ஆளுங்கவின் புதிர் - இ(எ)து தான் ரைட் நம்பர் #004

ஆளுங்க · ஆளுங்க Sun Nov 06, 2011 10:03 pm

வெளியூருக்குக் கிளம்பிக் கொண்டிருந்த ஆளுங்கவுக்கு ஒரு ஞாபகம் வந்தது..
"அடடே!!! நம்ம நண்பர் ஒரு ஆயிரம் ரூபாய் பணம் அனுப்ப சொன்னாரே!! "
உடனே இணையத்திற்குள் போனார்..
அப்போது தான் ஒரு கணக்கில் பணம் போட கணக்கு எண் வேண்டும் என்று உரைத்தது..

"நண்பரின் கணக்கு எண்.......அட அதை எங்கே வச்சேன்??"
சில நேரத்தேடலுக்குப் பின், முந்தைய நாள் அதனைத் தன் சட்டைப்பையில் வைத்தது ஞாபகம் வந்தது..
அவசர அவசரமாக ஓடினார்.. பின்னே, அப்போது தானே சட்டையைத் துவைக்க போட்டிருந்தார்..

சட்டையில் இருந்து காகிதத்தை எடுத்தால்...
ஒரு எண் மட்டும் அழிந்திருந்தது...

காகிததில் இருந்த எண்கள்: 3170 # 4847

நடுவில் உள்ள ஒரு எண்ணை மட்டும் காணோம்!!
சரி, அவரிடம் அழைத்தே கேட்டுவிடலாம் என்று அலைபேசியில் அழைத்தார்..
ஆளுங்கவின் புதிர் - இ(எ)து தான் ரைட் நம்பர் #004 Ptg00949456

ஆளுங்கவின் புதிர் - இ(எ)து தான் ரைட் நம்பர் #004 Ptg00949456

" நீங்கள் அழைத்த வாடிக்கையாளர் தொடர்பு எல்லைக்கு வெளியில் இருப்பதால் தயவு செய்து சிறிது நேரத்திற்குப் பிறகு முயற்சி செய்யவும்."
அதே நேரம்....
அவரது யூ.பி.எஸ் சத்தம் போட ஆரம்பித்தது..
வழக்கம் போல தமிழக மின்வாரியம் மின்தடை செய்து தன் பணியைச் செவ்வனே செய்தது!!!
ஆளுங்க கொஞ்சம் விரக்தி அடைந்தார்..
இன்னும் சில நிமிடங்களில் அவர் வெளியூர் கிளம்ப வேண்டும்.. அதற்கு முன் பணம் அனுப்பினால் தான் உண்டு!!

அப்போது அவரது மூளையில் ஒரு சிந்தனை தோன்றியது
குறிப்பிட்ட வங்கி எண்ணில் ஒரு சிறப்பு உண்டு..
முதல்
எண்ணை ஒன்பதாலும், இரண்டாம் எண்ணை எட்டாலும், மூன்றாவதை ஏழாலும், இப்படி
பெருக்கிக் கூட்டினால், வரும் விடைபா 11 ஆல் வகுப்படும்!!

அதாவது,
முதல் எண் * 9 + இரண்டாம் எண்* 8 + மூன்றாம் எண் * 7 + ....+ ஒன்பதாம் எண் * 1
இந்த கூட்டுத்தொகை 11 ஆல் வகுப்படும்!!

சில நொடிகளுக்குள் ஆளுங்க எண்ணைக் கண்டுபிடித்து பணபரிமாற்றம் செய்து விட்டார்..
அவர் கண்டுபிடித்த எண்..

எது தான் ரைட் நம்பர்??