யூனியனின் சோயுஸ் விண்கலத்தின் மூலம் விண்வெளியிலிருந்து திரும்பி வந்த வீரர் ஒருவர் விண்கலத்திலிருந்து ஒட்சிசன் வாயு வெளியேறியதால் உயரிழந்தார்.

1985: லெபனானில் தீவிரவாதிகளால் கைது செய்யப்பட்டு 3 வாரங்களாக பணயக்கைதிகளாக வைக்கப்பட்டிருந்த 39 அமெரிக்கர்கள் விடுவிக்கப்பட்டனர்.

1990: கிழக்கு ஜேர்மனியும் மேற்கு ஜேர்மனியும் தமது பொருளாதாரங்களை ஒன்றிணைத்தன.

2009: இந்து சமுத்திரத்தில் யேமன் விமானமொன்று விழுந்ததால் விமானத்திலிருந்த 153 பேரும் உயிரிழந்தனர்

முஹைதீன் · முஹைதீன் Sun Jul 01, 2012 9:24 am

ஜூலை 01.

1881: முதலாவது சர்வதேச தொலைபேசி அழைப்பு அமெரிக்காவுக்கும் கனடாவுக்கும் இடையில் மேற்கொள்ளப்பட்டது.

1908: எஸ்.ஓ.எஸ். (SOS ) என்பது சர்வதேச அவசரநிலை சமிக்ஞையாக அங்கீகரிக்கப்பட்டது.
1921: சீன கம்யூனிஸ்ட் கட்சி ஸ்தாபிக்கப்பட்டது.
1948: பாகிஸ்தான் மக்கள் வங்கி ஸ்தாபிக்கப்பட்டது.

1949: இந்தியாவில் 1000 வருடங்களாக கொச்சி அரச குடும்பத்தினால் ஆளப்பட்டு வந்த கொச்சின், திருவாங்கூர் சமஸ்தானங்கள் இந்திய யூனியனுடன் இணைக்கப்பட்டது.

1960, சோமாலியா சுதந்திரம் பெற்றது.

1960: கானா குடியரசாகியது.

1962: ருவாண்டா, புரூண்டி சுதந்திரம் பெற்றன.

1968: அணுவாயுத பரவல் தடை ஒப்பந்தத்தல் அமெரிக்காவும் சோவியத் யூனியனும் கையெழுத்திட்டன.

1979: வாக்மேன் கருவியை சோனி நிறுவனம் அறிமுகப்படுத்தியது.

1991: வார்ஸோ ஒப்பந்தம் உத்தியோகபூர்வமாக ரத்துச் செய்யப்பட்டது.

1997: ஹொங்கொங்கின் இறையாண்மையை மீண்டும் சீனாவிடம் பிரிட்டன் கையளித்தது.

முஹைதீன் · முஹைதீன் Tue Jul 03, 2012 8:52 am

ஜூலை 2.
1823: பிரேஸில் போர்த்துகேய ஆட்சி முடிவுக்கு வந்தது.

1897: வானொலிக்கு மார்கோனி காப்புரிமை பெற்றார்.
1940: இந்திய சுதந்திரப் போராட்ட வீரர் சுபாஸ் சந்திரபோஸ், கொல்கத்தாவில் கைது செய்யப்பட்டு தடுத்துவைக்கப்பட்டார்.

1964: அமெரிக்காவில் அனைத்து இன மக்களுக்கும் சமவுரிமை அளிக்கும் சிவில் உரிமை சட்டத்தில் ஜனாதிபதி லிண்டன் ஜோன்ஸன் கையெழுத்திட்டார்.

2000: ஐரோப்பாவில் மிக நீளமான நெடுஞ்சாலை, ரயில்பாதை கொண்ட பாலமான டென்மார்க்கிற்கும் சுவீடனுக்கும் இடையிலான ஓர்சன்ட் பாலம் திறக்கப்பட்டது.

2002: ஸ்டீவ் பொரெஸ்ட் என்பவர் முதல் தடவையாக எங்கும் தரிக்காமல் உலகை சுற்றிவந்த நபரானார்.

2010: கொங்கோவில் இடம்பெற்ற வெடிப்புச் சம்பவமொன்றில் 230 பேர் உயிரிழந்தனர்.

முஹைதீன் · முஹைதீன் Tue Jul 03, 2012 8:54 am

ஜூலை 3.

1778: அமெரிக்க சுதந்திர போரின்போது, பிரித்தானிய படைகளால் வொயோமிங் நகரில் 360 பேர் படுகொலை செய்யப்பட்டனர்.

1970: பிரித்தானிய விமானமொன்று ஸ்பெய்னில் விபத்துக்குள்ளானதால் 113 பேர்பலி.

1979: ஆப்கானிஸ்தானில் சோவியத் யூனியனுக்கு ஆதரவான அரசாங்கத்தை எதிர்க்கும் போராளிகளுக்கு உதவியளிப்பதற்கான ஆவணத்தில் அமெரிக்க ஜனாதிபதி ஜிம்மி கார்ட்டர் கையெழுத்திட்டார்.

1988: ஈரான் - ஈராக் யுத்தத்தின்போது ஈரானிய பயணிகள் விமானமொன்று அமெரிக்க கடற்படை கப்பலொன்லிருந்து ஏவப்பட்ட ஏவுகணையினால் சுட்டு வீழ்த்தப்பட்டது. இதனால் விமானத்திலிருந்த 290 பேர் பலியாகினர். யுத்த விமானம் எனக் கருதி அவ்விமானத்தை வீழ்த்தியதாக அமெரிக்கா தெரிவித்தது.

2001: ரஷ்யாவில் இடம்பெற்ற விமான விபத்தில் 145 பேர் பலியாகினர்.

2006: மெக்ஸிகோவில் இடம்பெற்ற ரயில் விபத்தில் 43 பேர் பலியாகினர்.

முரளிராஜா · முரளிராஜா Tue Jul 03, 2012 11:32 am

முஹைதீன் · முஹைதீன் Wed Jul 04, 2012 9:10 am

ஜூலை 4

1810: நெதர்லாந்தின் ஆம்ஸ்டர்டம் நகரை பிரான்ஸ் கைப்பற்றியது.
1837 உலகின் நீண்ட தூர ரயில்சேவை பிரிட்டனின் பேர்மிங்ஹாம் , லிவர்பூல்நகரங்களுக்கிடையில் ஆரம்பித்து வைக்கப்பட்டது.
1903: ட்ரோதி லெவிட் என்பவர் மோட்டார் பந்தயப் போட்டியில் பங்குபற்றிய முதல் பெண்ணானார்.
1918: ரஷ்யாவின் இரண்டாம் நிக்கலஸ் சார் மன்னரும் அவரின் குடும்பத்தினரும் போல்ஸ்விக் புரட்சியாளர்களால் கொல்லப்பட்டனர்.
1941: உக்ரேனில் கைது செய்யப்பட்ட போலந்து விஞ்ஞானிகளும் எழுத்தாளர்களும் ஜேர்மனியின் நாஸி படையினரால் படுகொலை செய்யப்பட்டனர்.
1946: 381 வருடங்கள் பல நாடுகளின் காலனி நாடாக இருந்த பிலிப்பைன்ஸ் அமெரிக்காவிடமிருந்து முழுiயான சுதந்திரம் பெற்றது.
1947: இந்தியா, பாகிஸ்தான் எனும் இரு சுதந்திர நாடுகளை உருவாக்குவதற்கான பிரேரணை இந்திய நாடாளுமன்றத்தில் முன்வைக்கப்பட்டது.
1966: அமெரிக்காவில் தகவல் சுதந்திர சட்டமூலத்தில் அமெரிக்க ஜனாதிபதி லிண்டன் ஜோன்ஸன் கையெழுத்திட்டார்.
1976: கடத்தப்பட்டு உகண்டாவின் எண்டபே விமான நிலையத்தில் தடுத்துவைக்கப்பட்டிருந்த எயார் பிரான்ஸ் விமானத்தையும் 248 பயணிகளையும்12 ஊழியர்களையும்மீட்கும் அதிரடி நடவடிக்கையை இஸ்ரேலிய கமோண்டோக்கள் வெற்றிகரமாக மேற்கொண்டனர். 260 பணயக்கைதிகளில் நால்வரும் கொமாண்டோக்களில்ஒருவம் பலியாகினர். கடத்தல்காரர்கள் 7 பேரும் உகண்டா படையினர் படையினர் 45 பேரும் பலி.
1997: செவ்வாய் கிரகத்தில் நாஸாவின் பாத் பைண்டர் விண்கலம் தரையிறங்கியது.

முஹைதீன் · முஹைதீன் Fri Jul 06, 2012 12:11 pm

ஜூலை 5

1811: ஸ்பெய்னிடமிருந்து வெனிசூலா சுதந்திரம் பெற்றது.
1954: நாளாந்த செய்தி ஒளிபரப்பை பிபிசி ஆரம்பித்தது.
1970: கனேடிய விமானமொன்று டொரன்டோ விமான நிலையத்தில் விபத்துக்குள்ளானதால் 109 பேர் பலி.
1975: விம்பிள்டன் டென்னிஸ் தொடரில் சம்பியனாகிய முதல் கறுப்பின வீரரானார் அமெரிக்காவின் ஆர்தர் ஆஷ்.
1977: பாகிஸ்தானில் பிரதமர் ஸுல்பிகார் அலி பூட்டோ இராணுவப் புரட்சி மூலம் பதவியிலிருந்து அகற்றப்பட்டார்.
1987: தமிழீழ விடுதலைப் புலிகளின் முதல் கரும்புலித் தாக்குதல் இடம்பெற்றது. நெல்லியடி இராணுவ முகாம் மீது 'கப்டன் மில்லர்' தமிழீழ வீடுதலைப் புலிகளின் முதல் தற்கொலை குண்டுத் தாக்குதலை நடத்தினார்.
1996: டோலி செம்மறி ஆடு குளோனிங் முறையில் உருவாக்கப்பட்ட முதல் முலையூட்டியாகியது.
2004: இந்தோனேஷியாவின் முதலாவது ஜனாதிபதித் தேர்தல் நடத்தப்பட்டது.
2009: சுவிட்ஸர்லாந்து டென்னிஸ் வீரர் ரோஜர் பெடரர், 15 ஆவது கிராண்ட்ஸ்லாம் சம்பியன்பட்டத்தை வென்று புதிய சாதனை படைத்தார்.

முஹைதீன் · முஹைதீன் Fri Jul 06, 2012 12:12 pm

ஜூலை: 06

1785: அமெரிக்காவின் நாணயமாக டொலர் ஏகமனதாக தெரிவுசெய்யப்பட்டது.
1885: விசர்நாய் கடிக்கு எதிரான தடுப்பு மருந்தை லூயிஸ் பாச்சர் வெற்றிகரமாக சோதித்தார்.
1892: பிரித்தானிய நாடாளுமன்ற உறுப்பினராக தெரிவான முதல் இந்தியர் எனும் பெருமையை தாதாபாய் நாரோஜி பெற்றார்.
1944: அமெரிக்காவின் கனக்டிகட் மாநிலத்தில் இடம்பெற்ற தீவிபத்தினால் 168 பேர் பலியாகினர்.
1947: சோவியத் யூனியனில ஏகே 47 ரக துப்பாக்கி; தயாரிப்பு ஆரம்பிக்கப்பட்டது.
1957: அல்தியா கிப்ஸன், விம்பிள்டன் டென்னிஸ் சம்பியன் பட்டம் வென்ற முதல் கறுப்பின வீராங்கனையானார்.
1964: பிரிட்டனிடமிருந்து மாலாவி சுதந்திரம் பெற்றது.
1967: பயாப்ரா பிராந்தியத்திற்குள் நைஜீரியா படையெடுத்தது. பயாப்ரா யுத்தம் ஆரம்பம்.
1975: பிரான்ஸிடமிருந்து கெமரோஸ் சுதந்திரம் பெற்றது.
1988: வட கடலில் பைப்பர் அல்பா எனும் எண்ணெய் அகழ்வு நிலையமொன்றில் ஏற்பட்ட தீவிபத்தினால் 167 பேர் பலி.

முஹைதீன் · முஹைதீன் Mon Jul 09, 2012 8:58 am

ஜூலை 07.

1543: லக்ஷம்பர்க் மீது பிரான்ஸ் படையெடுத்தது.

1865: அமெரிக்க ஜனாதிபதி ஆபிரகாம் லிங்கன் கொலை தொடர்பாக நால்வர் தூக்கிலிடப்பட்டனர்.

1937: சீனாவின் பெய்ஜிங் நகரம் மீது ஜப்பானிய துருப்புகள் படையெடுத்தன.

1965: கனடாவில் ஆங்கிலத்தக்கு சமமாக பிரெஞ்சு மொழியும் உத்தியோகபூர்வ மொழியாக்கப்பட்டது.

1978: பிரிட்டனிடமிருந்து சொலமன் தீவுகள் சுதந்திரம் பெற்றது.

1985: விம்பிடள்டன் ஒற்றையர் டென்னிஸ் போட்டியில் ஜேர்மன் வீரர் பொரிஸ் பெக்கர் 17 ஆவது வயதில் சம்பியனாகி புதிய சாதனை படைத்தார்.

2005: லண்டனில் பஸ், மற்றும் ரயில்களில் வெடித்த குண்டுகளால் 52 பேர் பலி. சுமார் 700 பேர் காயம்.

முஹைதீன் · முஹைதீன் Mon Jul 09, 2012 9:03 am

வரலாற்றில் இன்று

ஜுலை 8

1099 - முதலாம் சிலுவைப் போர்: 15,000 கிறிஸ்தவ போர் வீரர்கள் பட்டினியுடன் ஜெருசலேம் அருகில் சமய ஊர்வலம் சென்றனர்.
1497 - வாஸ்கோ ட காமாவின் இந்தியாவுக்கான முதல் நேரடிப் பயணம் தொடக்கம். இந்தியாவிற்குக் கடல் வழி காண 170 பேருடன் மூன்று கப்பல்களில் புறப்பட்டார்ர் Vasco Da Gama.
1815 - பதினெட்டாம் லூயி பாரிஸ் திரும்பி பிரான்சின் மன்னனான். இரு வாரங்களே பதவியில் இருந்த நான்கு வயது இரண்டாம் நெப்போலியன் பதவி இழந்தான்.
1859 - சுவீடன்-நோர்வே மன்னனாக சுவீடனின் பதினைந்தாம் சார்ல்ஸ் முடி சூடினான்.
1889 - வோல் ஸ்ட்ரீட் ஜேர்னல் முதலாவது இதழ் வெளியானது.
1978 - Reinhold Mesner என்பவரும் Peter Hepler என்பவரும் முதன் முதலாக பிராணவாயு உதவியில்லாமல் எவரெஸ்ட் சிகரத்தின் உச்சியைச் சென்றடைந்தனர்.
1982 - ஈராக் அதிபர் சதாம் உசேன் படுகொலை முயற்சியில் இருந்து தப்பினார்.
1985 - திம்புப் பேச்சுவார்த்தைகள்: இலங்கை அரசுக்கும் ஈழ விடுதலை அமைப்புகளுக்கும் இடையில் பேச்சுவார்த்தைகள் ஆரம்பமாயின.
1990 - ஜெர்மனி ஆர்ஜென்டீனாவை வென்று 1990 கால்பந்து உலகக்கிண்ணத்தை வென்றது.
2006 - ம. பொ. சி., புலவர் குழந்தை ஆகியோரின் நூல்கள் நாட்டுடமை ஆக்கப்பட்டன்.

Sponsored content · Sponsored content

வரலாற்றில் இன்று !

வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

Re: வரலாற்றில் இன்று !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக