2 வது டெஸ்ட்: இந்தியா இன்னிங்ஸ் வெற்றி - 2 க்கு பூஜ்யம் ‌பெற்று வெஸ்ட் இண்டீஸ் " வேஸ்டானது "

கோல்கட்டா: வெஸ்ட் இண்டீஸ் அணிக்கெதிரான 2வது டெஸ்ட் போட்டியில் இந்தியா அபார மாக இன்னிங்ஸ் வெற்றி பெற்றது. இதன்மூலம் மூன்று போட்டிகள் கொண்ட டெஸ்ட் தொடரை இந்திய அணி 2-0 எனக் கைப்பற்றியது.

2வது டெஸ்ட் போட்டி கோல்கட்டா ஈடன்கார்டன் மைதானத்தில் நடந்தது.டாஸ் வென்று முதலில் பேட் செய்த இந்திய அணி தனது முதல் இன்னிங்சில், 7 விக்கெட் இழப்பிற்கு 631 ரன்கள் எடுத்து டிக்ளேர் செய்தது. இந்திய அணியின் சார்பில் டிராவிட் 119 ரன்களும், கேப்டன் தோனி 144 ரன்களும் எடுத்தனர். லட்சுமணன் 176 ரன்கள் எடுத்து அவுட்டாகாமல் இருந்தார். வெஸ்ட் இண்டீஸ் தரப்பில், சமி மற்றும் ரோச் ஆகியோர் தலா 2 விக்கெட்டுகளை வீழ்த்தினர்.
இதையடுத்து, தனது முதல் இன்னிங்சை துவக்கிய வெஸ்ட் இண்டீஸ் அணி, இந்திய பவுலர்களின் சிறப்பான பந்து வீச்சால் 153 ரன்களுக்கு அனைத்து விக்கெட்டுகளையும் இழந்து பாலோ ஆன் பெற்றது. இந்திய தரப்பில் ஓஜா 4 விக்கெட்டுகளும், உமேஷ் யாதவ் 3 விக்கெட்டுகளும், அஸ்வின் 2 விக்கெட்டுகளும் வீழ்த்தினர். தொடர்ந்து தனது இரண்டாவது இன்னிங்சை விளையாடிய வெஸ்ட் இண்டீஸ் அணி, 463 ரன்களுக்கு அனைத்து விக்கெட்டுகளையும் இன்று இழந்தது.

வெஸ்ட் இண்டீஸ் தரப்பில், பிராவோ 136 ரன்களும், சாமுவேல்ஸ் 84 ரன்களும், சந்தர்பால் 47 ரன்களும் எடுத்தனர். இந்திய தரப்பில், உமேஷ் யாதவ் 4 விக்கெட்டுகளையும், ஓஜா, அஸ்வின் மற்றும் இஷாந்த் சர்மா ஆகியோர் தலா 2 விக்கெட்டுகளையும் வீழ்த்தினர். இதையடுத்து, இந்திய அணி 1 இன்னிங்ஸ் 15 ரன்கள் வித்தியாசத்தில் அபார வெற்றி பெற்றது. இதன்மூலம் 2 க்கு பூஜ்யம் என்ற கணக்கில் வெஸ்ட் இண்டீசை வீழ்த்தி இந்தியா தொ‌டரை வென்றது.

தினமலர்

வாழ்த்துக்கள் தோனி & கோ

எல்லா கிரிக்கெட் அணிகளும் இப்படி தான் , வெளியூர் போனா மரண அடி வாங்கிட்டு வருவாங்க. உள்ளூர் போட்டிகளில் எதிரணியை செத்த பாம்ப அடிப்பது போல போட்டு அடிப்பானுங்க.

ராஜா wrote:எல்லா கிரிக்கெட் அணிகளும் இப்படி தான் , வெளியூர் போனா மரண அடி வாங்கிட்டு வருவாங்க. உள்ளூர் போட்டிகளில் எதிரணியை செத்த பாம்ப அடிப்பது போல போட்டு அடிப்பானுங்க.

ஓகே ,ஓகே கூல்

நல்லா தான் போய்கிட்டு இருக்கு.. பார்ப்போம்

வை.பாலாஜி wrote:

ராஜா wrote:எல்லா கிரிக்கெட் அணிகளும் இப்படி தான் , வெளியூர் போனா மரண அடி வாங்கிட்டு வருவாங்க. உள்ளூர் போட்டிகளில் எதிரணியை செத்த பாம்ப அடிப்பது போல போட்டு அடிப்பானுங்க.

ஓகே ,ஓகே கூல்

இல்ல பாஸ்.... நாங்களும் இப்படி தான். மயிலாடுதுறை வந்தா நாகை அணியை போட்டு சாத்துவோம் , நாங்க நாகப்பட்டினம் போகும்போது
வாங்குற அடிய மறக்குறதுக்கு அப்படியே காரைக்கால் பார்டர்ர touch பண்ணிட்டு வருவோம். அந்த அனுபவத்தில் சொன்னேன்

[quote="ராஜா"][quote="வை.பாலாஜி"]

ராஜா wrote:இல்ல பாஸ்.... நாங்களும் இப்படி தான். மயிலாடுதுறை வந்தா நாகை அணியை போட்டு சாத்துவோம் , நாங்க நாகப்பட்டினம் போகும்போது
வாங்குற அடிய மறக்குறதுக்கு அப்படியே காரைக்கால் பார்டர்ர touch பண்ணிட்டு வருவோம். அந்த அனுபவத்தில் சொன்னேன்

எல்லாம் சரி தான் கோழி புடிக்கிறவங்களுக்கு அங்க என்ன வேலை?

இந்திய அணியின் வெற்றி பயணம் தொடர வாழ்த்துக்கள்...