ஆசாரக் கோவை - நல்ல தமிழ் அறிவோம் - தொடர் பதிவு !

சதாசிவம் · சதாசிவம் Sat Nov 12, 2011 6:08 pm

First topic message reminder :

தமிழர் வாழ்வில் இன்றியமையாத விஷயங்களாகக் கருதுவது ஒழுக்கம், வீரம், காதல் ஆகிய மூன்றும் தான். பண்டைய தமிழ் இலக்கியங்களில் இந்த மூன்று விஷயங்களைப் பற்றித் தான் அதிகப் பாடல்கள் உள்ளன. 6 முதல் 9ஆம் நூற்றாண்டு வரை உள்ள இலக்கியங்களில் தான் பக்தியை மையமாக வைத்து எழுந்த பாடல்கள் அதிகம் காணப்படுகிறது.

சங்கத்தமிழ் நூல்களின் பெரும்பிரிவு பதினெண் கீழ் கணக்கு நூல்கள் & மேல் கணக்கு நூல்கள் ஆக 18 + 18 =36 நூல்கள் ஆகும். இதில் கீழ் கணக்கு நூல்கள் பெரும்பாலும் நீதி, ஒழுக்கம், வாழ்க்கை நெறிமுறைப் பற்றி அதிகம் கூறுகிறது. அவற்றுள் திருக்குறள், நாலடியார், நான்மணிக்கடிகை, திரிகடுகம் போல் விளங்கும் சிறந்த நூல் ஆசாரக் கோவை ஆகும். இவை வடமொழியில் உள்ள ஸ்மிருதிகளை அடிப்படையாக வைத்து எழுதிய நூல் என்று மூத்தோர் கூறுகின்றனர்.

வண்கயத்தூரைச் சேர்ந்த பெருவாயின் முள்ளியார் என்னும் புலவர் இதனை எழுதினார். ஆசாரங்களை (ஒழுக்கங்கள்) அழகான மாலைப்போல் கோவையாக கோர்த்து (சேர்த்து) எழுதி உள்ளதால் இது ஆசாரக் கோவை என்று பெயர் பெறுகிறது. பல்வேறு வெண்பா வகைகளால் அமைந்த 100 பாடல்களால் ஆனது இந்நூல். ஒவ்வொரு பாடலும் ஒவ்வொரு விஷயம் தொடர்பான ஒழுக்கத்தை எடுத்து இயம்புகின்றது.

இன்று நமக்கு எழும் பல சந்தேகங்கள் ஆன , எந்த திசையில் படுக்க வேண்டும், எந்த திசையில் சாப்பிட வேண்டும், எப்படிச் சாப்பிட வேண்டும், எப்போது குளிக்க வேண்டும், நீராடும் முறை என்ன , யாரை வணங்க வேண்டும், பெரியவர்களுடன் பழகும் போது , உண்ணும் போது செய்ய வேண்டிய ஒழுக்க நெறிகள் (மேனர்ஸ்) என்னென்ன என்பது போன்ற பல கேள்விகளுக்கு இதில் விடை உள்ளது. இது மட்டுமல்லாது மலம், ஜலம் கழிக்க வேண்டிய இடங்கள், எந்த நாள்கள் பெண்ணுடன் சேர்வது நல்லது, எந்த நாள் தவிர்க்க வேண்டும் பற்றியும் இதில் பாடல்கள் உள்ளன.

தமிழன் பல நூற்றாண்டு முன்னரே அறிவியல், வாழ்க்கை நெறிமுறை, ஆரோக்கியமாக வாழும் வழிகள் கண்டு அறிந்திருந்தான் என்பதற்கு இந்த நூல் சிறந்த சான்றாகும்.

ஔவையின் மூதுரை, நல்வழியைப் போல் ஆசாரக்கோவை அனைவரிடமும் பிரபலமாகவில்லை. நம் பள்ளிக்கூட புத்தங்களிலும் இவை அரிதாகவே இடம் பெறுகிறது, பலருக்கு தமிழில் இப்படி ஒரு நூல் இருக்கிறது என்று தெரியவில்லை.

இணையதளத்தில் பல இடங்களிலும் இதில் உள்ள பாடல்களின் மூலம் மட்டுமே கிடைக்கிறது. மூதுரை, நல்வழியைத் தொடர்ந்து ஈகரை உறவுகளுக்கு இந்த அற்புத நூலை அனைவரும் அறிந்து கொள்ள, அனைவரும் சுலபமாக படிக்க, பொருளுடன் பதிக்கும் முயற்சியை தொடங்கியுள்ளேன்.

உங்களின் ஆதரவும் ,தவறு ஏற்படின் எடுத்துக் கூறும் நட்பையும் நாடி தொடர்கிறேன்.

அன்புடன்......

**பிஜிராமன்** · **பிஜிராமன்** Sun Nov 20, 2011 9:49 am

ராமன்... ஒருவர் கவிக்குக் கவி கொடுக்க.. ஒருவர் கவிக்குப் பொருள்
கொடுக்க... இருவரும் எமக்கு களி கொடுக்கிறீர்கள். நல்ல கவிதையால்
பாராட்டியமைக்கு நான் உங்களுக்கு நன்றி கூறுகிறேன். கவிதையில் மயங்கிய
மனத்துடன்.... [You must be registered and logged in to see this image.]

மிக்க நன்றிகள் அம்மா..... [You must be registered and logged in to see this image.] புன்னகை

[You must be registered and logged in to see this image.]

சதாசிவம் · சதாசிவம் Thu Nov 24, 2011 4:54 pm

Aathira wrote:கடவுளே எனக்கு அனைத்தையும் படிக்க காலத்தையாவது கொடு இறைவா!

அன்பு சதா,
நல்ல பல ஆசாரங்களை நாம் இன்று கை விட்டு விட்டு நோய்க்குள் அகப்பட்டு அல்லாடுகிறோம். இவற்றையெல்லாம் படித்துப் பழகினால் நோய் நம்மை அண்டாது என்பது உறுதி. நல்ல பயனுள்ள திரியைத் தொடங்கி அழகாகச் சொல்லிச் செல்லும் தங்களுக்கு இந்த நன்றி என்னும் ஒற்றைச் சொல்லெல்லாம் ஒருபோதும் போதாது. ஈகரைப் பதிவுகளில் தங்களின் இரு திரிகளும் (புறம், ஆசாரக்கோவை). மக்கள் சமுதாயத்திற்குப் நற்பயன் தர வல்லது. தொடர வாழ்த்துகள். [You must be registered and logged in to see this image.]

தங்களின் ஊக்கதிற்கு நன்றி ஆதிரா [You must be registered and logged in to see this image.]

சதாசிவம் · சதாசிவம் Thu Nov 24, 2011 5:29 pm

பாடல் 21 ஒழுக்கம் பிழையாதவர் செய்வது,
(இன்னிசைச் சிந்தியல் வெண்பா)
விருந்தினர், மூத்தோர், பசு, சிறை, பிள்ளை,
இவர்க்கு ஊண் கொடுத்து அல்லால் உண்ணாரே - என்றும்
ஒழுக்கம் பிழையாதவர்

பொருள் விளக்கம்:

ஒழுக்கம் பிழையாதவர் தாங்கள் உண்ணும் முன் தங்களின் மூத்தோர் (பித்ரு) வடிவமாக இருக்கும் பறவை (காகம்), தாங்கள் இல்லத்திற்கு பாலும் மங்கலத்தையும் கொடுக்கும் பசு, பசியை பொறுக்க முடியாத வயது முதிர்ந்தோர், குழந்தைகள், மற்றும் வீட்டுக்கு வந்த விருந்தாளி ஆகிய அனைவருக்கும் உணவு அளித்த பின்னர் தான் உணவு உண்பர்.

[b]பாடல் 22 பிற திசையும் நல்ல;
(இன்னிசைச் சிந்தியல் வெண்பா)
ஒழிந்த திசையும் வழிமுறையான் நல்ல;
முகட்டு வழி ஊண் புகழ்ந்தார்; இகழ்ந்தார்,
முகட்டு வழி கட்டில் பாடு.

பொருள் விளக்கம்:

முன் சொன்ன கிழக்கு திசை நோக்கி உண்ண இயலாவிட்டால் மற்ற திசை நோக்கி உண்ணலாம், உச்சி பொழுதில் உணவு உண்பது நல்லது. வாசற்படிக்கு நேராக கட்டில் இட்டு தூங்குவது கூடாது.

பாடல் 23: [b]உண்ணக் கூடாத முறைகள்;
(இன்னிசைச் சிந்தியல் வெண்பா)
கிடந்து உண்ணார்; வெள்ளிடையும் உண்ணார்;
கட்டில்மேல் உண்ணார், ஒன்றும் தின்னற்க; முன் எழார்; ஊணின்கண்
என் பெறினும் ஆற்ற வலம் இரார்

பாடல் 24 :பெரியோருடன் இருந்து உண்ணும் முறை
(இன்னிசைச் சிந்தியல் வெண்பா)

முன் துவ்வார்; முன்
எழார்; மிக்கு
உறார்; ஊணின்கண்
என் பெறினும் ஆற்ற வலம் இரார்; - தம்மின்
பெரியார் தம்பால் இருந்தக்கால்

பொருள் விளக்கம்:
நம்மைவிட பெரியவர்கள் உடன் உண்ணும் போது, பந்திக்கு முந்தக்கூடாது, அவர்கள் உணவு உண்ணும் முன் நாம் ஆரம்பிக்கக்கூடாது, அவர் சாப்பிட்டு முடித்து எழும் முன் நாம் எழக்கூடாது அவர்கள் அருகில் அமர்ந்து உண்ணக்கூடாது. எத்தனை செல்வம் பெறினும் அவர்களின் வலம் இருந்து உணவு உண்ணக்கூடாது.

பாடல் 25 :கசக்கும் சுவை முதலிய சுவையுடைய பொருள்களை உண்ணும்
முறைமை
(இன்னிசைச் சிந்தியல் வெண்பா)
கைப்பன எல்லாம் கடை, தலைதித்திப்ப,
மெச்சும் வகையால் ஒழிந்த இடை ஆக,
துய்க்க, முறை வகையால், ஊண்.

பொருள் விளக்கம்
நாம் உண்ணும் உணவு இனிப்பு, புளிப்பு, துவர்ப்பு, உவர்ப்பு, காரம், கசப்பு ஆகிய அறுசுவை உள்ளது. உணவு நன்கு ஜீரணம் ஆக எச்சில் நன்கு ஊற முதலில் இனிப்பு சாப்பிட வேண்டும். கசப்பு சுவை உண்ட பிறகு மற்ற சுவை நன்கு சுவைப்பதில்லை, பிடிப்பதில்லை. ஆதலால் கசப்பு சுவையை கடைசியில் உண்ண வேண்டும். மற்ற சுவைகள் நடுவில் உண்ண வேண்டும்.

தொடரும்

**பிஜிராமன்** · **பிஜிராமன்** Thu Nov 24, 2011 9:01 pm

உண்ணும் முறையையும் ஊட்டும் ஒழுங்கையும்
கண்ணும் கருத்துமாகக் காண்பித்தீர் யாமிதைப்
பண்பெனக் கொள்வோம் இனி

மிக்க நன்றிகள் ஐயா, அனைத்தும் அருமையான முறைமைகள், எளிமையாய் புரியும் வண்ணம் இருந்த விளக்கத்திற்கு நன்றிகள் ஐயா...... [You must be registered and logged in to see this image.] புன்னகை

[You must be registered and logged in to see this image.]

சதாசிவம் · சதாசிவம் Thu Nov 24, 2011 9:21 pm

நன்றி ராமன் [You must be registered and logged in to see this image.]

**கே. பாலா** · **கே. பாலா** Thu Nov 24, 2011 9:26 pm

நல்ல முயற்சி....அனைத்தும் இன்றுதான் வாசித்தேன் ... [You must be registered and logged in to see this image.]

சதாசிவம் · சதாசிவம் Thu Nov 24, 2011 9:51 pm

கே. பாலா wrote:நல்ல முயற்சி....அனைத்தும் இன்றுதான் வாசித்தேன் ...

நன்றி பாலா சார் [You must be registered and logged in to see this image.]

**ரா.ரமேஷ்குமார்** · 23/01/2011

பாடல்களுடன் பொருள் விளக்கத்தையும் தந்து அருமையாக விளக்கி உள்ளீர்கள் நன்றி...
23வது பாடலுக்கு விளக்கம் தாருங்கள் அண்ணா...
கட்டிலில் அமர்ந்தும் படுத்த நிலையிலும் உணவு உண்ணக் கூடாது என்பது மட்டும் புரிகிறது மற்றவை புரியவில்லை அண்ணா...

சதாசிவம் · சதாசிவம் Fri Nov 25, 2011 6:40 pm

நேற்று பதிந்த பாடல் திருத்தம் செய்யும் போது ஒரு சில வரிகள் அழிந்து விட்டன. ஏன் என்று தெரியவில்லை.

பாடல் 23: [b]உண்ணக் கூடாத முறைகள்;
(இன்னிசைச் சிந்தியல் வெண்பா)
கிடந்து உண்ணார்; நின்று உண்ணார்; வெள்ளிடையும்உண்ணார்;
சிறந்து மிக உண்ணார்; கட்டில்மேல் உண்ணார்;
இறந்து, ஒன்றும் தின்னற்க, நின்று

பொருள் விளக்கம்

படுத்துக்கொண்டோ, சாய்ந்துகொண்டோ உணவு உண்ணக்கூடாது, அறிமுகம் இல்லாத வெளியிடத்தில் உணவு உண்ணக்கூடாது. சுவையாக இருப்பதால் அதிக உணவு உண்ணக்கூடாது, கட்டில் மேல் அமர்ந்து உணவு உண்ணக்கூடாது. பாடல் 18 கூறிய முறை தவறி உண்ணக்கூடாது. இப்படி தவறி உண்பதற்க்கு உண்ணாமல் இருப்பது நலம்.

**ரா.ரமேஷ்குமார்** · 23/01/2011

நன்றி அண்ணா...

Sponsored content · Sponsored content

ஆசாரக் கோவை - நல்ல தமிழ் அறிவோம் - தொடர் பதிவு !

ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

Re: ஆசாரக் கோவை - நல்ல தமிழ் அறிவோம் - தொடர் பதிவு !

மறுமொழி எழுத நீங்கள் உறுப்பினராக இருக்க வேண்டும்..

உறுப்பினராக பதிவு செய்க

உள்நுழைக